આઇપીએલ મીની ઓક્શન ( IPL Auction) ચેન્નાઇમાં યોજાનાર છે. જેમાં 292 જેટલા દેશ અને વિદેશના ખેલાડીઓની બોલી બોલાનારી છે. ઓકશન દરમ્યાન એક ટીમ પર સૌની નજર રહેશે તે છે, પંજાબ (Punjab) . ઓકશન પહેલા જ પંજાબે પોતાની ટીમનુ નામ અને લોગો બંને બદલી નાંખ્યા છે. નવી સિઝનમાં પંજાબની ટીમ પંજાબ કિંગ્સ (Punjab Kings) ના નામે ઓળખાશે.
કેએલ રાહુલની કેપ્ટનશીપ ધરાવતી પંજાબની ટીમ અત્યાર સુધી એક પણ વાર આઇપીએલ ટાઇટલ જીત્યુ નથી. આવામાં ટીમ અને મેનેજમેન્ટે નામ બદલવાનો વિચાર કર્યો હતો. પાછલા કેટલાક વર્ષમાં પણ પંજાબની ટીમ કેટલાક મહત્વપૂર્ણ ફેરફારો કર્યા હતા. જેમાં નામ અને લોગો પણ સામેલ થઇ ચુક્યા છે. પંજાબ કિંગ્સ એ ઇન્સ્ટાગ્રામ હેંડલ દ્રારા નવા લોગોનો વિડીયો પણ શેર કર્યો છે.
પંજાબ પાસે 16 ખેલાડીઓ છે જેમાં 4 વિદેશી ખેલાડીઓ પણ સામેલ છે. તેની પાસે આજે ભારતીય સ્લોટ 9 અને વિદેશી સ્લોટ 4 ઉપલબ્ધ છે. જ્યારે ટીમ પંજાબ ના વોલેટમાં 42.70 કરોડ રુપિયા છે. આમ પંજાબ પોતાની ટીમને મજૂબત બનાવવા આજે કેવા ખેલાડીઓ પર નજર દોડાવે છે તે પણ જોવુ રહ્યુ.
Published On - 9:44 am, Thu, 18 February 21