IPL 2026 Points Table: રાજસ્થાન રોયલ્સનો રેકોર્ડ તૂટ્યો, ગુજરાત સામે હાર છતાં, દિલ્હી પોઈન્ટ ટેબલમાં ટસથી મસ ના થયું
IPL 2026ના રોમાંચક મુકાબલામાં ગુજરાત ટાઇટન્સે છેલ્લી બોલે દિલ્હી કેપિટલ્સને હરાવી પોતાની પ્રથમ જીત નોંધાવી. આ જીતથી પોઈન્ટ્સ ટેબલમાં મોટો ફેરફાર થયો.
IPL 2026 Points Table: IPL 2026માં ગુજરાત ટાઇટન્સ અને દિલ્હી કેપિટલ્સ વચ્ચે રમાયેલ મુકાબલો ખૂબ જ રોમાંચક રહ્યો, જેમાં ગુજરાતે માત્ર 1 રનથી જીત મેળવી. પરંતુ આ હાર છતાં દિલ્હી કેપિટલ્સની પોઈન્ટ્સ ટેબલમાં સ્થિતિમાં કોઈ ફેરફાર આવ્યો નથી. આ પરિણામે ક્રિકેટ ચાહકોમાં એક સવાલ ઉભો થયો કે આ મેચથી કઈ ટીમને સાચો ફાયદો થયો?
IPL 2026 પોઈન્ટ ટેબલમાં ટોપ 3
પોઈન્ટ્સ ટેબલની વાત કરીએ તો ટોચના ત્રણ સ્થાનમાં કોઈ બદલાવ જોવા મળ્યો નથી. રાજસ્થાન રોયલ્સ પ્રથમ સ્થાન પર યથાવત છે, જ્યારે પંજાબ કિંગ્સ બીજા અને રોયલ ચેલેન્જર્સ બેંગલુરુ ત્રીજા સ્થાને જ છે. આ સાથે દિલ્હી કેપિટલ્સ પણ પોતાની ચોથી પોઝિશન જાળવી રાખવામાં સફળ રહી છે.
દિલ્હીએ રાજસ્થાનનો રેકોર્ડ તોડ્યો
જોકે દિલ્હી આ મેચ હારી ગઈ, છતાં એક અનોખો રેકોર્ડ પોતાના નામે નોંધાવ્યો છે. IPL ઇતિહાસમાં સૌથી વધુ વખત 1 રનથી હારવાનો રેકોર્ડ હવે દિલ્હીના નામે છે. ટીમે અત્યાર સુધી ચાર વખત આ રીતે મેચ ગુમાવી છે, જે પહેલાં રાજસ્થાન રોયલ્સના ત્રણ વખતના રેકોર્ડથી વધુ છે.
ગુજરાત ટાઇટન્સને એક સ્થાનનો ફાયદો થયો
બીજી તરફ ગુજરાત ટાઇટન્સ માટે આ જીત ખૂબ જ મહત્વપૂર્ણ સાબિત થઈ. ટીમે આ સીઝનમાં ત્રણ મેચમાં પોતાની પહેલી જીત નોંધાવી અને પોઈન્ટ્સ ટેબલમાં એક સ્થાનનો ફાયદો મેળવ્યો. ગુજરાત હવે સાતમા સ્થાનેથી છઠ્ઠા સ્થાને પહોંચી ગઈ છે, જે ટીમ માટે આત્મવિશ્વાસ વધારનાર છે.
દિલ્હી માટે આ સીઝનની આ પ્રથમ હાર છે, કારણ કે ટીમે અગાઉના ત્રણ મુકાબલામાં સારી કામગીરી દર્શાવી હતી. જોકે આ હાર છતાં તેમની સ્થિતિ સ્થિર રહેવી ટીમ માટે સકારાત્મક સંકેત માનવામાં આવે છે.
3 સૌથી સફળ ટીમોની સૌથી ખરાબ હાલત
આ ઉપરાંત, IPLની કેટલીક સૌથી સફળ ટીમો હાલ સંઘર્ષ કરી રહી છે. પાંચ વખતની ચેમ્પિયન ચેન્નઈ સુપર કિંગ્સ હાલ પોઈન્ટ્સ ટેબલમાં સૌથી નીચે છે. કોલકાતા નાઇટ રાઈડર્સ નવમા સ્થાને છે અને હજુ સુધી એક પણ જીત મેળવી શકી નથી. મુંબઈ ઇન્ડિયન્સ, જે પણ પાંચ વખતની ચેમ્પિયન રહી છે, તે માત્ર એક જીત સાથે આઠમા સ્થાને છે.
આ રીતે IPL 2026ની પોઈન્ટ્સ ટેબલમાં હાલ ભારે સ્પર્ધા જોવા મળી રહી છે, જ્યાં દરેક મેચ પછી સ્થિતિ બદલાવાની શક્યતા રહે છે. આગામી મેચોમાં ટીમો માટે સ્થિતિ મજબૂત બનાવવી મહત્વપૂર્ણ રહેશે.
