ઈન્ડીયન પ્રિમિયર લીગ 2021 (IPL 2021 )નો રોમાંચ વર્તાઈ રહ્યો છે. આઈપીએલની આ સીઝનમાં અત્યાર સુધીની 9 મેચમાં કાંટાની ટક્કરથી લઈને રોમાંચથી ભરપુર મેચ જોવા મળી છે. આવી જ એક મેચ મુંબઈ ઈન્ડીયન્સ (Mumbai Indians) અને કલકત્તા નાઈટ રાઈડર્સ (Kolkata Knight Riders) વચ્ચે રમાઈ હતી. જેમાં મુંબઈએ લગભગ હારી બાજીને જીતમાં પલટી હતી. અંતિમ સમયે કલકત્તા નાઈટ રાઈડર્સને જીત માટે 31 બોલમાં 31 રનની જરુર હતી, આ દરમ્યાન કલકત્તાના હાથમાં 7 વિકેટ હતી. KKRની બેટીંગ લાઈન અપ જોતા આ લક્ષ્ય આસાન લાગી રહ્યુ હતુ. જોકે મુંબઈના કેપ્ટન રોહિત શર્મા (Rohit Sharma)એ ચતુરાઈ પૂર્વક પોતાના બોલર્સનો ઉપયોગ કર્યો હતો. જેને લઈને અંતમાં મુંબઈની ટીમ આ મેચ 10 રનથી જીતવામાં સફળ રહ્યુ હતુ.
આ મેચ દરમ્યાન મુંબઈ ઈન્ડીયન્સના અનેક પ્લેયરનું પરિવાર પણ સ્ટેન્ડમાં મોજૂદ હતુ. જેમાં રોહિત શર્માની પત્ની રિતીકા સજદેહ, હાર્દિક પંડ્યાની પત્ની નતાશા સ્ટેનકોવિક અને કૃણાલ પંડ્યાની પત્ની પંખૂરી શર્મા એક સાથે બેસીને મેચ જોઈ રહ્યા હતા. આ દરમ્યાન સોશિયલ મીડિયા પર આ મેચ સાથે જોડાયેલ એક તસ્વીર ખૂબ વાયરલ થવા લાગી હતી. જેમાં રિતીકા અને નતાશા ફોનની સ્ક્રીન પર કંઈક જોઈને સરપ્રાઈઝ થઈ રહ્યા છે. એવામાં ક્રિકેટ ફેંસ પણ એ જાણવા માટે ઉત્સુક થઈ ગયા હતા કે આ મહિલાઓ શા માટે આટલી બધી હેરાન રહી ગઈ છે.
મુંબઈ ઈન્ડીયન્સે સુલઝાવી મુંઝવણ
લોકોની ઉત્સુકતાને શાંત કરતા હવે મુંબઈ ઈન્ડીયન્સે પોતે જ આ મુંઝવણને ઉકેલી દીધી છે. તેમણે પોતે જ આ તસ્વીરને પોતાના ઈન્સ્ટાગ્રામ એકાઉન્ટ પરથી શેર કરી હતી. સાથે જ મુંબઈએ એક કેપ્શન પણ લખી હતી કે, તમામ લોકોએ જાણવા માંગે છે કે આટલુ સરપ્રાઈઝ કઇ વાતને લઈને હતુ. મુંબઈની પોસ્ટ પર આગળની તસ્વીર જોઈને જાણી શકાય છે કે, તેમાં રોહિત શર્મા બોલીંગ કરી રહ્યો છે.
હા, મુંબઈ ઈન્ડીયન્સના મુજબ તે રોહિત શર્માની બોલીંગ હતી અને જેને જોઈને રિતીકા અને નતાશા આટલા સરપ્રાઈઝ થઈ ગયા હતા. આ પોસ્ટ સોશિયલ મીડિયા પર ખૂબ જ ચર્ચામાં રહી છે. આમ તો ફક્ત પ્લેયર્સની પત્નિઓ જ નહીં ક્રિકેટ ફેંસ પણ મેચ દરમ્યાન રોહિત શર્માની બોલીંગ જોઈને હેરાન રહી ગયા હતા. જેનુ કારણ પણ એ છે કે, તેણે આઈપીએલ 2014 બાદ ક્યારેય બોલીંગ કરી નહોતી.
આ પણ વાંચો: MI VS SRH LIVE SCORE IPL 2021 : ધમાકેદાર શરૂઆત બાદ ડગમગ્યું હૈદરાબાદ, વિરાટ સિંહ OUT