આઇપીએલ 2021 ને અધવચ્ચે જ સ્થગીત કરી દેવી પડી હતી. કોરોના સંક્રમણ આઇપીએલના બાયોબબલમાં ફેલાવા લાગતા જ ત્વરીત નિર્ણય લઇ ટુર્નામેન્ટને અટકાવી દેવાઇ હતી. જોકે હજુ પણ બાયોબબલમાં કોરના વાયરસના પ્રવેશને લઇને સવાલો સર્જાઇ રહ્યા છે. આ દરમ્યાન ચેન્નાઇ સુપર કિંગ્સ (Chennai Super Kings) ના કોચ માઇક હસી (Mike Hussey) એ પોતાને કોરોના સંક્રમણ લાગવાને લઇને ખુલાસા ભેર વાત કરી છે. હસી હાલમાં સિડની પહોંચી ચુક્યા છે. જ્યાં તેઓ બે સપ્તાહના ક્વોરન્ટાઇન હેઠળ હોટલમાં છે.
માઇક હસીએ આઇપીએલ દરમ્યાન બાયોબબલમાં રહેવાને લઇને પોતાના અનુભવને શેર કર્યા છે. તેમણે કહ્યુ છે કે, મુંબઇ થી દિલ્હી જવા દરમ્યાન સૌ કોરોના જોખમ સામે એક્સપોઝ થઇ ગયા હતા. જ્યારે ટુર્નામેન્ટ મુંબઇ થી દિલ્હી પહોંચી હતી તો, તે પોતાને બીમાર અનુભવી રહ્યા હતા. જોકે શરુઆતમાં તેના ટેસ્ટ નેગેટીવ આવ્યા હતા. દરમ્યાન સીએસકે ના બોલીંગ કોચ લક્ષ્મીપતિ બાલાજી ( Lakshmipati Balaji) પોઝિટીવ આવ્યા તો તેમને લાગ્યુ કે કંઇક તો ગરબડ છે.
મીડિયા રિપોર્ટસનુસાર મારા શરુઆતના ટેસ્ટ ઓછો પોઝિટીવ હતો. એવામાં અમે બધા આશા કરતા હતા કે, આગળનો ટેસ્ટ નેગેટીવ થશે અને બધુ સારુ રહેશે. જોકે, બીજા દિવસે મારો ફરી થી ટેસ્ટ કરતા હું પોઝિટીવ જણાયો હતો. ઇમાનદારી થી કહુ તો, હું પહેલા થી જ કંઇક લક્ષણો અનુભવી રહ્યો હતો અને વિચારતો હતો કે મને કંઇક થઇ રહ્યુ છે. સાથે જ કેટલીક વખત બસમાં હું બોલીંગ કોચની પાસે બેઠો હતો. માટે વિચાર્યુ કે, તેને કંઇક થયુ છે તો, મને થવાના ચાન્સ વધારે છે.
દિલ્હી શિફ્ટ થવા દરમ્યાન તુટ્યુ સુરક્ષાચક્ર
માઇક હસીનુ માનવુ છે કે, બાયોબબલમાં તેઓ સુરક્ષીત અનુભવી રહ્યા હતા. જોકે દિલ્હી શિફ્ટ થવા દરમ્યાન તેમને અને બાકીના લોકોને પણ લાગ્યુ કે, એયરપોર્ટ સિક્યોરીટી, સામાન હેરફેર કરનારા અને પાયલટ તો બાયોબબલના હિસ્સો નહોતા. જેને લઇને સૌ લોકો એક્સપોઝ થઇ ગયા. તેમણે કહ્યુ કે, એટલા માટે જ ત્યાં ખતરો હતો. મેદાન પર પણ આવુ જ હતુ. જ્યારે અમે લોકો ટ્રેનીંગ કરી રહ્યા હતા ત્યારે, ગ્રાઉન્ડ સ્ટાફ મોજૂદ હતો. મુંબઇનો બબલ છોડવા બાદ નિશ્વીત રુપે અમે જોખમમાં હતા.
કોરોના સંક્રમિત થવા બાદનો અનુભવ પણ દર્શાવ્યો
માઇક હસી એ બતાવ્યુ હતુ કે, જ્યારે તેને જાણ થઇ હતી કે, તે કોરોના પોઝિટીવ છે તો, તે થોડો નિરાશ હતો. મને થયુ કે, હું જ કેમ, જોકે મે વધારે કંઇ વિચાર્યુ નહી. મે વિચાર્યુ આ થોડી શરમની વાત છે. જોકે નિશ્વિત રુપ થી હું ચિંતીત નહોતો. બસ થોડો નાખુશ હતો. પાછળ ફરીને જોવા પર ખ્યાલ આવ્યો કે, આના ચાલતા મને થોડુ વધારે નુકશાન થયુ. તે સમયે મે વિચાર્યુ કે, મને ઠીક નથી લાગી રહ્યુ. જોકે જીવનનો ખતરો નહોતો, પરંતુ તેના થી તમારા સ્વાસ્થ્ય પર ખૂબ અસર પડે છે.