IPL 2021: ક્યા સ્થળે અને કઈ તારીખે, કોણ કોની સામે ટકરાશે, જાણો IPL ટુર્નામેન્ટનું પુરુ શિડ્યુલ

ઈન્ડિયન પ્રીમિયર લીગ એટલે કે IPLની આગામી 14મી સીઝનની મેચો, તેની તારીખ અને સ્થળનું એલાન કરી દેવામાં આવ્યુ છે. હાલમાં ભારત પ્રવાસે આવેલ ઈંગ્લેન્ડની ટીમ સામેની T20 શ્રેણી પૂરી થયા બાદ તુરત જ ટુર્નામેન્ટની શરુઆત થશે. એટલે કે ભારત ઈંગ્લેન્ડ (India vs England) વચ્ચેની વન ડે શ્રેણીના અંત બાદ 12 દિવસ પછી 9 એપ્રિલથી શરૂ થશે. ભારતીય ક્રિકેટ બોર્ડ (BCCI)ના દ્વારા અપાયેલી જાણકારી મુજબ આઈપીએલની ફાઈનલ મેચ અમદાવાદના નરેન્દ્ર મોદી ક્રિકેટ સ્ટેડિયમમાં રમાશે. અમદાવાદમાં 8 લીગ મેચ પણ રમાનારી છે.

રોહિત શર્માની આગેવાની ધરાવતી મુંબઈ ઈન્ડીયન્સ અને વિરાટ કોહલીની કેપ્ટનશીપ ધરાવતી રોયલ ચેલેન્જર્સ બેંગ્લોર વચ્ચે સિઝનની ઓપનિંગ મેચ ચેન્નાઈમાં રમાનાર છે. લીગમાં કુલ 56 મેચ રમાનાર છે. ચેન્નાઈ, મુંબઈ, કલકત્તા અને બેંગ્લુરુમાં 10-10 મેચ રમાશે, જ્યારે અમદાવાદ અને દિલ્હીમાં 8-8 મેચ રમાનારી છે. આ વખતે કોઈ પણ ટીમ પોતાના હોમગ્રાઉન્ડ પર મેચ નહીં રમે. તમામ ટીમો પોતાની મેચો તટસ્થ સ્થળો પર રમશે. આ વખતે 11 ડબલ હેડર મેચો રમાનારી છે. જેમાં ડબલ હેડર મેચની પ્રથમ મેચ બપોરે 3.30 કલાકે રમવાની શરુ થશે, જ્યારે બીજી મેચ સાંજે 7.30 કલાકે રમાશે. જાણો આઈપીએલ ટુર્નામેન્ટનુ પુરુ શિડ્યુલ