અમદાવાદના નરેન્દ્ર મોદી સ્ટેડિયમ (Narendra Modi Stadium) માં આઇપીએલની દિલ્હી કેપિટલ્સ (Delhi Capitals) અને કલકત્તા નાઇટ રાઇડર્સ (Kolkata Knight Riders) વચ્ચે મેચ રમાઇ રહી છે. દિલ્હી ના કેપ્ટન ઋષભ પંતે (Rishabh Pant) ટોસ જીતીને પ્રથમ બોલીંગ પસંદ કરી હતી. કલકત્તાએ આમ તો શરુઆતમાં રનની ગતી જાળવવી હતી પરંતુ એક બાદ એક વિકેટ ગુમાવતા રન ની ગતી ધીમી થઇ ગઇ હતી. શુભમન ગીલ (Shubman Gill) એ 43 રન અને આંદ્રે રસેલે (Andre Russell) ઝડપી 45 રન કર્યા હતા. કલકત્તાએ 20 ઓવરમાં 6 વિકેટ ગુમાવીને 154 રન કર્યા હતા.
કલકત્તા નાઇટ રાઇડર્સ ની બેટીંગ
શરુઆત કરતા ચોથી ઓવરમાં 25 રને પ્રથમ વિકેટ ઓપનર નિતીશ રાણાની ગુમાવી હતી. તેણે 15 રન કર્યા હતા. ત્યાર બાદ બીજી વિકેટ રાહુલ ત્રિપાઠીની 69 રને ગુમાવી હતી. ત્રિપાઠીએ 19 રન કર્યા હતા. ઇયોન મોર્ગન અને સુનિલ નરેન શૂન્ય રન પર જ પોતાની વિકેટ ગુમાવી બેઠા હતા. દિનેશ કાર્તિકે પણ 14 રન કરીને વિકેટ ગુમાવી હતી. આંદ્રે રસેલ એ 27 બોલમાં 45 રન કર્યા હતા, તેણે 4 છગ્ગા લગાવ્યા હતા.
દિલ્હી કેપિટલ્સની બોલીંગ
અક્ષર પટેલ એ 4 ઓવર માં 32 રન આપીને 2 વિકેટ ઝડપી હતી. લલિત યાદવે 3 ઓવર કરીને 13 રન આપી 2 વિકેટ ઝડપી હતી. આવેશ ખાને 4 ઓવર કરીને 31 રન આપી એક વિકેટ ઝડપી હતી. માર્કસ સ્ટોઇનિશ એ એક ઓવર કરીને 7 રન આપી એક વિકેટ ઝડપી હતી. કાગિસો રબાડાએ 4 ઓવર કરીને 31 રન આપ્યા હતા. ઇશાંત શર્માએ 4 ઓવર કરીને 34 રન આપ્યા હતા.