IND vs NZ T-20: ન્યૂઝીલેન્ડને વ્હાઈટવોશ કરી 5-0થી સીરીઝ જીતવા પર ભારતીય ટીમની નજર રહેશે

ન્યૂઝીલેન્ડની સામે આજે પાંચમી અને સીરીઝની છેલ્લી ટી-20 મેચ રમાશે. આ મેચ માઉન્ટ માઉન્ગાનુઈના બે ઓવલ મેદાન પર રમાશે. ભારતીય ટીમ આ સીરીઝમાં 4 મેચ જીતી ચૂકી છે. રસપ્રદ વાત એ છે કે આ ચાર મેચમાંથી છેલ્લી 2 મેચ ભારતીય ટીમે સુપર ઓવરમાં જીતી છે. ત્યારબાદ ભારતીય ટીમની નજર હવે ન્યૂઝીલેન્ડમાં વ્હાઈટવોશ કરી એક નવો ઈતિહાસ રચવા પર છે.

ચોથી ટી-20 મેચમાં અણનમ અડધી સદી ફટકારનારા ખેલાડી મનીષ પાંડેએ કહ્યું કે ટીમ હવે છેલ્લા બોલ સુધી હાર નથી માનતી અને જો ટીમ આ રીતે તાલમેલથી રમવાનું ચાલુ રાખશે તો ન્યૂઝીલેન્ડની સામે અમે 5-0થી સીરીઝ પર કબ્જો કરીશું. ત્યારે ICC ટી-20 રેન્કિંગમાં ભારતીય ટીમ વ્હાઈટવોશ કરશે તો ટીમ 261 રેટિંગ પોઈન્ટ પર પહોંચી જશે. નંબર 4 પર દક્ષિણ આફ્રિકા અને ભારતીય ટીમની વચ્ચે માત્ર એક અંકનો ફરક રહી જશે.

ભારતીય ટીમ માટે સૌથી વધારે ખુશીની વાત એ છે કે અત્યાર સુધી મળેલી 4 જીતમાં જીતના ખેલાડીઓ અલગ અલગ રહ્યા છે. આ ત્યારે સંભવ છે કે જ્યારે ખેલાડી પોતાની જવાબદારીને સમજે અને પોતાના રોલને સારી રીતે નિભાવે. આ સીરીઝમાં એ જોવા મળ્યું છે. પ્રથમ મેચમાં શ્રેયસ ઐયર જીતના હિરો બન્યા હતા, ત્યારબાદ બીજી મેચમાં જીત અપાવવાની જવાબદારી કે.એલ.રાહુલે લીધી. ત્રીજી મેચમાં રોહિત શર્મા અને ચોથી મેચમાં શાર્દુલ ઠાકુર જીતના નાયક રહ્યા.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

 આ પણ વાંચો: VIDEO: રાજકોટમાં સારા કવરેજ માટે 8 સ્થાનિક પત્રકારોને કલેકટર દ્વારા લાંચ આપવાનો પ્રયાસ

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]