મેલબર્ન વનડેમાં ઑસ્ટ્રેલિયાને ભારતે 7 વિકેટે માત આપી કાંગારુઓને પહેલી વાર કોઈ દ્વિપક્ષીય વનડે સિરીઝમાં વિજય મેળવ્યો છે.
70 વર્ષોમાં આ પહેલો મોકો છે કે જ્યારે ભારતે ઑસ્ટ્રેલિયામાં એક જ પ્રવાસ પર બે સિરીઝ પોતાના નામે કરી છે. ઑસ્ટ્રેલિયા વિરુદ્ધ ભારતે ત્રણ મૅચોની ટી-20 સિરીઝ 1-1થી બરાબરી પર ખતમ કરી હતી. ત્યાર બાદ ટેસ્ટ સિરીઝમાં 2-1થી અને હવે વનડે સિરીઝમાં 2-1થી શાનદાર વિજય મેળવ્યો છે.
વવનડે સિરીઝની વાત કરીએ, તો ભારતે અત્યાર સુધી ઑસ્ટ્રેલિયાની ધરતી પર 12 સિરીઝ રમી છે. તેમાંની 11 સિરીઝ મલ્ટીનેશનલ વનડે સિરીઝ હતી. ભારત-ઑસ્ટ્રેલિયા વચ્ચે એકમાત્ર દ્વિપક્ષીય વનડે સિરીઝ 2016માં મરાઈ હતી કે જેમાં ભારતે 5 મૅચોની સિરીઝમાં 1-4થી કારમો પરાજય મેવો પડ્યો હતો.
ટીમ ઇન્ડિયાએ એમ તે ઑસ્ટ્રેલિયામાં બે વનડે સિરીઝ જીતી છે, પણ તે દ્વિપક્ષીય નહોતી. ભારતે 1984-85માં બેંસન એન્ડ હેજિસ વર્લ્ડ ચૅમ્પિયનશિપ ટૂર્નામેંટ જીતી હતી. ત્યાર બાદ ભારતે 2007-2008માં કૉમનવેલ્થ બૅંક વનડે ટ્રાય સિરીઝ ભારતે પોતાના નામે કરી હતી.
1984-85માં ભારતે સુનીલ ગાવસ્કરની કૅપ્ટનશિપમાં કાંગારુઓની ધરતી પર મલ્ટીનેશન વનડે ટૂર્નામેંટમાં વિજય મેળવ્યો હતો. આ ટૂર્નામેંટની એક મૅચમાં ભારતે ઑસ્ટ્રેલિયાને કચડી આઠ વિકેટે યાદગાર વિજય મેળવ્યો હતો.
શુક્રવારે રમાયેલી મેલબર્ન વનડેમાં ભારતે ઑસ્ટ્રેલિયાને 7 વિકેટે માત આપી. મેલબર્ન પર 11 વર્ષ બાદ ભારતે જીત મેળવી. છેલ્લે 10 ફેબ્રુઆરી, 2008માં ભારતે ઑસ્ટ્રેલિયાને 5 વિકેટે માત આપી હતી.
આ પણ વાંચો : જો તમારી રાશિ આ 3 રાશિઓમાંથી એક છે, તો આ ખાસ કલરના કપડાં તમને બનાવી દેશે કરોડપતિ, ખોલી દેશે ભાગ્યનો દ્વાર
શુક્રવારની મૅચમાં ભારતે 231 રનના ટાર્ગેટનો પીછો કરતા 234 રન બનાવ્યાં. જોકે શરુઆત સારી નહોતી. રોહિત શર્મા અને શિખર ધવન કંઈ ખાસ ન કરી શક્યા, તો વિરાટ કોહલી 46 રન બનાવીને જ આઉટ થઈ ગયો. જોકે પછી ધુરંધર મહેન્દ્ર સિંહ ધોનીએ 87 રન અને કેદાર જાધવે 61 રન બનાવી મૅચ જિતાડી દિધી.
આ મૅચમાં ઑસ્ટ્રેલિયાને ઓછા રનમાં સમેટી દેવામાં યજુવેન્દ્ર ચહલનો મોટો ફાળો રહ્યો કે જેણે 6 વિકેટ ઝડપી. મોહમ્મદ શમી અને ભુવનેશ્વરે 2-2 વિકેટો ઝડપી.
[yop_poll id=660]
જો તમે TV9 ગુજરાતીના WhatsApp ગ્રુપમાં જોડાઈ નથી શકતા તો Tv9 ગુજરાતીનો આ WhatsApp નંબર 90999-00199 આપના મોબાઇલમાં સેવ કરીઅમને મોકલી આપો આપનું અને આપના શહેરનું નામ. જેથી દરરોજ Tv9 ગુજરાતીની રસપ્રદ સ્ટોરીઝ અને વીડિયોઝ આપના મોબાઇલમાં મળતા રહે. જો આપ કોઈ WhatsApp ગ્રુપમાં છો તો આ મોબાઈલ નંબરને પણ તેમાં એડ કરવા વિનંતી.
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]
Published On - 11:40 am, Fri, 18 January 19