IND vs ENG: ભારતનો આ રેકોર્ડ ઇંગ્લીશ ટીમ તોડી શકે છે, 65 વર્ષ અગાઉ પાકિસ્તાન સામે નોંધાવ્યો હતો

ભારત સામે ચેન્નાઇ (Chennai Test) માં બીજી ટેસ્ટ મેચના પ્રથમ દિવસે ઇંગ્લેંડ (England) ના બોલરોએ કમાલની શિસ્ત દાખવતી બોલીગ કરી હતી. ભારતે 88 ઓવર સુધી બેટીંગ કરી હતી. જેમાં 6 વિકેટ ગુમાવીને 300 રનનો સ્કોર પ્રથમ દિવસના અંત સુધી બનાવ્યો હતો. જોકે આ 88 ઓવરો નાંખીને 300 રન આપ્યા પરંતુ, એક પણ રન એકસ્ટ્રા (Extra Run) આપ્યો નહી. એટલે કે ભારતીય બેટ્સમેનોએ કરેલી બેટીંગ થી જ રન ટીમ ઇન્ડીયા (Team India) ને મળ્યા હતા. ઇંગ્લીશ બોલરોએ પુરા દિવસની રમત દરમ્યાન ના તો એક પણ વાઇડ બોલ નાંખ્યો કે, ના તો એક પણ નો બોલ નાંખ્યો હતો. આ ઉપરાંત લેગ બાય કે બાયનો પણ રન ગુમાવ્યો નહોતો. આમ ટેસ્ટ ક્રિકેટમાં બોલરોનુ અત્યાર સુધીનુ બીજુ શ્રેષ્ઠ પ્રદર્શન છે.

આ મામલામાં ભારતે રેકોર્ડ નોંધાવેલો છે. ભારતીય ટીમ એ 1955માં પાકિસ્તાન સામે લાહોર ટેસ્ટ (Lahore Test) માં એક પણ એક્સ્ટ્રા રન આપ્યા વિના 187. 5 ઓવર કરી હતી. જેમાં પાકિસ્તાને 328 રન કર્યા હતા. ઇગ્લેંડની ટીમ હવે આ રેકોર્ડ તોડવાની નજીક છે. એક ઇનીંગમાં એક પણ એકસ્ટ્રા રન આપ્યા વિનાની ટોપ પાંચ મેચ જોવામાં આવે તો, ચાર મેચ ઇંગ્લેંડના નામે છે. પ્રથમ નંબર પર ભારતના રહેતા બાકીની ચાર મેચોમાં ઇંગ્લેંડનુ નામ જ નોંધાયેલુ છે.

ચેન્નાઇ ટેસ્ટ રહેલા 1931માં ઇંગ્લેંડ એ દક્ષિણ આફ્રિકાની સામે એકસ્ટ્ર્રા રન આપ્યા વિના 130.4 ઓવર બોલીંગ કરી હતી. જે સમયે દક્ષિણ આફ્રિકા એ 252 રન બનાવ્યા હતા. 1960માં નોટિંધમ ટેસ્ટમાં દક્ષિણ આફ્રિકા સામે 94.4 ઓવર એકસ્ટ્રા વિના જ કરી હતી. આવી જ રીતે 1892માં ઓસ્ટ્રેલીયા સામે કોઇ પણ વધારાના રન વિના જ મેલબોર્ન ટેસ્ટમાં 191.5 ઓવર કરી હતી.

ટીમ ઇન્ડીયાના બોલરોએ પ્રથમ ટેસ્ટ દરમ્યાન ખૂબ એકસ્ટ્રા રન આપ્યા હતા. જેમાં ટીમ ઇન્ડીયાએ 45 એકસ્ટ્રા રન આપ્યા હતા. જેમાં 20 નો બોલ, 17 લેગ બાય, 7 બાય અને એક વાઇડ બોલ હતો. તો બીજી ઇનીંગમાં 7 રન એકસ્ટ્રા આપ્યા હતા. જે તમામ સાત રન નો બોલના સ્વરુપે આવ્યા હતા. તો ઇંગ્લેંડ એ ટેસ્ટની પ્રથમ ઇનીંગમાં 6 રન એકસ્ટ્રા આપ્યા હતા. જ્યારે બીજી ઇનીંગમા 14 એકસ્ટ્રા રન આપ્યા હતામાં જેમાં બંને પારીમાં માત્ર એક એક નો બોલ સામેલ હતા.