IND vs ENG: ઇંગ્લેંડની ટીમ માટે મોટો ઝટકો, બીજી ટેસ્ટ મેચમાંથી જોફ્રા આર્ચર બહાર

ભારત અને ઇંગ્લેંડ (India vs England) વચ્ચે ચેન્નાઇમાં રમાનારી બીજી ટેસ્ટ મેચ પહેલા જ ઇંગ્લેંડની ટીમને મોટો ઝટકો લાગ્યો છે. ટીમના સ્ટાર બોલર જોફ્રા આર્ચર (Joffra Archer) ઇજાને લઇને બહાર થઇ ગયો છે. આર્ચરના હાથની કોણીમાં ઇન્ફેક્શનને લઇને તે બીજી ટેસ્ટમાં રમત થી દુર રહેશે. ઇંગ્લેંડની ટીમએ પ્રથમ ટેસ્ટ મેચમાં ભારતને 227 રન થી હાર આપી હતી. ઇંગ્લેંડની ટીમ ચાર મેચોની સિરીઝમાં 1-0 થી હાલમાં આગળ છે.

જોફ્રા આર્ચર પ્રથમ ટેસ્ટ મેચમાં સારુ પ્રદર્શન કરી ચુક્યો છે. તેણે પ્રથમ ટેસ્ટમાં ત્રણ વિકેટ ઝડપી હતી. જેમાં પ્રથમ પારીમાં રોહિત શર્માનો પણ તેણે શિકાર કર્યો હતો. આર્ચર ભારતના બેટ્સમેનોને ખુલીને રમવાનો મોકો નથી આપતો. આર્ચર ઉપરાંત જેમ્સ એંડરસનની બોલીંગ પણ શાનદાર રહી હતી. તેણે પણ બીજી ઇનીંગમાં મહત્વની ત્રણ વિકેટ ઝડપી હતી. સ્પિનર ડોમિનિક બેઝ એ પ્રથમ ઇનીંગમાં 4 વિકેટ ઝડપી હતી. જ્યારે બીજી ઇનીંગમાં જેક લીચે 4 વિકેટ ઝડપી હતી. કેપ્ટન જો રુટ એ પણ પોતાની 100મી ટેસ્ટને યાદગાર બનાવતી જીત મેળવી હતી. જેમાં તેણે બેવડી સદી ફટકારી હતી.