IND vs ENG: બીજી ટેસ્ટને લઇને BCCI એ દર્શકોના સ્વાગતને લઇ શેર કર્યો મસ્ત વિડીયો, જુઓ

ભારત અને ઇંગ્લેંડ (India vs England) વચ્ચે ચાર ટેસ્ટ મેચની શ્રેણીની બીજી મેચ ચેન્નાઇ (Chennai Test) માં રમાનારી છે. ચેન્નાઇના એમએ ચિદંબરમ સ્ટેડીયમ (MA Chidambaram Stadium) માં રમાનારી બીજી મેચમાં દર્શકો પણ હાજર રહેનારા છે. લગભગ એક વર્ષના લાંબા અંતરાલ બાદ ક્રિકેટ મેચમાં દર્શકો મેદાનમાં ફરી એકવાર જોવા મળી રહેશે. પાછલા વર્ષે કોરોના (Corona) ને લઇને લગભગ લોકડાઉનના કારણે ભારતમાં સ્ટેડીયમમાં દર્શકોના પ્રવેશ માટે પ્રતિબંધ હતો. તામિલનાડુ ક્રિકેટ એસોસિએશન (TNCA) અને BCCI એ નિર્ણય લેતા 50 ટકા દર્શકોને બીજી ટેસ્ટમાં મેચ નિહાળવા માટે ની છુટ આપી હતી. આ દરમ્યાન હવે ખૂબ લાંબા સમય બાદ દર્શકો મેદાનમાં આવી રહ્યા હોઇ BCCIએ પણ પોતાના સોશિયલ મિડીયા એકાઉન્ટ દ્વારા એક ખાસ વિડીયો પોષ્ટ કર્યો છે.

BCCIએ પોતાના ટ્વીટર પર એક નાનકડો વિડીયો શેર કર્યો છે, જેમાં ખાલી ખુરશીઓ બતાવવામાં આવી રહી છે. જે દ્રશ્યો સાથે દર્શકોનો શોરબકોર સંભળાઇ રહ્યો છે. આ વિડીયોને શેર કરતા BCCIએ દર્શકોને લઇને શાનદાર કેપ્શન લખી હતી, લખ્યુ હતુ કે, ભારતીય ટીમના પ્યારા ફેન્સ, અમે આપને ખૂબ મિસ કર્યા. અને હવે અમે બીજી ટેસ્ટ મેચના માટે દર્શકોનો ફરીથી સ્વાગત કરવા માટે પુરી રીતે તૈયાર છીએ. હવે રાહ નથી જોઇ શકાય એમ આપને ચેપોક મેદાન પર શોર મચાવતા જોવાનો. બાકી દેશોમાં દર્શકોને મેદાનમાં હાજરી થઇ શકી છે. પરંતુ ભારતમાં આ પહેલા મોકો છે કે, એક વર્ષ બાદ સ્ટેડીયમમાં દર્શકો શોર મચાવતા જોવા મળશે.