ભારત અને ઓસ્ટ્રેલીયા વચ્ચે આઇસીસી વર્લ્ડ ટેસ્ટ ચેમ્પિયન્સશિપ અંતર્ગત ચાર મેચોની ટેસ્ટ સીરીઝ 17 ડિસેમ્બર થી શરુ થનારી છે. આ સીરીઝ પહેલા જ ભારતીય ટીમ અને ઓસ્ટ્રેલીયા ની ટીમ એ વચ્ચે પ્રેકટીસ મેચ રમાઇ રહી છે. આ ટેસ્ટ મેચમાં ભારતીય ટીમના વાઇસ કેપ્ટન અજીંક્ય રહાણે ફોર્મમાં પરત ફર્યો છે.
સિડનીમાં પ્રથમ ત્રણ દીવસીય અભ્યાસ મેચમાં ટીમની શરુઆત સારી રહી નહોતી. પરંતુ ત્યાર બાદ ચેતેશ્વર પુજારા અને અજીંક્ય રહાણે ની જોડીએ ટીમને સંભાળી હતી. પ્રથમ દીવસની રમતની સમાપ્તિ સુધીમાં 90 ઓવરોમાં 237 રન આઠ વિકેટ ગુમાવીને બનાવ્યા હતા. રહાણે ક્રીઝ પર હતા. તેણે 108 રન બનાવ્યા હતા. રહાણેએ 15 ચોગ્ગા અને એક છગ્ગાની મદદ થી શતક પુર્ણ કર્યુ હતુ. ટીમના માટે પુજારાએ પણ મહત્વની ઇનીંગ રમીને ફીફટી ફટકારી હતી.
આ મેચમાં ભારતના ઓપનરો બેટ્સમેનો પોતાનુ ખાતુ પણ ખોલાવી શક્યા નહોતા. શુભમન ગીલ બીજી ઓવરના પહેલા બોલ પર ગોલ્ડન ડક થયો હતો. જ્યારે 6 રનના સ્કોર પર પૃથ્વી શો પણ પોતાનુ ખાતુ ખોલાવ્યા વિના જ આઉટ થયો હતો. પુજારા ઓસ્ટ્રેલીયામાં પાછલી સીરીઝ દરમ્યાન મેન ઓફ ધ સીરીઝ રહ્યો હતો. આ વખતે પણ તેની પાસે થી સારા પ્રદર્શનની આશા રાખવામાં આવી રહી છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
Published On - 4:27 pm, Sun, 6 December 20