ICCના નવા રેન્કિંગમાં વિરાટ કોહલી અને રોહિત શર્માએ ટોચના પ્રથમ બે સ્થાનો પર દબદબો જાળવ્યો

હાલમાં જ વનડે રેન્કિંગની આઇસીસી દ્રારા યાદી બહાર પાડવામાં આવી છે. જેમાં ભારત બેટ્સમેનો ટોચના સ્થાન પર કાયમ રહેવામાં સફળ બન્યા છે. ભારતીય ટીમના કેપ્ટન વિરાટ કોહલી અને વાઈસ કેપ્ટન રોહિત શર્મા આઈસીસીના નવા રેન્કિંગમાં પ્રથમ અને બીજા સ્થાનને જાળવી રાખવામાં સફળ રહ્યા છે. ઓસ્ટ્રેલિયા અને ઇંગ્લેન્ડ વચ્ચે રમાયેલી ત્રણ એક દીવસીય મેચોની શ્રેણી પૂર્ણ થયા બાદ આ નવી યાદી બહાર પાડવામાં આવી છે. જેમાં કોહલીને એ 871 રેટીંગ પોઈન્ટ સાથે ટોચનુ સ્થાન જળવાઇ રહ્યુ છે. તો આ જ પ્રમાણે નંબર બેના સ્થાન પર રોહીત શર્મા પણ જળવાઇ રહ્યો છે તેને 855 રેટીંગ પોઇન્ટ મળ્યા છે. શ્રેણી હાલમાં જ પુર્ણ થતા તેમાં સારો દેખાવને લઇને ઇંગ્લેન્ડના બેટ્સમેન બેએરસ્ટો અને ઓસ્ટ્રેલિયાના ગ્લેન મેક્સવેલ તથા એલેક્સ કેરીને રેન્કિંગમાં ફાયદો થયો છે.

હાલમાં યોજાયેલી ઇંગ્લેન્ડ અને ઓસ્ટ્રેલિયા વચ્ચે યોજાયેલી, વન-ડે શ્રેણી ની અંતિમ અને ત્રીજી મેચમાં સદી ફટકારનાર જોન બેએરસ્ટો ટોપ ટેનમાં રહેવામાં સફળ રહ્યો છે. તેણે તેના કેરિયરની બેસ્ટ રેન્કિંગ પોઇન્ટ મેળવ્યા છે. અંતિમ મેચમાં ગ્લેન મેક્સવેલ મેન ઓફ ધ મેચ બન્યો હતો. તેણે એલેક્સ કેરી સાથેની છઠ્ઠી વિકેટની ભાગીદારીમાં ૨૧૨ રનની વિજેતા પારી રમી હતી. જે શાનદાર રમત ને લઇ ઓસ્ટ્રેલિયાએ ઇંગ્લેન્ડને તેના જ ઘરમાં ત્રણ વિકેટથી હરાવી સીરીઝ જીતી લીધી હતી.