Cricket: ટેસ્ટ ક્રિકેટમાં ખેલાડીઓ સફેદ ડ્રેસ જ કેમ પહેરતા હોય છે? વર્ષોથી જોડાયેલુ છે આ ખાસ કારણ
ક્રિકેટ જગતમાં આ સફેદ પોશાકને અંગ્રેજીમાં 'ફ્લેનલ્સ' નામથી જાણવામાં આવે છે. પોશાકમાં મુખ્યત્વે ટ્રાઉઝર, શર્ટ, જમ્પર (શર્ટની ઉપર પહેરાતુ વસ્ત્ર) જોકસ્ટ્રેપ (આંતરિક ઈજાથી રક્ષણ આપતુ) સામેલ હોય છે.
ક્રિકેટને જેન્ટલ મેન ગેમ તરીકે ઓળખવામાં આવે છે. વન ડે અને T20 ક્રિકેટમાં રંગ બે રંગી કપડાઓમાં ક્રિકેટરો આકર્ષક લાગતા હોય છે. જ્યારે ટેસ્ટ ક્રિકેટ (Test cricket)માં સફેદ યુનિફોર્મ (White uniform)માં જોવા મળતા હોય છે.
ફેન્સને પણ સવાલ એ થતો હોય છે કે ટેસ્ટ ક્રિકેટમાં ખેલાડીઓ કેમ સફેદ યુનિફોર્મમાં જ જોવા મળતા હોય છે. ટેસ્ટ ક્રિકેટમાં કેમ રંગીન કપડા ખેલાડીઓ નથી પહેરતા હોતા. એના માટે પણ કંઈક ખાસ કારણ છે. ક્રિકેટની શરુઆત 19મી સદીમાં થઈ હતી. પરંતુ તેનો વિકાસ 19મી સદી બાદ જ થયો હતો.
સન 1900 પહેલા ક્રિકેટમાં એક ચોક્કસ ડ્રેસ કોડ નહોતો રહેતો. ખેલાડી સાધારણ કપડા પહેરીને જ મેદાનમાં ઉતરતા હતા. જોકે 1900મી સદી બાદ ક્રિકેટ એક પ્રોફેશનલ રમત તરીકે ઉભરી ચુકી હતી. આમ ક્રિકેટમાં ડ્રેસ કોડને મહત્વ મળવા લાગ્યુ હતુ.
અગાઉ ટેસ્ટ ક્રિકેટ 6 દિવસ માટે રમવામાં આવતી હતી. જે સવારથી સાંજ સુધી રમાતી હતી. આ દરમ્યાન ખેલાડીઓએ તડકાને ખૂબ સહેવો પડતો હતો. તડકામાં સફેદ રંગ રાહત આપનારો માનવામાં આવે છે. જેને લઈને ટેસ્ટ ક્રિકેટે સફેદ રંગને અપનાવ્યો હતો. ધીરે ધીરે ટેસ્ટ ક્રિકેટ સાથે તે રંગ કાયમી બની ચુક્યો હતો.
ક્રિકેટ જગતમાં આ સફેદ પોશાકને અંગ્રેજીમાં ‘ફ્લેનલ્સ’ નામથી જાણવામાં આવે છે. પોશાકમાં મુખ્યત્વે ટ્રાઉઝર, શર્ટ, જમ્પર (શર્ટની ઉપર પહેરાતુ વસ્ત્ર) જોકસ્ટ્રેપ (આંતરિક ઈજાથી રક્ષણ આપતુ) સામેલ હોય છે. શરુઆતમાં જોકસ્ટ્રીપ સાયકલીંગ માટે ઉપયોગી હતુ. બાદમાં તેને ક્રિકેટમાં ક્રિકેટરોને ઈજાથી સુરક્ષિત રાખવા અનિવાર્ય કરી દેવાયુ હતુ.
સમય જતા હાલમાં ટેસ્ટ ક્રિકેટમાં ક્રિકેટરોના ડ્રેસ વધારે ઈલાસ્ટીક ના ઉપયોગ સાથે બનાવવામાં આવે છે. કારણ કે ખેલાડીઓ મેદાનમાં ડાઈવ લગાવતા ઈજાથી બચી શકે અને આરામથી પોતાનુ કાર્ય કરી શકે. સફેદ ડ્રેસ પહેરવોએ પણ દરેક ક્રિકેટરોને માટે સપનુ હોય છે. જેને પુરુ કરવા ખેલાડી ક્રિકેટમાં આકરી મહેનત કરી છુટતા હોય છે.
આ પણ વાંચો: Tokyo Olympics: 148 ખેલાડીઓને લાગ્યો કોરોના વેક્સિનનો પહેલો ડોઝ, IOAએ આપી જાણકારી