ICC: ટેસ્ટ રેન્કીંગમાં રોહિત શર્મા, ઋષભ પંત અને અશ્વિનને ફાયદો, કોહલી યથાવત

ICC ની નવી ટેસ્ટ રેન્કિંગમાં રવિચંદ્રન અશ્વિન (Ashwin) હવે ટોપ ફાઇવ ઓલરાઉન્ડરમાં સમાઇ ચુક્યો છે. જ્યારે ચેન્નાઇ ટેસ્ટમાં 161 રનનની શાનદાર રમત દાખવનારા રોહિત શર્મા (Rohit Sharma) નો ટોપ 15 બેટ્સમેનોમાં સમાવેશ થઇ ચુક્યો છે. તો બીજી ટેસ્ટમાં પ્રથમ ઇનીંગ રમતા શાનદાર અર્ધશતક લગાવનારા ઋષભ પંત (Rishabh Pant) એ પોતાના કેરિયરની બેસ્ટ ટેસ્ટ રેન્કિંગ હાંસલ કરી છે. તે હવે રેન્કિંગમાં 11માં સ્થાન પર પહોંચી ગયો છે. વિરાટ કોહલી (Virat Kohli) બીજી ઇનીંગમાં 62 રનની પારી રમવા બાદ પાંચમાં સ્થાન પર યથાવત છે.

ટેસ્ટ ડેબ્યુ કરવા દરમ્યાન પાંચ વિકેટ એક જ ઇનીંગમા ઝડપનારા અક્ષર પટેલ પણ ટેસ્ટ રેન્કિંગમાં પ્રવેશ કરી લીધો છે. તે હવે 68માં નંબર પર છે. જાન્યુઆરી 2019 બાદ ટેસ્ટ ક્રિકેટમાં વિકેટ ઝડપનારા કુલદીપ યાદવ ટોપ 50 બોલરોની યાદીમાં સામેલ થઇ શક્યો છે.

ઇંગ્લેંડના કેપ્ટન જો રુટ બીજી ટેસ્ટમાં ફ્લોપ રહેવા છતાં પણ તે ચાર નંબર પર યથાવત છે. સ્ટાર ઓલરાઉન્ડર બેન સ્ટોકસ એ રેન્કિંગમાં પોતાની ટોપ પોઝિશન ગુમાવી દીધી છે. તે હવે રવિન્દ્ર જાડેજા થી નિચે ત્રીજા નંબર પર પહોંચ્યો છે. તો ન્યુઝીલેન્ડનો કેપ્ટન કેન વિલિયમસન હવે ટોપ પર છે. જ્યારે સ્ટીવ સ્મિથ બીજા નંબર પર છે. ઓસ્ટ્રેલીયાનો બોલર પેટ કમિન્સ એક નંબર નો બોલર યથાવત છે. તો ભારતીય ટીમ પણ હવે ટેસ્ટ રેન્કિંગમાં બીજા સ્થાન પર છે. જ્યારે ભારત સામે હારનાર ઇંગ્લેંડ ચાર નંબર પર સરક્યુ છે.