ભારતીય કેપ્ટન વિરાટ કોહલી (Virat Kohli) અને બેટ્સમેન કેએલ રાહુલ (KL Rahul) ને આંતરરાષ્ટ્રીય ક્રિકેટ કાઉન્સિલ (ICC) દ્રારા બહાર પાડવામાં આવેલા રેન્કીંગમાં નુકશાન વેઠવુ પડ્યુ છે. નવા બહાર પડાયેલા રેન્કીંગ (ICC Ranking) માં બંને ખેલાડીઓ એ એક એક સ્થાન પાછળ થવુ પડ્યુ છે. વિરાટ કોહલી અને કેએલ રાહુલ બંને ક્રમશઃ ચોથા અને પાંચમાં સ્થાન પર હતા. જોકે હવે બંને પાંચવા અને છઠ્ઠા નંબર પર ખસક્યા છે. બાંગ્લાદેશ (Bangladesh) સામે શાનદાર પ્રદર્શન કરવાને લઇને ન્યુઝીલેન્ડ (New Zealand) ના ડેવોન કોન્વે (Devon Conway) ને જોરદાર ફાયદો થયો છે. તે હવે ચોથા સ્થાન પર પહોંચી ગયો છે.
હાલના નવા રેન્કીંગમાં ઇંગ્લેંડના બેટ્સમેન ડેવિડ મલાન 892 પોઇન્ટ સાથે પ્રથમ સ્થાન પર યથાવત છે. ઓસ્ટ્રેલીયાના મર્યાદિત ઓવરની ક્રિકેટના કેપ્ટન આરોન ફિંચ આ સમયે 830 પોઇન્ટ ધરાવે છે અને તે યાદીમાં બીજા સ્થાન પર છે. પાકિસ્તાનના કેપ્ટન બાબર આઝમ 801 પોઇન્ટની સાથે ત્રીજા સ્થાન પર છે. વિરાટ અને કોન્વે વચ્ચે માત્ર 22 પોઇન્ટનો જ ફરક છે.
A sizzling 52-ball 92* in the first T20I against Bangladesh has helped Devon Conway continue his rise up the rankings!
He's now No.4 in the @MRFWorldwide ICC Rankings for Men's T20I batting! 🌟 pic.twitter.com/G66FWmuFX0
— ICC (@ICC) March 31, 2021
બેટ્સમેનો બાદ આઇસીસી દ્રારા જારી કરવામાં આવેલા બોલર્સ T20 રેન્કીંગ માં દક્ષિણ આફ્રિકાનો તબરેઝ શમ્સી 733 પોઇન્ટ સાથે પ્રથમ નંબર પર છે. તેના બાદ અફઘાનિસ્તાનના સ્ટાર સ્પિનર રાશિદ ખાન છે, તે 719 પોઇન્ટ ધરાવે છે. ત્રીજા, ચોથા અને પાંચમાં સ્થાન પર ઓસ્ટ્રેલીયાનો એશ્ટન એગર, આદિલ રાશિદ અને મુજીબ ઉર રહેમાન છે. આશ્વર્યજનક વાત તો એ છે કે, એક પણ ભારતીય બોલર ટોપ ટેનમાં સામેલ થઇ શક્યો નથી. જ્યારે ન્યૂઝિલેન્ડના સૌથી વધુ ત્રણ બોલર તેમાં સામેલ છે.
After impressive displays against Bangladesh, Tim Southee has moved up to No.7 in the latest @MRFWorldwide ICC Rankings for Men's T20I bowlers! 👏 pic.twitter.com/Cdu6woLz6o
— ICC (@ICC) March 31, 2021