FIFA World Cup 2022માં આજે 8 ટીમ પોતાની તાકાત દેખાડશે. ભારતીય સમય અનુસાર 10 કલાકની અંદર 4 કલાક મેચ રમાશે. જેમાં આ ટીમ પોતાનો દાવ દેખાડશે. ફુટબોલના ચાહકો માટે સારા સમાચાર એ છે કે, ફીફા વર્લ્ડકપ 2022માં પોતાના ફેવરિટ રોનાલ્ડો અને નેમારને જોવાની રાહ પૂર્ણ થઈ જશે. એવું એટલા માટે કે, આજથી ફુટબોલના મહાકુંભમાં પુર્તગોલ અને બ્રાઝીલની ટીમ પણ મેદાનમાં જોવા મળશે.
પુર્તગાલ અને બ્રાઝીલના મેદાન પર ઉતરવાનો મતલબ એ છે કે, ક્રિસ્ટિયાનો રોનાલ્ડો અને નેમારનું રમવું, આ બંન્ને દેશો સિવાય સ્વિઝરલેન્ડ, કેમરુન, સાઉથ કોરિયા, ઉરુગવે, ઘાના અને સર્બિયા તે 6 દેશ છે જે આજે મેદાનમાં રમાશે. જેમા પુર્તગાલ પોતાના અભિયાનનો આગાજ ધાના વિરુદ્ધ કરશે. જ્યારે બ્રાઝિલે સર્બિયન પડકારને પાર કરવો પડશે.
જાણો ક્યારે અને ક્યાં મેચ જોઈ શકશો ?
ફિફા વર્લ્ડકપમાં ગુરુવારે 4 મેચ રમાશે. દિવસનો પ્રથમ મુકાબલો સ્વિઝરલેન્ડ અને કેમરુન થશે. બીજી મેચ ઉરુગ્વે અને દક્ષિણ કોરિયા વચ્ચે, ત્રીજી મેચ પોર્ટુગલ અને ઘાના વચ્ચે જ્યારે છેલ્લી મેચ મોડી રાત્રે બ્રાઝિલ અને સર્બિયા વચ્ચે રમાશે.
સ્વિટ્ઝર્લેન્ડ અને કેમરૂન વચ્ચે ફિફા વર્લ્ડ કપની મેચ 24 નવેમ્બરે રમાશે. તે જ દિવસે ઉરુગ્વે વિ દક્ષિણ કોરિયા અને પોર્ટુગલ વિ ઘાના વચ્ચેની મેચો પણ રમાશે. આ સિવાય ચોથી મેચ બ્રાઝિલ અને સર્બિયા વચ્ચે ભારતીય સમય અનુસાર 25 નવેમ્બરે રમાશે.
ભારતીય સમય અનુસાર સ્વિટ્ઝર્લેન્ડ અને કેમરૂન વચ્ચેની મેચ બપોરે 3:30 વાગ્યે શરૂ થશે. આ સિવાય ઉરુગ્વે વિરુદ્ધ દક્ષિણ કોરિયાની મેચ સાંજે 6:30 વાગ્યાથી, પોર્ટુગલ વિરુદ્ધ ઘાનાની મેચ 9:30 વાગ્યાથી રમાશે. જ્યારે બ્રાઝિલ અને સર્બિયા વચ્ચે મોડી રાત્રે 12.30 કલાકે મુકાબલો થશે.
FIFA World Cup 2022માં ગુરુવારના રોજ 4 મેચનું લાઈવ ટેલીકાસ્ટ Sports18 અને Sports18 HD પર થશે.
ફિફા વર્લ્ડ કપની મેચનું લાઈવ સ્ટ્રીમિંગ જીયો સિનેમા એપ પર કરવામાં આવશે.