ક્રિકેટ રસીકો માટે સારા સમાચાર, શ્રીલંકા બાદ હવે IPL 2020ની મેજબાની માટે આ દેશની ઓફર!

કોરોના મહામારીની વચ્ચે UAEએ ઈન્ડિયન પ્રીમિયર લીગ (IPL) 2020 માટે મેજબાની કરવાની ઓફર કરી છે. ભારતીય ક્રિકેટ કંટ્રોલ બોર્ડે કોરોનાના કારણે વિશ્વની સૌથી મોટી ટી-20 લીગને અનિશ્ચિત સમય માટે સ્થગિત કરી દીધી છે. IPL 2020ની શરૂઆત 29 માર્ચથી થવાની હતી પણ કોરોના વાઈરસના કારણે તેને પહેલા તો 15 એપ્રિલ સુધી સ્થગિત કરવામાં આવી હતી અને હવે દેશવ્યાપી લોકડાઉનમાં વધારો કર્યા પછી IPLને અનિશ્ચિતકાળ માટે સ્થગિત કરવામાં આવી છે.

ઉલ્લેખનીય છે કે UAE આ પહેલા પણ IPLની મેજબાની કરી ચૂક્યુ છે. ભારતમાં 2014ની લોકસભા ચૂંટણી દરમિયાન UAEએ 20 IPL મેચનું આયોજન કર્યુ હતું. ત્યારે BCCIના ખજાનચી અરૂણ ધૂમલે કહ્યું કે UAEએ IPLની મેજબાની માટે ઓફર કરી છે પણ હાલ તેની પર કોઈ નિર્ણય લેવામાં નહીં આવી શકે.

અરૂણ ધૂમલે કહ્યું કે કોરોના વાયરસના કારણે જ્યારે આંતરરાષ્ટ્રીય મુસાફરી પર સંપૂર્ણ રીતે પ્રતિબંધ લાગેલો છે તો IPLના આયોજનનો કોઈ સવાલ જ ઉભો થતો નથી. ઉલ્લેખનીય છે કે આ પહેલા શ્રીલંકા ક્રિકેટ બોર્ડે પણ BCCIને ઓફર આપી હતી કે તે શ્રીલંકામાં IPLનું આયોજન કરવા માટે તૈયાર છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]