વિમેન્સ પ્રીમિયર લીગની પ્રથમ સિઝન પૂરી થઈ ગઈ છે. આ લીગને તેનો પ્રથમ વિજેતા મળ્યો છે. રવિવારે બ્રેબોર્ન સ્ટેડિયમમાં રમાયેલી ફાઈનલ મેચમાં હરમનપ્રીત કૌરની કપ્તાનીવાળી મુંબઈ ઈન્ડિયન્સે દિલ્હી કેપિટલ્સને હરાવીને ટાઈટલ જીત્યું હતું. દિલ્હી ખિતાબ જીતી શકી ન હતી, પરંતુ તેની કેપ્ટન મેગ લેનિંગ ચોક્કસપણે તેના નામે એવોર્ડ લેવામાં સફળ રહી હતી. લેનિંગ આ ટુર્નામેન્ટમાં ઓરેન્જ કેપ જીતવામાં સફળ રહી છે.
આઈપીએલની જેમ WPLમાં પણ ઓરેન્જ કેપ આપવામાં આવી હતી. આ કેપ એવા બેટ્સમેનને આપવામાં આવે છે જેણે સિઝનના અંતે સૌથી વધુ રન બનાવ્યા હોય. સિઝન દરમિયાન પણ આ કેપના હક બદલાતા રહે છે પરંતુ ફાઈનલ પછી આ કેપનો સાચ્ચો હકદાર કોણ છે તેનો નિર્ણય લેવામાં આવે છે.
મેગ લેનિંગ એક જાણીતી કેપ્ટન છે.તેણે પોતાની કેપ્ટનશીપમાં ઘણી વખત ઓસ્ટ્રેલિયાને વર્લ્ડ ચેમ્પિયન બનાવ્યું હતું પરંતુ તે દિલ્હીને ખિતાબ અપાવી શકી ન હતી.જોકે, લેનિંગે તેના બેટની તાકાત બતાવી હતી અને તે આ સિઝનમાં સૌથી વધુ રન બનાવનાર ખેલાડી બની હતી. તેણે કુલ નવ મેચ રમી જેમાં તેણે 49.28ની એવરેજથી 345 રન બનાવ્યા. આ દરમિયાન તેણે બે વખત અડધી સદી ફટકારી હતી. બીજા નંબર પર મુંબઈની નેટ સિવર હતી જેણે 10 મેચમાં 66.40ની એવરેજથી 332 રન બનાવ્યા હતા. તેણે ત્રણ અડધી સદી પણ ફટકારી હતી, જેમાંથી તેણે ફાઇનલમાં એક અડધી સદી ફટકારી હતી.
યુપી વોરિયર્સની તાલિયા મેકગ્રા ત્રીજા નંબરે રહી હતી. આ ખેલાડીએ નવ મેચ રમી અને 50.33ની એવરેજથી 302 રન બનાવ્યા. મેકગ્રાએ નવમાંથી ચાર ઇનિંગ્સમાં અડધી સદી ફટકારી હતી.ચોથા નંબર પર મુંબઈની કેપ્ટન હરમનપ્રીત કૌર હતી. તેણે 10 મેચમાં 40.14ની એવરેજથી 281 રન બનાવ્યા અને તેના બેટમાંથી ત્રણ અડધી સદી નીકળી. પાંચમા નંબરે હેલી મેથ્યુઝ હતી જેણે 10 મેચમાં 30.11ની એવરેજથી 271 રન બનાવ્યા હતા. આ દરમિયાન તેના બેટમાંથી અડધી સદી નીકળી હતી.
આ લીગમાં ભારતીય બેટ્સમેનોએ ઘણી નિરાશ કરી હતી. ટોપ-5માં હરમનપ્રીત એકમાત્ર ભારતીય છે, પરંતુ જો આપણે આ સિઝનમાં સૌથી વધુ રન બનાવનાર ટોપ-10 બેટ્સમેનોની યાદી પર નજર કરીએ તો તેમાં ફક્ત બે જ ભારતીય છે જેમાંથી એક હરમનપ્રીત અને બીજી શેફાલી વર્મા છે. શેફાલીએ નવ મેચમાં 31.50 રન બનાવ્યા. બે અડધી સદીની મદદથી 252 રન બનાવ્યા.