વર્લ્ડ કપ ફાઈનલ માટે દીકરી વામિકા સાથે અમદાવાદ પહોંચી અનુષ્કા શર્મા, વીડિયો વાયરલ

વર્લ્ડ કપ 2023 ફાઈનલ: અનુષ્કા શર્માનો એક વીડિયો સામે આવ્યો છે, જેમાં તે વામિકા કોહલી સાથે જોવા મળી રહી છે. તમને જણાવી દઈએ કે અનુષ્કા શર્મા પોતાની પુત્રી વામિકા સાથે અમદાવાદમાં યોજાનારી વર્લ્ડ કપની ફાઈનલ મેચ જોવા માટે પ્લેન દ્વારા અમદાવાદ પહોંચી છે.

આ જે વીડિયો છે તે સોશિયલ મીડિયા પર એક ફેન પેજ પર વાયરલ કરવામાં આવ્યો છે. જેને અત્યાર સુધીમાં 1 હજારથી વધુ લોકો જોઈ ચૂક્યા છે. વીડિયોમાં વામિકા કોહલી અને અનુષ્કા શર્મા પ્રાઈવેટ જેટમાંથી બહાર નીકળતા જોવા મળી રહ્યા છે. જોકે, આ વીડિયો નવો છે કે જૂનો તેની સંપૂર્ણ પુષ્ટિ થઈ નથી.

Anushka Sharma has arrived at Ahmedabad for the finals with Vamika #INDvsAUS #WorldcupFinal#AUSvsSA #SAvsAUS #CWC23#ViratKohli #RohithSharma#NarendraModiStadium#anushkasharmapic.twitter.com/U0FsYm6TDs

— ⚽ (@IFootcric68275) November 18, 2023

બોલિવૂડ અભિનેત્રી અનુષ્કા શર્મા આ દિવસોમાં તેની બીજી પ્રેગ્નન્સીની વાતને કારણે ચર્ચામાં છે. ભારત vs ન્યુઝીલેન્ડ મેચ દરમિયાન અનુષ્કા શર્માનો એક વીડિયો સોશિયલ મીડિયા પર વાયરલ થયો હતો. જેમાં અભિનેત્રી તેના બેબી બમ્પને ફ્લોન્ટ કરતી જોવા મળી હતી.

ભારતીય ટીમે કર્યું હતું સારું પ્રદર્શન

ઉલ્લેખનીય છે કે આ વખતનો વર્લ્ડ કપ ભારત માટે ખૂબ જ ખાસ છે, કારણ કે આ પહેલીવાર છે જ્યારે વર્લ્ડ કપની તમામ મેચ ભારતમાં રમાઈ રહી છે. ભારતની ધરતી પર રમાઈ રહેલી આઈસીસીની આ મોટી ટૂર્નામેન્ટમાં ટીમ ઈન્ડિયાએ અત્યાર સુધી ખૂબ જ સારું પ્રદર્શન કર્યું છે.

ભારતની સાથે સાથે વિશ્વના ઘણા દેશોના દિગ્ગજ ક્રિકેટરો પણ માને છે કે ભારતે જે રીતે કપમાં પોતાનો દાવ બતાવ્યો છે તે પ્રશંસનીય છે.  આ ટુર્નામેન્ટમાં ભારતીય ટીમના પ્રદર્શનની વાત કરીએ તો, ટીમ લીગ તબક્કામાં રમાયેલી તેની તમામ મેચો જીતીને પોઈન્ટ ટેબલમાં ટોચ પર રહી હતી.

આ પણ વાંચો :  હવામાન વિભાગે કરી મોટી આગાહી, જાણો આવતી કાલે મેચ સમયે કેવુ રહેશે વાતાવરણ, જુઓ વીડિયો