વિરાટના નિશાના પર છે સચિન તેંડુલકરની સદીનો વધુ એક વર્લ્ડ રેકોર્ડ, પરંતુ માત્ર 6 અઠવાડિયા બાકી?

એક કેલેન્ડર વર્ષમાં સૌથી વધુ સદીનો રેકોર્ડ સચિન તેંડુલકરના નામે છે. 1998માં સચિન તેંડુલકરે સૌથી વધુ 9 સદી ફટકારી હતી. જ્યારે વિરાટ કોહલીએ 2023માં વર્લ્ડ કપની પ્રથમ સેમિફાઈનલ મેચ સુધી કુલ 6 સદી ફટકારી છે. એટલે કે તેને હવે સચિનના રેકોર્ડની બરાબરી કરવા માટે 3 સદી અને રેકોર્ડ તોડવા માટે 4 સદીની જરૂર છે.

2023માં વધુ કેટલી વનડે મેચ રમી શકશે વિરાટ?

હવે સવાલ એ ઊભો થાય છે કે વિરાટ માટે હજુ કેટલી મેચો બાકી છે જેમાં તે સદી ફટકારી શકે અને એક કેલેન્ડર વર્ષમાં સૌથી વધુ સદીનો સચિનનો વર્લ્ડ રેકોર્ડ તોડી શકે. ન્યૂઝીલેન્ડને હરાવીને ટીમ ઈન્ડિયા ફાઈનલમાં પહોંચી ગઈ છે. એટલે કે વર્લ્ડ કપની એક મેચ હજુ બાકી છે. આ પછી ભારતીય ક્રિકેટ ટીમ ડિસેમ્બર મહિનામાં દક્ષિણ આફ્રિકા સામે ત્રણ મેચની વનડે સિરીઝ રમશે. આ ત્રણેય મેચ 17, 19 અને 21 ડિસેમ્બરે રમાશે.

એટલે કે કુલ મળીને આવનાર 6 અઠવાડિયામાં કુલ 4 વધુ વનડે મેચ વિરાટ કોહલી રમી શકે છે, જેમાં તેને દરેક મેચમાં સદી ફટકારવી પડશે, તો જ તે સચિનનો સૌથી વધુ એક કેલેન્ડર વર્ષમાં સદીનો વર્લ્ડ રેકોર્ડ તોડી શકશે.

કોઈના રેકોર્ડની બરાબરી કરી શકશો વિરાટ?

જો વિરાટ કોહલી આ વર્ષે રમાનારી આગામી ચાર વનડે મેચોમાંથી કોઈપણ બેમાં સદી ફટકારે છે તો તે એક કેલેન્ડર વર્ષમાં સૌથી વધુ સદી ફટકારવાના સૌરવ ગાંગુલી, રોહિત શર્મા અને ઓસ્ટ્રેલિયાના ખેલાડી ડેવિડ વોર્નરના રેકોર્ડને તોડી દેશે. રોહિત શર્મા, સૌરવ ગાંગુલી અને ડેવિડ વોર્નરે 7-7 સદી અને વિરાટે આ વર્ષે 6 સદી ફટકારી છે. જો વિરાટ ચારમાંથી કોઈપણ એક મેચમાં સદી ફટકારે છે તો તે રોહિત શર્મા, સૌરવ ગાંગુલી અને ડેવિડ વોર્નરના 7 સદીના રેકોર્ડની બરાબરી કરશે.

વિરાટનો એક કેલેન્ડર વર્ષમાં સૌથી વધુ સદીનો રેકોર્ડ 6 છે, જે તેને 2023 પહેલા 2017 અને 2018માં પણ બનાવ્યો હતો. જે વિરાટ ત્રણ મેચમાં સદીની હેટ્રિક લગાવે તો તે સચિનના રેકોર્ડની બરાબરી કરશે. હેટ્રિક લગાવવાનો કમાલ વિરાટ કોહલી આ પહેલા કરી ચૂક્યો છે. આ કમાલ વિરાટ કોહલીએ 2018માં વેન્ટ ઈન્ડિઝ સામે સદીની હેટ્રિક લગાવી હતી.

આ પણ વાંચો: વિરાટ કોહલીએ કેટલા વર્ષ પછી સચિનનો સૌથી વધુ વનડે સદીનો રેકોર્ડ તોડ્યો? 29 વર્ષ પછી કે 11 વર્ષ પછી?

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો