Virat Kohli Birthday : ₹4000 નું પાણી, ચીકુ નામ અને 18 નંબરની જર્સીનું રહસ્ય… વિરાટ કોહલીના જીવનની 38 અદ્ભુત વાતો જાણો!

5 નવેમ્બરનો દિવસ માત્ર ભારતીય ક્રિકેટ જ નહીં, પરંતુ વિશ્વ ક્રિકેટ માટે પણ ખૂબ ખાસ માનવામાં છે. કારણ કે આ દિવસે એવા ખેલાડીનો જન્મ થયો હતો, જેના બેટથી અનેક રેકોર્ડ તૂટ્યા છે. જેણે કેપ્ટન અને ખેલાડી તરીકે ક્રિકેટને એક અલગ જ ઊંચાઈ પર પહોંચાડ્યું છે. આ ખેલાડીને સચિન તેંડુલકર પછી સૌથી ખાસ ખેલાડીઓમાં ગણવામાં આવે છે. ચાહકોને આશા છે કે તે જ સચિનના 100 આંતરરાષ્ટ્રીય સદીના રેકોર્ડને તોડશે.

આ ખેલાડી બીજું કોઈ નહીં, પરંતુ વિરાટ કોહલી છે. જે આજે પોતાનો 38મો જન્મદિવસ ઉજવી રહ્યો છે. 5 નવેમ્બર, 1988ના રોજ દિલ્હીમાં જન્મેલો વિરાટ કોહલી આજે 38 વર્ષનો થયો છે. તો ચાલો, તેના 38મા જન્મદિવસના અવસરે જાણીએ તેના વિશેની 38 રસપ્રદ અને અજાણી વાતો.

વિરાટ કોહલી વિશેની 38 રસપ્રદ વાતો

1. વિરાટ કોહલીની જર્સી નંબર 18 તેના પિતા પ્રેમ કોહલીની યાદમાં છે. તેના પિતાનું નિધન 18 ડિસેમ્બર, 2006ના રોજ થયું હતું.
2. પિતાના નિધનના બીજા જ દિવસે વિરાટ કોહલી રણજી ટ્રોફીની મેચ રમવા મેદાનમાં ઉતર્યો હતો અને 90 રન બનાવ્યા હતા.
3. પિતાના નિધન બાદ તેનો પરિવાર આર્થિક મુશ્કેલીઓમાંથી પસાર થયો હતો. વિરાટનું બાળપણ ભાડાના મકાનમાં વીત્યું હતું.
4. વિરાટ કોહલીનું પહેલું બેટ RNS Larsons બ્રાન્ડનું હતું. જેની કિંમત આશરે 1,000 રૂપિયા હતી.
5. વિરાટનું હુલામણું નામ ચીકુ, તેના કોચ અજિત ચૌધરીએ પાડ્યું હતું.
6. વિરાટે માત્ર 3 વર્ષની ઉંમરે પહેલીવાર હાથમાં બેટ પકડી લીધી હતું.
7. 30 મે, 1998ના રોજ તેણે વેસ્ટ દિલ્હી ક્રિકેટ એકેડમીમાં પ્રવેશ મેળવ્યો હતો.
8. વિરાટ જુનિયર ગ્રુપમાં આઉટ થતો નહોતો. તેથી તે સિનિયર ગ્રુપમાં રમવાની જીદ કરતો હતો.
9. વિરાટે બાળપણમાં પોતાની સ્ક્રેપબુકમાં લખ્યું હતું કે તેઓ ભારતીય ક્રિકેટર બનશે. તેણે પોતાનું આ સપનું સાકાર પણ કર્યું.
10. બાળપણમાં એક પોસ્ટર જોઈને વિરાટે કહ્યું હતું કે તે એક દિવસ ખૂબ મોટા માણસ બનશે અને કોઈ અભિનેત્રી સાથે લગ્ન કરશે. તેણે બોલિવૂડ અભિનેત્રી અનુષ્કા શર્મા સાથે લગ્ન કર્યા.
11. વિરાટ કોહલીએ ભારતીય ટીમ માટે બે વખત વિકેટકીપિંગ પણ કરી છે. તેણે એક ટેસ્ટ અને એક વનડે મેચમાં વિકેટકીપરની ભૂમિકા ભજવી હતી.
12. વિરાટ કોહલી T20 આંતરરાષ્ટ્રીય ક્રિકેટમાં શૂન્યમા બોલ (વાઇડ બોલ) પર વિકેટ લેનારા એકમાત્ર ખેલાડી છે. તેણે કેવિન પીટરસનને વાઇડ બોલ પર સ્ટમ્પ આઉટ કરાવ્યો હતો.
13. વિરાટ કોહલી ક્યારેય IPLની હરાજીમાં સામેલ થયો નથી. 2008માં RCB એ તેને ડ્રાફ્ટ પ્લેયર તરીકે ટીમમાં સામેલ કર્યો હતો અને ત્યારથી તેને સતત રિટેન કરવામાં આવ્યો છે.
14. વિરાટ કોહલીને જાપાનીઝ ફૂડ સૌથી વધુ પસંદ છે. આ ઉપરાંત તેને બિરયાની અને ખીર પણ ખૂબ ભાવતી હતી.
15. વિરાટ કોહલીનો બાળપણનો પહેલો ક્રશ બોલિવૂડ અભિનેત્રી કરિશ્મા કપૂર હતી.
16. વિરાટ કોહલીના શરીર પર અનેક ટેટૂ છે. તેણે સમુરાઈ યોદ્ધા અને ડ્રેગનનાં ટેટૂ પણ બનાવડાવ્યાં છે.
17. વિરાટ કોહલી માત્ર Evian નેચરલ સ્પ્રિંગ વોટર પીવે છે. આ પાણીની કિંમત પ્રતિ લિટર આશરે 4000 રૂપિયા સુધી હોવાનું કહેવાય છે.
18. વનડે વર્લ્ડ કપની ડેબ્યૂ મેચમાં સદી મારનાર વિરાટ કોહલી પ્રથમ ભારતીય ખેલાડી છે. તેણે 2011માં બાંગ્લાદેશ સામે આ સિદ્ધિ મેળવી હતી.
19. માત્ર 23 વર્ષની ઉંમરે ICC વનડે પ્લેયર ઓફ ધ યરનો એવોર્ડ જીતનાર તેઓ સૌથી યુવા ખેલાડી બન્યો હતો.
20. વરસાદને કારણે 15 ઓવરની કરવામાં આવેલી T20 મેચમાં સદી મારનાર તેઓ એકમાત્ર બેટ્સમેન છે.
21. વિરાટ કોહલી સારા ફોર્મમાં હોય ત્યારે તેઓ એક જ ગ્લવ્ઝ અને પેડ્સનો ઉપયોગ કરવાનું પસંદ કરે છે.
22. વિરાટ કોહલીના મનપસંદ ક્રિકેટર દક્ષિણ આફ્રિકાના પૂર્વ બેટ્સમેન હર્શેલ ગિબ્સ હતો.
23. ક્રોસ-કન્ટ્રી રેસ દરમિયાન ક્યારેક તે દૂધવાળાની સાઇકલ પર બેસીને બીજા ખેલાડીઓથી આગળ નીકળી જતો હતો.
24. વિરાટ કોહલી વનડે ક્રિકેટમાં ક્યારેય બરાબર 17 રન બનાવીને આઉટ થયા નથી.
25. વિરાટ કોહલીએ વનડેમાં સૌથી વધુ સદીઓ ઓક્ટોબર મહિનામાં કરી છે.
26. સ્વતંત્રતા દિવસ અને પ્રજાસત્તાક દિવસ બંનેના અવસરે આંતરરાષ્ટ્રીય સદી કરનાર તે પ્રથમ ભારતીય ખેલાડી છે.
27. વિરાટ કોહલીએ કેપ્ટન તરીકે 7 ટેસ્ટ બેવડી સદી મારી છે. જે એક વિશ્વ રેકોર્ડ છે.
28. ફિલ હ્યુઝના અંતિમ સંસ્કારમાં સામેલ થનારા વિરાટ કોહલી એકમાત્ર ભારતીય ખેલાડી હતો. ફિલ હ્યુઝનું માથા પર બોલ વાગવાથી નિધન થયું હતું.
29. વિરાટ કોહલીના નામે વનડે ક્રિકેટમાં સૌથી વધુ 55 સદીનો રેકોર્ડ છે.
30. વનડે ક્રિકેટમાં રન ચેઝ દરમિયાન સૌથી વધુ રન બનાવવાનો રેકોર્ડ પણ વિરાટ કોહલીના નામે છે.
31. વિરાટ કોહલી 8,000, 9,000, 10,000, 11,000, 12,000, 13,000, 14,000 અને 15,000 વનડે રન સુધી સૌથી ઓછી ઇનિંગ્સમાં પહોંચ્યો છે.
32. વિરાટ કોહલીએ માત્ર 205 ઇનિંગ્સમાં 10,000 વનડે રન પૂરા કર્યા છે. જે વિશ્વ રેકોર્ડ છે.
33. શ્રીલંકા અને વેસ્ટ ઇન્ડિઝ સામે વનડે ક્રિકેટમાં 10-10 સદી કરવાનો વિશ્વ રેકોર્ડ વિરાટ કોહલીના નામે છે.
34. વનડે ક્રિકેટમાં રન ચેઝ દરમિયાન સૌથી વધુ સદી કરવાનો રેકોર્ડ પણ વિરાટ કોહલીના નામે છે.
35. એક જ વર્લ્ડ કપમાં સૌથી વધુ 765 રન બનાવવાનો વિશ્વ રેકોર્ડ વિરાટ કોહલીએ પોતાના નામે કર્યો છે.
36. વનડે ક્રિકેટમાં નંબર-3 પર બેટિંગ કરતાં 13,000 રન બનાવવાનો વિશ્વ રેકોર્ડ વિરાટ કોહલીના નામે છે.
37. વનડે ક્રિકેટમાં 10,000થી વધુ રન બનાવનારા બેટ્સમેનોમાં વિરાટ કોહલીની સરેરાશ સૌથી વધુ છે.
38. દક્ષિણ આફ્રિકા, ન્યૂઝીલેન્ડ, ઓસ્ટ્રેલિયા અને ઇંગ્લેન્ડ સામે વનડે ક્રિકેટમાં 50થી વધુની સરેરાશ ધરાવનાર વિરાટ કોહલી એકમાત્ર ખેલાડી છે.

આ પણ વાંચો, VIDEO: 38-39 વર્ષની ઉંમરે પણ રોહિત-કોહલીની યુવાનો જેવી ચપળતા, ઓકલેન્ડમાં ફિલ્ડિંગથી મચાવી ધમાલ