વિરાટ કોહલી અને અનુષ્કા શર્માને કેફેમાંથી બહાર કાઢી મૂકવામાં આવ્યા, ભારતીય ખેલાડીનો ચોંકાવનારો ખુલાસો

ભારતીય સ્ટાર ક્રિકેટર વિરાટ કોહલી હાલમાં બ્રેક પર છે. ટેસ્ટ અને T20Iમાંથી નિવૃત્તિ લીધા પછી, તે હવે ફક્ત ભારતીય ODI ટીમનો ભાગ છે. જેના કારણે વિરાટ અને તેની પત્ની અનુષ્કા શર્મા પોતાનો મોટાભાગનો સમય લંડનમાં વિતાવે છે. તે શાંત જીવનનો આનંદ માણી રહ્યો છે અને સોશિયલ મીડિયા પર પણ ઓછો સક્રિય છે. જોકે, તે અચાનક ચર્ચામાં આવી ગયો છે. ભારતીય મહિલા ક્રિકેટર જેમિમા રોડ્રિગ્સે વિરાટ અને અનુષ્કા વિશે એક ચોંકાવનારો ખુલાસો કર્યો છે.

જેમિમા રોડ્રિગ્સે કર્યો મોટો ખુલાસો

ભારતીય મહિલા ક્રિકેટર જેમિમા રોડ્રિગ્સે તાજેતરમાં ખુલાસો કર્યો હતો કે વિરાટ અને અનુષ્કાને ન્યુઝીલેન્ડના એક કેફેમાંથી વધુ સમય રહેવા બદલ કાઢી મૂકવામાં આવ્યા હતા. તેણીએ આ ખુલાસો મેશેબલ ઈન્ડિયા સાથે વાત કરતી વખતે કર્યો હતો. જેમિમાએ જણાવ્યું હતું કે તે અને સ્મૃતિ મંધાના વિરાટ કોહલીને મળવા અને તેની બેટિંગ અંગે સલાહ લેવા માંગતી હતી. ત્યારબાદ તેઓએ ન્યુઝીલેન્ડના એક કેફેમાં વિરાટ સાથે વાત કરી, જ્યાં અનુષ્કા શર્મા પણ ક્રિકેટરો સાથે જોડાઈ.

વિરાટ-અનુષ્કાને કેફેમાંથી બહાર કાઢવામાં આવ્યા

આ સમય દરમિયાન, જેમીમા અને સ્મૃતિ મંધાના વિરાટ અને અનુષ્કા સાથે લાંબી વાતચીતમાં ડૂબી ગયા. ચાર કલાક સુધી ચાલેલી આ વાતચીતમાં ક્રિકેટ, જીવન અને અન્ય ઘણા વિષયો પર ચર્ચા થઈ. આ ગપસપ એટલી લાંબી ચાલી કે કેફેના સ્ટાફને તેમને બહાર કાઢવાની ફરજ પડી. આ ક્ષણને યાદ કરતા, જેમિમાએ કહ્યું કે તે તેમના માટે એક યાદગાર અનુભવ હતો, કારણ કે વિરાટ અને અનુષ્કાએ તેમને ખૂબ જ આરામદાયક અને મૈત્રીપૂર્ણ વાતાવરણમાં સમય વિતાવવાની તક આપી.

જેમીમાહ રોડ્રિગ્સે શું કહ્યું?

જેમિમાએ કહ્યું, ‘વિરાટે ખરેખર મને અને સ્મૃતિને કહ્યું હતું કે તમારા બંનેમાં મહિલા ક્રિકેટને બદલવાની શક્તિ છે, અને હું આ બનતું જોઈ શકું છું.’ જેમિમાએ આગળ કહ્યું, ‘એવું લાગ્યું કે કેટલાક જૂના ખોવાયેલા મિત્રો મળ્યા અને વાત કરી. અમારી વાતચીત ફક્ત એટલા માટે બંધ થઈ ગઈ કારણ કે કાફેના સ્ટાફે અમને બહાર કાઢી મૂક્યા.’

આ પણ વાંચો: ICC Rule Book EP 42 : Players Conduct – ખેલાડીઓના વર્તન અંગે શું છે ICC નો નિયમ?

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો