આફ્રિકાને 400 રન પહેલા રોકવાનો હતો પ્લાન, ટીમ માત્ર 116માં ઢળી પડી

ભારતીય ટીમે દક્ષિણ આફ્રિકા સામે રમાઈ રહેલી વનડે શ્રેણીમાં શાનદાર શરૂઆત કરી છે. ટીમે પ્રથમ મેચમાં દક્ષિણ આફ્રિકાને ખરાબ રીતે હરાવ્યું હતું. ભારતે આ મેચ આઠ વિકેટે જીતી લીધી હતી. આ જીતમાં ભારતીય ટીમના બોલરો ચમક્યા હતા. ભારતે દક્ષિણ આફ્રિકાને ખૂબ જ સસ્તામાં આઉટ કરી દીધું. દક્ષિણ આફ્રિકાની ટીમ માત્ર 116 રનમાં સમેટાઈ ગઈ હતી. ભારતે આ લક્ષ્યાંક બે વિકેટ ગુમાવીને હાંસલ કરી લીધો હતો.

અર્શદીપ સિંહે પાંચ વિકેટ ઝડપી

આફ્રિકાસ અમે પહેલી વનડે મેચમાં ભારતના લેફ્ટ આર્મ ફાસ્ટ બોલર અર્શદીપ સિંહે શાનદાર બોલિંગ કરી હતી. તેણે 37 રનમાં પાંચ વિકેટ ઝડપી હતી. આ કારણે તેને મેન ઓફ ધ મેચ પસંદ કરવામાં આવ્યો હતો. પરંતુ મેચ બાદ અર્શદીપ સિંહે જે કહ્યું તે આશ્ચર્યજનક છે.

ટીમ ઈન્ડિયા 400 રન માટે તૈયાર હતી!

આ મેચમાં દક્ષિણ આફ્રિકા ભલે સસ્તામાં આઉટ થઈ ગયું હોય, પરંતુ જ્યારે યજમાન ટીમે ટોસ જીતીને પ્રથમ બેટિંગ કરવાનો નિર્ણય કર્યો ત્યારે ટીમ ઈન્ડિયાના પણ શ્વાસ અધ્ધર થઈ ગયા હતા. તેમણે આ મેચમાં યજમાન ટીમને 400નો આંકડો પાર ન થાય તે માટે તૈયારીઓ પણ કરી લીધી હતી. આ વાતનો ખુલાસો ખુદ ટીમ ઈન્ડિયાના ખેલાડી અર્શદીપ સિંહે કર્યો છે.

અર્શદીપે પ્રેસ કોન્ફરન્સમાં કર્યો ખુલાસો

મેચ બાદ પ્રેસ કોન્ફરન્સમાં અર્શદીપે કહ્યું કે ટીમ ઈન્ડિયા આક્રમક ક્રિકેટ રમતી દક્ષિણ આફ્રિકાને 400થી ઓછા સુધી મર્યાદિત કરવાનો પ્રયાસ કરી રહી છે. અર્શદીપે કહ્યું કે આ દક્ષિણ આફ્રિકાની ટીમની બેટિંગ શાનદાર છે અને જ્યારે આ ટીમ પિંક વનડે રમે છે ત્યારે તે ઘણા રન બનાવે છે અને તેથી ટીમ ઈન્ડિયા આ ટીમને 400ની અંદર રોકવાનું વિચારી રહી હતી. પીચમાંથી મદદ મળી રહી છે અને તેમાં થોડી ભેજ હતી જેથી બોલને લાઈન-લેન્થથી સરળ રાખવાનો પ્રયાસ કર્યો જેમાં તે સફળ રહ્યો અને વિકેટ પણ મેળવી.

અર્શદીપે પાંચ વિકેટ લઈ તરખાટ મચાવ્યો

આ મેચ પહેલા અર્શદીપે ત્રણ વનડે મેચ રમી હતી પરંતુ તેને એક પણ વિકેટ મળી ન હતી. પોતાની ચોથી વનડેમાં તેણે એવી રીતે બોલિંગ કરી કે દક્ષિણ આફ્રિકા સ્તબ્ધ થઈ ગયું. આ મેચમાં તેણે પોતાની ODI કરિયરમાં વિકેટનું ખાતું ખોલાવ્યું હતું અને સૌથી વધુ પાંચ વિકેટ પણ લીધી હતી. પોતાના પ્રદર્શન અંગે અર્શદીપે કહ્યું કે તે આ પ્રદર્શનથી ઘણો ખુશ છે. તેના સિવાય આવેશ ખાને આ મેચમાં ભારત તરફથી ચાર વિકેટ ઝડપી હતી જ્યારે કુલદીપ યાદવને એક વિકેટ મળી હતી.

આ પણ વાંચો: IPL ઓક્શનઃ સૌથી મોંઘા ખેલાડી રહ્યા ફ્લોપ, ફ્રેન્ચાઈઝીને કરોડોનો સોદો હંમેશા ભારે પડ્યો