હાર્દિક પંડ્યાએ પોતાના કાર કલેક્શનમાં એડ કરી નવી કાર, ખરીદી આટલા કરોડ રૂપિયાની ફેરારી

T20 વર્લ્ડ કપ 2026ની ઐતિહાસિક જીત બાદ ભારતીય ઓલરાઉન્ડર હાર્દિક પંડ્યાએ પોતાના માટે એક ખાસ ભેટ ખરીદી છે. હાર્દિક પંડ્યાએ પોતાના લક્ઝરી કાર કલેક્શનમાં એક નવી ફેરારી ઉમેરેલી છે. આ કારની કિંમત ₹10 કરોડથી વધુ હોવાનું કહેવાય છે. સોશિયલ મીડિયા પર હાર્દિક પંડ્યાનો આ નવી કાર ચલાવતો વીડિયો ઝડપથી વાયરલ થઈ રહ્યો છે, જેના કારણે ચાહકોમાં ભારે ઉત્સાહ જોવા મળી રહ્યો છે.

માહિતી મુજબ, હાર્દિક પંડ્યાએ કાળા રંગની લક્ઝરી સ્પોર્ટ્સ કાર ફેરારી ખરીદી છે. આ કારમાં શક્તિશાળી V12 એન્જિન, આધુનિક ટેક્નોલોજી અને ભવિષ્યવાદી ડિઝાઇન આપવામાં આવી છે. વાયરલ થયેલા વીડિયોમાં હાર્દિક પંડ્યા પોતાની ગર્લફ્રેન્ડ મહિકા શર્મા સાથે મુંબઈની સડકો પર આ નવી ફેરારી ચલાવતા જોવા મળે છે. બંને લાંબી ડ્રાઇવનો આનંદ માણતા નજરે પડે છે અને આ વીડિયો સોશિયલ મીડિયા પર ખૂબ ઝડપથી વાયરલ થઈ રહ્યો છે.

હાર્દિક પંડ્યાનો કાર કલેક્શન પહેલેથી જ ખૂબ જ પ્રભાવશાળી છે. તેમની પાસે રોલ્સ-રોયસ ફેન્ટમ, ઓડી A6, રેન્જ રોવર વોગ, લેમ્બોર્ગિની ઉરુસ SE અને મર્સિડીઝ-બેન્ઝ જેવી અનેક લક્ઝરી કાર્સ છે. થોડા સમય પહેલાં તેમણે પોતાના પુત્ર અગસ્ત્યને આશરે ₹4 કરોડની કિંમતનો લેન્ડ રોવર ડિફેન્ડર પણ ભેટમાં આપ્યો હતો.

હવે ફેરારી 12 સિલિન્ડ્રી કાર તેમના કાર કલેક્શનનું સૌથી નવું અને આકર્ષક ઉમેરણ બની છે. ખાસ કરીને 2026ના T20 વર્લ્ડ કપમાં ભારતની જીત બાદ હાર્દિક પંડ્યાએ આ કાર ખરીદી હોવાની ચર્ચા પણ ચાલી રહી છે, જેમાં તેમણે ટીમની જીતમાં મહત્વપૂર્ણ ભૂમિકા ભજવી હતી.

T20 વર્લ્ડ કપ પહેલા પાકિસ્તાનના ડ્રામા પર જય શાહે કહ્યું’કોઈ પણ દેશ ICC થી મોટો નથી’