NZ vs AFG, T20 World Cup, LIVE Streaming: આજે અફઘાનિસ્તાન પર ભારતની આશા, જાણો ક્યાં, ક્યારે અને કેવી રીતે નિહાળી શકાશે મેચ

ટી-20 વર્લ્ડ કપ (T20 World Cup 2021) માં ભારત માટે રવિવારનો દિવસ ઘણો મહત્વનો છે. ભારતે તેની છેલ્લી લીગ મેચ નામીબિયા સામે રમવાની છે પરંતુ સેમીફાઈનલમાં પહોંચવાની તેની આશા રવિવારની નામીબીઆ (Namibia) અને ન્યુઝીલેન્ડ (New Zealand) વચ્ચેની મેચ પર બાકી છે. ટીમ ઈન્ડિયાની સાથે સાથે કરોડો ભારતીયો પણ આ મેચમાં અફઘાનિસ્તાન (Afghanistan) ની જીત માટે પ્રાર્થના કરશે. જો ન્યુઝીલેન્ડ જીતશે તો ભારત માટે સેમીફાઈનલના દરવાજા બંધ થઈ જશે. કારણ કે ન્યુઝીલેન્ડના આઠ પોઈન્ટ હશે અને ભારત છેલ્લી મેચ જીત્યા બાદ પણ એટલા પોઈન્ટ મેળવી શકશે નહી.

જો અફઘાનિસ્તાન ન્યુઝીલેન્ડને હરાવશે તો તેની સાધારણ આશાઓ જળવાઈ રહેશે, જ્યારે ભારતની તકો પ્રબળ હશે. જેને છેલ્લી મેચ સારા માર્જિનથી જીતવી પડશે. જો ન્યુઝીલેન્ડ જીતશે તો ભારતની નામિબિયા સામેની છેલ્લી લીગ મેચ ઔપચારિકતા પૂરતી રહેશે. શુક્રવારે નામિબિયાને હરાવ્યા બાદ ન્યૂઝીલેન્ડની ટીમ આત્મવિશ્વાસથી ભરેલી છે.

અફઘાનિસ્તાનના બેટ્સમેનોએ તેમના સ્પિનરોના દમ પર અત્યાર સુધી સારું પ્રદર્શન કર્યું છે. જોકે, તેમના બેટ્સમેનોનો સામનો હવે ટ્રેન્ટ બોલ્ટ, ટિમ સાઉથી, ઝડપી બોલર એડમ મિલ્ને અને સ્પિનરો ઈશ સોઢી અને મિશેલ સેન્ટનર સામે થશે જેઓ શાનદાર ફોર્મમાં છે.

જો અફઘાનિસ્તાનના બેટ્સમેનો સારો સ્કોર કરી શકે છે તો રાશિદ ખાનના નેતૃત્વમાં બોલરો કમાલ કરી શકે છે. મુજીબુર રહેમાનની ઈજાને કારણે બોલિંગ આક્રમણ નબળું પડી ગયું છે. પરંતુ તે સ્પિન સામે કિવી બોલરોની નબળાઈનો ફાયદો ઉઠાવી શકે છે.

ન્યુઝીલેન્ડ અને અફઘાનિસ્તાન વચ્ચેની મેચ 07 નવેમ્બર (રવિવાર)ના રોજ રમાશે.

ન્યુઝીલેન્ડ અને અફઘાનિસ્તાન વચ્ચેની મેચ અબુ ધાબીના શેખ ઝાયદ સ્ટેડિયમમાં રમાશે.

ન્યુઝીલેન્ડ અને અફઘાનિસ્તાન વચ્ચેની મેચ બપોરે 3.30 કલાકે શરૂ થશે. ટોસ બપોરે 3 વાગ્યે થશે.

ન્યૂઝીલેન્ડ અને અફઘાનિસ્તાન વચ્ચેની આ મેચ સ્ટાર સ્પોર્ટ્સ નેટવર્કની ચેનલો પર વિવિધ ભાષાઓમાં જોઈ શકાશે.

Disney+Hotstar પર લાઇવ સ્ટ્રીમિંગ સબ્સ્ક્રિપ્શન સાથે મેચ ઓનલાઈન જોઈ શકાય છે. આ સિવાય tv9gujarati.com પર પણ મેચના લાઈવ અપડેટ્સ વાંચી શકાશે.