T20 WC Breaking : પાકિસ્તાનની ટીમમાં અંદરો અંદર જ ફૂટ! કેપ્ટન અને કોચ સ્ટેડિયમમાં જ બાખડ્યા, કેપ્ટને બોટલ છુટ્ટી ફેંકી, જુઓ Video

પાકિસ્તાનની ક્રિકેટ ટીમમાં તાજેતરમાં આંતરિક તણાવ સામે આવ્યો છે. આ ટીમ અંદરો અંદર જ બાખડતી જોવા મળી. ટી20 વર્લ્ડ કપ 2026માં નામિબિયાને 102 રનથી હરાવ્યા બાદ પાકિસ્તાની ડગઆઉટનો એક વીડિયો વાયરલ થયો છે, જેમાં પાકિસ્તાનની ટીમના કેપ્ટન સલમાન અલી આગા અને મુખ્ય કોચ માઇક હેસન વચ્ચે ઝઘડો જોવા મળ્યો.

વિડીયોમાં સલમાન નિરાશ અને ગુસ્સામાં જોવા મળ્યો હતો અને તેમણે ડગઆઉટમાં પાણીની બોટલ ફેંકી હતી, જે સોશિયલ મીડિયામાં ચર્ચાનો વિષય બની ગઈ છે. આ મેચમાં, પાકિસ્તાને નામિબિયાને હરાવીને સુપર લીગમાં પ્રવેશ કર્યો છે. હીરો બન્યા સાહિબજાદા ફરહાન, જેમણે માત્ર 58 બોલમાં 100 રન બનાવ્યા અને ટી20 વર્લ્ડ કપમાં સદી ફટકારનાર બીજા પાકિસ્તાની બેટ્સમેન બન્યા.

ફરહાનની ઇનિંગ્સ દરમિયાન તેણે સૈમ અયુબ સાથે 40 રનની ભાગીદારી અને બાદમાં સલમાન અલી આગા સાથે 67 રનની ભાગીદારી કરીને ટીમના સ્કોરને મજબૂત બનાવ્યું. અંતે શાદાબ ખાન સાથે 81 રનની ઝડપી ભાગીદારીથી પાકિસ્તાનની જીત નિશ્ચિત કરી.

પાકિસ્તાનની બોલિંગમાં તેના રમાડ ઉસ્માન તારીક ચાર વિકેટ લીધી અને નામિબિયાને માત્ર 97 રનમાં આઉટ કર્યું. આ જીત સાથે પાકિસ્તાન ICC મેન્સ ટી20 વર્લ્ડ કપ 2026ના સુપર 8 રાઉન્ડ માટે ક્વોલિફાય થયો છે. સુપર 8માં પાકિસ્તાન ગ્રુપ 2માં રહેશે અને તેને શ્રીલંકા, ઇંગ્લેન્ડ અને ન્યુઝીલેન્ડ જેવા મજબૂત ટીમોનો સામનો કરવો પડશે.

જોકે મેદાન પરના મજબૂત પ્રદર્શન છતાં, ડગઆઉટમાં સલમાન અને કોચ વચ્ચેનો ઝઘડો ચર્ચાનું કેન્દ્ર બની રહ્યું છે. આ ઘટના ટીમના આંતરિક વાતાવરણ પર ચિંતાનો સંકેત આપી રહી છે, અને ચાહકો આ પરિસ્થિતિ અંગે તેમના મંતવ્યો વ્યક્ત કરી રહ્યા છે.

સુપર 8 માં પાકિસ્તાન કયા ગ્રુપમાં છે?

ગ્રૂપ 1: ભારત, ઝિમ્બાબ્વે, વેસ્ટ ઈન્ડિઝ, દક્ષિણ આફ્રિકા
ગ્રૂપ 2: પાકિસ્તાન, શ્રીલંકા, ઈંગ્લેન્ડ, ન્યુઝીલેન્ડ

આ પણ વાંચો-Bangladesh Central Contract: બાંગ્લાદેશના સેન્ટ્રલ કોન્ટ્રાક્ટની જાહેરાત, આ ખેલાડીઓને મળશે માત્ર 1.5 લાખ રૂપિયા