‘ComeOn Shreyas’ પ્રીતિ ઝિન્ટાનો અવાજ સાંભળતાની સાથે જ પંજાબના કેપ્ટને રોહિતના દુશ્મનથી લીધો બદલો ! જુઓ Video

આજે IPLમાં, રાજીવ ગાંધી ઇન્ટરનેશનલ ક્રિકેટ સ્ટેડિયમ ખાતે સનરાઇઝર્સ હૈદરાબાદ અને પંજાબ કિંગ્સ વચ્ચે મેચ રમાઈ રહી છે. આ મેચમાં પંજાબની ટીમ પ્રથમ બેટિંગ કરી રહી છે અને પંજાબના ખેલાડીઓ ખૂબ જ જોરદાર પ્રદર્શન કરી રહ્યા છે. પંજાબની બેટિંગ દરમિયાન, એક એવી ક્ષણ કેદ થઈ ગઈ જેણે બધાને આશ્ચર્યચકિત કરી દીધા.

શ્રેયસ ઐયરે શાનદાર સિક્સર ફટકારી

હકીકતમાં, મેચની 11મી ઓવરમાં, જ્યારે કેમેરા સ્ટેન્ડ તરફ ગયો, ત્યારે પંજાબ કિંગ્સની માલિક પ્રીતિ ઝિન્ટાને ‘કમ ઓન શ્રેયસ’ કહેતા સાંભળવામાં આવ્યા, જેના પછીના જ બોલ પર, ઐયરે ઓસ્ટ્રેલિયન કેપ્ટન પેટ કમિન્સને શાનદાર સિક્સર ફટકારી, જેનાથી લોકો આશ્ચર્યચકિત થઈ ગયા. કારણ કે આટલા બધા અવાજ સાથે પ્રીતિનો અવાજ ઐયરના કાન સુધી પહોંચવો અશક્ય છે.

શ્રેયસે અડધી સદી ફટકારી

તમને જણાવી દઈએ કે આ મેચમાં પંજાબ કિંગ્સનો કેપ્ટન શ્રેયસ ઐય્યર ખૂબ જ સારું પ્રદર્શન કરી રહ્યો છે. ઐયરે ત્રીજા નંબર પર રમતી વખતે શાનદાર અડધી સદી ફટકારી છે. આ સમાચાર લખાય છે ત્યાં સુધી, તેણે 24 બોલમાં 52 રન બનાવ્યા છે. અત્યાર સુધીમાં તેણે બે ચોગ્ગા અને પાંચ છગ્ગા ફટકાર્યા છે. તો, આપણે જોવું પડશે કે તે આ આખી ઇનિંગમાં કેટલા રન બનાવે છે. મહત્વનુ છે કે શ્રેયસ 36 બોમ 82 રન કરીને આઉટ થયો હતો.