રોનાલ્ડોના દેશે ક્રિકેટમાં રચ્યો ઈતિહાસ, સ્પેનને હરાવી 2028 ના T20 વર્લ્ડ કપ તરફ આગળ વધ્યું
ફૂટબોલની દુનિયામાં પ્રભુત્વ ધરાવતા રોનાલ્ડોના દેશે પોર્ટુગલે ક્રિકેટની દુનિયામાં એક મોટી સિદ્ધિ હાંસલ કરી છે. પોર્ટુગલે ICC મેન્સ T20 વર્લ્ડ કપ યુરોપ સબ-રિજનલ ક્વોલિફાયર C 2026 જીત્યું છે. આ ટાઇટલ જીત સાથે પોર્ટુગલ ICC મેન્સ T20 વર્લ્ડ કપ યુરોપ ક્વોલિફાયર 2027 માટે સીધું ક્વોલિફાય થઈ ગયું છે. એટલે કે પોર્ટુગલ 2028 ના T20 વર્લ્ડ કપ તરફ આગળ વધ્યું છે.
ફૂટબોલની દુનિયામાં પ્રભુત્વ ધરાવતા પોર્ટુગલે હવે આંતરરાષ્ટ્રીય ક્રિકેટ મંચ પર એક મજબૂત નિવેદન આપ્યું છે. ફિનલેન્ડના કેરાવામાં રમાયેલી ICC મેન્સ T20 વર્લ્ડ કપ યુરોપ સબ-રિજનલ ક્વોલિફાયર C 2026 ની ટાઇટલ મેચમાં પોર્ટુગલે સ્પેનને 57 રનથી હરાવીને ટ્રોફી જીતી લીધી હતી. ભૂતપૂર્વ ઓસ્ટ્રેલિયન ઓલરાઉન્ડર અને વર્તમાન પોર્ટુગીઝ કેપ્ટન મોઇસેસ હેનરિક્સના નેતૃત્વમાં ટીમે ICC T20 વર્લ્ડ કપ 2028 માટે ક્વોલિફાય થવાના તેના સ્વપ્નને મજબૂતીથી જીવંત રાખ્યું છે.
પોર્ટુગલે સ્પેનની જીતનો સિલસિલો રોક્યો
સ્પેન તેની અગાઉની 26 T20I મેચોમાં હાર્યું ન હતું. જોકે, પોર્ટુગલ તેની જીતનો સિલસિલો રોકવામાં સફળ રહ્યું. અંતિમ મેચમાં, સ્પેનના કેપ્ટન ક્રિશ્ચિયન મુનોઝ-મિલ્સે ટોસ જીતીને પ્રથમ બોલિંગ કરવાનો નિર્ણય લીધો. ધવલકુમાર નોરોતમ અને ક્રિસ્ટોફર ડી ફ્રેટાસે પોર્ટુગલ માટે મજબૂત શરૂઆત કરી. ત્યારબાદ કેપ્ટન મોઇસેસ હેનરિકેસે 18 રનનું યોગદાન આપ્યું. ત્યારબાદ ક્રેગ કાચોપા, કાર્લોસ નુન્સ અને જેરેમી માર્ટિન્સની આક્રમક ઇનિંગ્સને કારણે પોર્ટુગલે 20 ઓવરમાં 6 વિકેટે 160 રનનો સ્કોર બનાવ્યો હતો.
PORTUGAL HAS THEIR REVENGE!
After Spain knocked them out in the FIFA World Cup Round of 16, Portugal Cricket has answered back by defeating Spain to win the T20 World Cup Sub-Regional Group C Qualifier.
adding another chapter to the rivalry between the two nations.
— CricTracker (@Cricketracker) August 22, 2026
સ્પેનનો 57 રને પરાજય થયો
161 રનના લક્ષ્યનો પીછો કરવા ઉતરેલી સ્પેનની શરૂઆત ખરાબ રહી હતી. સેબેસ્ટિયન ડી ઓલિવેરા અને જેરેમી માર્ટિન્સે ઘાતક શરૂઆતી બોલિંગ કરી અને સ્પેનના ટોચના ત્રણ બેટ્સમેનોને ફક્ત 32 રનમાં આઉટ કર્યા. ત્યારબાદ યાસિર અલી અને ડેનિયલ ડોયલ-કેલે ઇનિંગ બચાવવાનો પ્રયાસ કર્યો, પરંતુ સિરાજ ઉલ્લાહ ખાદિમે 11મી ઓવરમાં યાસિર અલીને બોલ્ડ કરીને મેચ સંપૂર્ણપણે પોર્ટુગલના પક્ષમાં ફેરવી દીધી. અંતે, માર્ટિન્સે લોર્ન બર્ન્સને બોલ્ડ કરીને 57 રનથી ઐતિહાસિક વિજય મેળવ્યો.
યુરોપિયન ક્વોલિફાયર 2027 માટે ક્વોલિફાય
આ ટાઇટલ જીત સાથે પોર્ટુગલ ICC મેન્સ T20 વર્લ્ડ કપ યુરોપ ક્વોલિફાયર 2027 માટે સીધું ક્વોલિફાય થઈ ગયું છે. પોર્ટુગલ હવે આગામી રાઉન્ડમાં જર્સી અને ડેનમાર્ક સાથે જોડાશે. આ દરમિયાન, સ્કોટલેન્ડને ટુર્નામેન્ટમાં સીધો પ્રવેશ મળ્યો છે. ઇટાલી અને નેધરલેન્ડ્સે પણ ગ્લોબલ ક્વોલિફાયરમાં સીધો સ્થાન મેળવ્યું છે. પોર્ટુગલ હવે ગ્લોબલ ક્વોલિફાયરમાં સ્થાન મેળવવા માટે 2027 યુરોપ ક્વોલિફાયરમાં મજબૂત પ્રદર્શન પર નજર રાખી રહ્યું છે.
18 વિકેટ… ઓસ્ટ્રેલિયા પછી બાંગ્લાદેશે મચાવી તબાહી, 51 વર્ષમાં ફક્ત ત્રીજી વખત આવું બન્યું
