IND vs WI: રોહિત શર્મા પોતાના પર તૈયાર થયેલા વિડીયો સોંગને જોઇ ખુશ, વેસ્ટ ઈન્ડિઝ સામે મેદાનમાં ‘ધમાલ’ મચાવવા તૈયાર!

ભારત અને વેસ્ટ ઈન્ડિઝ (India Vs West Indies) વચ્ચે 3 મેચની ODI શ્રેણી 6 ફેબ્રુઆરીથી અમદાવાદ (Ahmedabad) માં શરૂ થશે, ત્યારબાદ 3 મેચની T20I શ્રેણી રમાશે.

Rohit Sharma ફુલ ટાઇમ મર્યાદિત ઓવર માટેની ટીમ કેપ્ટન તરીકે શરુઆત કરશે

TV9 Gujarati | Edited By: Avnish Goswami | Updated on: Feb 01, 2022 | 9:14 PM

ભારત અને વેસ્ટ ઈન્ડિઝ (India Vs West Indies) વચ્ચે 6 ફેબ્રુઆરીથી વનડે સિરીઝ અમદાવાદ (Ahmedabad) માં શરૂ થશે. આ સિરીઝ ઘણી ખાસ છે કારણ કે ટીમ ઈન્ડિયા પોતાના નવા કેપ્ટન સાથે મેદાનમાં ઉતરવા જઈ રહી છે. ફુલ ટાઈમ કેપ્ટન બન્યા બાદ રોહિત શર્મા પ્રથમ વખત મેદાનમાં ઉતરશે. સાઉથ આફ્રિકા પ્રવાસ દરમિયાન ટીમ ઈન્ડિયા રોહિતને ખૂબ ખોટ સાલી હતી. રોહિત શર્મા (Rohit Sharma) ને ટેસ્ટ સિરીઝમાં ઓપનર તરીકે ખૂબ જ મિસ કરવામાં આવ્યો હતો. કેએલ રાહુલની કપ્તાની હેઠળની વનડે સિરીઝમાં તે વસ્તુ જોવા નહોતી મળી, જે હિટમેનમાં જોવા મળે છે. જેના કારણે ટીમ વનડે અને ટેસ્ટ સિરીઝ હારી ગઈ હતી. હવે નવી શરૂઆતનો સમય આવી ગયો છે અને આ અવસર પર રોહિત શર્મા પર એક નવું રેપ સોંગ પણ રિલીઝ કરવામાં આવ્યું છે, જેને સાંભળીને ભારતીય કેપ્ટન ખૂબ જ ખુશ દેખાય છે.

સ્ટાર સ્પોર્ટ્સ, ભારત-વેસ્ટ ઈન્ડિઝ શ્રેણીના સત્તાવાર પ્રસારણકર્તા, એ ભારત-વેસ્ટ ઈન્ડિઝ શ્રેણી પહેલા એક રેપ સોંગ લોન્ચ કર્યું છે જે રોહિત શર્માના યુગની શરૂઆતને દર્શાવે છે. સ્ટાર સ્પોર્ટ્સે આ વીડિયો તેના ઓફિશિયલ ટ્વિટર હેન્ડલ પર પોસ્ટ કર્યો જેમાં તેણે લખ્યું, ‘નવા યુગનો સૂર્યોદય. ટીમ ઈન્ડિયાની કમાન નવા કેપ્ટન રોહિત શર્મા સંભાળશે. વેસ્ટ ઈન્ડિઝ સામેની ODI સીરિઝ માટે તૈયાર રહો.રોહિત શર્માને આ રેપ સોંગ ખૂબ જ પસંદ આવ્યું અને તેણે રિટ્વીટ કરીને પોતાની ખુશી વ્યક્ત કરી. રોહિત શર્માએ પણ કહ્યું કે તે મેદાનમાં પરત ફરવા માટે તૈયાર છે.

Web Stories View more

LICની આ પોલિસી દેશની દરેક દીકરીનું ભવિષ્ય કરશે સુરક્ષિત! આ રીતે કરો અરજી

તમારા ઘરની તુલસી સાથે જોડાયેલી આ 7 ભૂલો ક્યારેય ન કરતાં, જાણો કારણ

મુકેશ અંબાણીના Jioના નવા પ્લાને મચાવી ધૂમ, Netflix સહિત આ 15 OTTની ઍક્સેસ મળશે

પાકિસ્તાનમાં માહિરા સાથે થઈ બદતમીઝી, અજાણ્યા વ્યક્તિએ ફેંક્યો સામાન, હસીનાએ કહ્યું..

તમે અમીર બનવા માગતા હોવ તો વોરેન બફેટના આ 7 સરળ રસ્તા જાણી લો

Humbled by the lovely rap @StarSportsIndia

Looking forward to be back on the field and take inspiration from the fans’ continued support as India takes on West Indies #BelieveinBlue #IndvsWI https://t.co/Ny3IDg3VwA

— Rohit Sharma (@ImRo45) February 1, 2022

રોહિત શર્મા વેસ્ટ ઈન્ડિઝ સામે ‘ધમાલ’ મચાવે છે

શર્માના બેટ પર વેસ્ટ ઈન્ડિઝ સામે રનનો વરસાદ થતો જોવા મળી શકે છે. રોહિત શર્માએ વેસ્ટ ઈન્ડિઝ વિરુદ્ધ 31 ઈનિંગમાં 60.92ની એવરેજથી 1523 રન બનાવ્યા છે. તેણે વેસ્ટ ઈન્ડિઝ સામે 2 સદી અને 11 અડધી સદી ફટકારી છે. ઘરઆંગણે રોહિત શર્માએ વેસ્ટ ઈન્ડિઝ સામે 80ની એવરેજથી રન બનાવ્યા છે. રોહિત શર્માએ ભારતમાં વેસ્ટ ઈન્ડિઝ વિરુદ્ધ 16 ઈનિંગમાં 1040 ODI રન બનાવ્યા છે.

ટીમ ઈન્ડિયા ODI સિરીઝ માટે અમદાવાદ પહોંચી ગઈ છે. તમામ ખેલાડીઓને ત્રણ દિવસ માટે ક્વોરેન્ટાઈન કરવામાં આવશે. આ સાથે જ વેસ્ટ ઈન્ડિઝની ટીમ પણ બુધવાર સુધીમાં અમદાવાદ પહોંચવાની છે. ઈંગ્લેન્ડને ઘરઆંગણે ટી-20 શ્રેણીમાં હરાવીને વેસ્ટ ઈન્ડિઝ ભારત આવી રહી છે, તેથી પોલાર્ડની ટીમનું મનોબળ પણ ઉંચુ રહેશે.