વિરાટ કોહલી ભલે સોશિયલ મીડિયા પર વધુ એક્ટિવ ના હોય, પરંતુ તેના વિશે હંમેશા ચર્ચાઓ થતી જ રહે છે. માત્ર ક્રિકેટ એક્સપર્ટ અને ફેન્સ જ નહીં, પરંતુ હવે કન્ટેન્ટ ક્રિએટર્સ અને ઇન્ફ્લુએન્સર્સ પણ મનોરંજન માટે કોહલીના નામે વીડિયો બનાવે છે. આવો જ એક વીડિયો સોશિયલ મીડિયા પર વાયરલ થયો છે, અને તેનું કારણ કોહલી પોતે નહીં, પરંતુ કોહલીનો દીકરો અકાય અને ટીમ ઈન્ડિયાનો કેપ્ટન શુભમન ગિલ છે.

સ્કૂલ ટીચરે વિરાટ કોહલીના દીકરાને શું કહ્યું?

ઇન્સ્ટાગ્રામ પર એક કન્ટેન્ટ ક્રિએટરે મજેદાર અને રમૂજી વીડિયો પોસ્ટ કર્યો છે, જે હાલમાં ખૂબ જ લોકપ્રિય બની રહ્યો છે. વીડિયોમાં, ક્રિએટર કોહલીના પુત્ર અકાયને ભણાવતી સ્કૂલ ટીચર બની છે. તે અકાયને ભણાવી રહી છે અને તેને ગેરવર્તણૂક માટે ઠપકો આપે છે. સ્કૂલ ટીચર અકાયને તેના માતાપિતા, વિરાટ અને અનુષ્કા શર્મા બંનેને સ્કૂલે લઈને આવવાનું કહે છે.

He ain’t gonna reply Gill bro pic.twitter.com/rJsNktEJ6l

— Sohel. (@SohelVkf) September 3, 2026

શુભમન ગિલની કોમેન્ટે લૂંટી મહેફિલ

પણ વીડિયો આટલેથી જ સમાપ્ત થતો નથી. વીડિયોમાં પાછળથી, શિક્ષક શરમાઈને તેને તેના કાકા શુભમન ગિલને સાથે લાવવાનું કહે છે. સંયોગથી, શુભમન ગિલે પણ આ વીડિયો જોયો, અને તેણે પોતાની કોમેન્ટથી તેને વધુ વાયરલ કરી દીધો. શુભમન ગિલે પોતાની કોમેન્ટમાં વિરાટ કોહલીને ટેગ કરીને લખ્યું, “ચિંતા ના કર ભાઈ… હું તારી જગ્યા લઈશ.”

કોહલીના જવાબની રાહ જોઈ રહ્યા છે ફેન્સ

શુભમન ગિલની કોમેન્ટ પછી, આ વીડિયો ઇન્સ્ટાગ્રામ પર ખૂબ જ વાયરલ થયો હતો. તેને શુભમન ગિલની ‘X’ પરની કોમેન્ટ સાથે પણ શેર કરવામાં આવી રહ્યો છે. બધા રાહ જોઈ રહ્યા છે કે શું વિરાટ કોહલી તેના પર કોઈ કોમેન્ટ કરશે. શક્ય છે કે વિરાટ કોહલીએ વીડિયો અને શુભમન ગિલની કોમેન્ટ જોઈ હશે, પરંતુ તે જવાબ આપે તેવી શક્યતા ખૂબ જ ઓછી છે.

40 મેચના પ્રતિબંધે બદલી નાખી ફૂટબોલ રેફરીની જિંદગી, હવે એડલ્ટ કોન્ટેન્ટથી રોજ કરે છે મોટી કમાણી