સગીર પર બળાત્કાર કેસમાં ક્રિકેટર યશ દયાલની વધી મુશ્કેલી, હાઈકોર્ટે ધરપકડ રોકવાની અરજી ફગાવી

રાજસ્થાનના જયપુરમાં સગીરા પર બળાત્કારના કેસમાં પોક્સો એક્ટ હેઠળ નોંધાયેલા કેસમાં ક્રિકેટર યશ દયાલને કોઈ રાહત મળી નથી. હાઈકોર્ટે હાલ ધરપકડ અને પોલીસ કાર્યવાહી પર રોક લગાવી નથી. હાઈકોર્ટે હાલ પૂરતું યશ દયાલને કોઈ રાહત આપવાનો ઈનકાર કર્યો છે. આજે કોર્ટમાં થયેલી સુનાવણીમાં પીડિતાના વકીલ પણ હાજર રહ્યા હતા. પીડિતા દ્વારા યશ દયાલની અરજીનો વિરોધ કરવામાં આવ્યો હતો.

યશ દયાલની મુશ્કેલીઓ વધશે

હાઈકોર્ટમાંથી રાહત ન મળ્યા બાદ ક્રિકેટર યશ દયાલની મુશ્કેલીઓ વધશે. યશ દયાલે આજે કોર્ટમાં ફરી દલીલ કરી હતી કે તેને ષડયંત્ર હેઠળ ફસાવવામાં આવ્યો છે. હાઈકોર્ટ હવે સપ્ટેમ્બરના પહેલા અઠવાડિયામાં આ કેસની સુનાવણી કરે તેવી અપેક્ષા છે.

હાઈકોર્ટે અરજી ફગાવી

અગાઉની સુનાવણીમાં, રાજસ્થાન હાઈકોર્ટે રોયલ ચેલેન્જર્સ બેંગ્લોર (RCB) ના ફાસ્ટ બોલર યશ દયાલની ધરપકડ પર રોક લગાવવાનો ઈનકાર કર્યો હતો. હાઈકોર્ટે સ્પષ્ટપણે કહ્યું હતું કે પીડિતા સગીર છે, તેથી ધરપકડ અને પોલીસ કાર્યવાહી રોકી શકાતી નથી. કોર્ટે આ કેસમાં કેસ ડાયરી સમન્સ મોકલી હતી.

શું છે આખો મામલો?

આ વર્ષે 23 જુલાઈના રોજ જયપુરના સાંગાનેર સદર પોલીસ સ્ટેશનમાં એક યુવતીએ યશ દયાલ વિરુદ્ધ બળાત્કારનો કેસ નોંધાવ્યો હતો. પીડિતાનું કહેવું છે કે તે એક ઉભરતી ક્રિકેટર છે. તે 2023માં યશને મળી હતી. તે સમયે તે 17 વર્ષની સગીર હતી. પીડિતાનો આરોપ છે કે યશે ક્રિકેટમાં કારકિર્દી બનાવવાનું વચન આપીને તેનું ભાવનાત્મક અને શારીરિક શોષણ કર્યું હતું.

અન્ય એક મહિલાએ પણ લગાવ્યો આરોપ

પીડિતાનું કહેવું છે કે શારીરિક શોષણની પહેલી ઘટના 2023 માં બની હતી, જ્યારે યશે તેને જયપુરના સીતાપુરા વિસ્તારમાં એક હોટલમાં બોલાવી હતી. ત્યાં તેણે તેની સાથે બળાત્કાર ગુજાર્યો હતો. આ બે વર્ષ સુધી ચાલુ રહ્યું. તમને જણાવી દઈએ કે જુલાઈમાં ગાઝિયાબાદની એક મહિલાએ યશ પર લગ્નનું ખોટું વચન આપીને પાંચ વર્ષ સુધી શારીરિક અને ભાવનાત્મક રીતે શોષણ કરવાનો આરોપ લગાવ્યો હતો. આ કેસમાં યશે અલ્હાબાદ હાઈકોર્ટમાં અરજી દાખલ કરી હતી. જેના પર કોર્ટે 15 જુલાઈએ તેની ધરપકડ પર પ્રતિબંધ મૂક્યો હતો.

આ પણ વાંચો: એશિયા કપ 2025 પહેલા ગૌતમ ગંભીર પર પૂર્વ ક્રિકેટરે લગાવ્યો મોટો આરોપો

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો