મેથ્યુઝ નહીં ગાંગુલી ‘ટાઈમ આઉટ’ થનાર પ્રથમ ક્રિકેટર હોત, જાણો ટીમ ઈન્ડિયાનો આ મજેદાર કિસ્સો
એન્જેલો મેથ્યુઝ આંતરરાષ્ટ્રીય ક્રિકેટમાં ‘ટાઈમ આઉટ’ થનાર પ્રથમ ક્રિકેટર બન્યો. મેથ્યુઝ પહેલા આવી રીતે કોઈને આઉટ આપવામાં આવ્યો નથી. જોકે આ અજીબ રેકોર્ડ 16 વર્ષ પહેલા જ બની ગયો હોત. પરંતુ આફ્રિકન કેપ્ટનની ખેલદિલીના કારણે આ શક્ય ન બન્યું. નહીં તો આ રેકોર્ડ પૂર્વ ભારતીય કેપ્ટન સૌરવ ગાંગુલીના નામે હોત.
ક્રિકેટમાં આઉટ થવાની અલગ અલગ 10થી વધુ રીતો છે, જેમાંથી સૌથી દુર્લભ છે ‘ટાઈમ આઉટ’, જે ટેસ્ટ ક્રિકેટના 140 વર્ષથી વધુ સમયમાં ક્યારેય બન્યું ન હતું. જોકે બાંગ્લાદેશ સામે શ્રીલંકન ઓલરાઉન્ડર એન્જેલો મેથ્યુઝને આઉટ આપતા તે આ રીતે આઉટ થનાર વિશ્વનો પહેલો ક્રિકેટર બન્યો હતો. જો કે, આ વિચિત્ર રેકોર્ડ મેથ્યુઝ પહેલા ભારતના પૂર્વ કપ્તાન સૌરવ ગાંગુલીના નામે હોત.
છ મિનિટ મોડા પહોંચેલા ગાંગુલીને આઉટ આપવામાં આવ્યો ન હતો
વર્ષ 2007 માં ભારત અને દક્ષિણ આફ્રિકા વચ્ચે ટેસ્ટ સીરિઝની ત્રીજી મેચની બીજી ઈનિંગમાં ભારતીય કેપ્ટન સૌરવ ગાંગુલી 6 મિનિટ મોડો મેદાનમાં પહોંચ્યો હતો. છતાં તેને રમવા દેવામાં આવ્યો હતો અને કોઈએ પણ સવાલ ઉઠાવ્યો નહીં. જો આફ્રિકન કેપ્ટને આ અંગે વાંધો ઉઠાવ્યો હોત તો ગાંગુલી ટાઈમ આઉટ થનાર પ્રથમ ક્રિકેટર બન્યો હોત.
On January 5, 2007, Indian cricketer Sourav Ganguly nearly made history by being the first player to be declared ‘timed out’ in international cricket. #AngeloMatthews #ShakibAlHasan #BANvsSL #CWC23 pic.twitter.com/wf5Y4WEnaq
— Nimit (@Aageyse_Left) November 7, 2023
સૌરવ ગાંગુલીને મેદાનમાં પહોંચવામાં કેમ મોડું થયું ?
ભારતનો ભૂતપૂર્વ કેપ્ટન સૌરવ ગાંગુલી 2007ની કેપટાઉન ટેસ્ટમાં છ મિનિટ મોડો ક્રિઝ પર પહોંચ્યો હોવા છતાં તેને વધુ સમય આપવામાં આવ્યો હતો. મેદાન પર ઓછો સમય વિતાવવાને કારણે સચિન તેંડુલકરને બીજા દિવસે રમતની શરૂઆતમાં બેટિંગ કરવા દેવામાં આવી ન હતી. તેને રમવામાં હજી સમય હતો. વીવીએસ લક્ષ્મણ બાથરૂમમાં હતો, જેના કારણે સૌરવ ગાંગુલીને ઉતાવળમાં કીટ પહેરવી પડી હતી અને તેને મોડું થયું.
Here is one incident on #Timedout before #AngeloMatthews it was on Jan 5, 2007, Sourav Ganguly would have become the first player to be declared ‘timed out’ in international cricket. He took six minutes to reach the batting crease. #SachinTendulkar was off the field for a while… pic.twitter.com/NoawrZHkCo
— Praneet Samaiya (@praneetsamaiya) November 7, 2023
રમત શરૂ થવામાં કુલ 6 મિનિટનો સમય લાગ્યો હતો
સૌરવ ગાંગુલી 3 મિનિટથી વધુ મોડો મેદાનમાં પહોંચ્યો હતો. આ પ્રક્રિયામાં કુલ 6 મિનિટથી વધુ સમય લાગ્યો હતો. છતાં અમ્પાયરે ગાંગુલીને આઉટ આપ્યો. જે અંગે અમ્પાયર ડેરિલ હાર્પરે સ્પષ્ટ કર્યું હતું કે સચિનને બેટિંગ ન કરવા દેવા અંગે અગાઉથી જાણ કરવામાં આવી ન હતી, તેથી અહીં ટાઈમ આઉટનો નિયમ લાગુ થશે નહીં.
આ પણ વાંચો: પીએમ મોદીએ ભારતીય મહિલા હોકી ટીમની સિદ્ધિને કરી સલામ, કહ્યું- ‘મહિલા શક્તિની જીત’
