IPL માં જેના રમવા પર BCCI એ લગાવ્યો છે પ્રતિબંધ, તેને 5.6 કરોડ રૂપિયા આપશે કાવ્યા મારન
16 ડિસેમ્બરે IPL ઓકશનમાં ખેલાડીઓ પર ચોક્કસ પૈસાનો વરસાદ થશે, પરંતુ બીજી એક લીગે પહેલાથી જ કેટલાક ખેલાડીઓ માટે મોટા પગારની જાહેરાત કરી દીધી છે. આ લીગ ઇંગ્લેન્ડની "ધ હંડ્રેડ" છે, જ્યાં બધી ફ્રેન્ચાઇઝીઓએ તેમના રિટેનમેન્ટની જાહેરાત કરી છે. ખાસ વાત એ છે કે કાવ્યા મારન IPL માં પ્રતિબંધિત ખેલાડીને 5.6 કરોડ રૂપિયામાં રિટેન કર્યો છે.
IPL ઓકશનમાં ફરી એકવાર ઘણા ખેલાડીઓ પર પૈસાનો વરસાદ થવાની તૈયારી છે. 16 ડિસેમ્બરે અબુ ધાબીમાં યોજાનારા ઓકશનમાં ઘણા ખેલાડીઓ પર ઊંચી બોલી લાગશે. જોકે, તે પહેલા, IPL ફ્રેન્ચાઇઝ સનરાઇઝર્સ હૈદરાબાદના માલિક કાવ્યા મારને હાલમાં IPLમાં રમવા પર પ્રતિબંધ મૂકાયેલા ખેલાડીને મોટી રકમ ઓફર કરવાનો નિર્ણય લીધો છે. આ ખેલાડી ઇંગ્લેન્ડની ODI અને T20 ટીમનો કેપ્ટન હેરી બ્રુક છે, જે આ વખતે IPL ઓકશનમાં ભાગ નથી લઈ રહ્યો.
કાવ્યા મારનની ટીમે લીધો મોટો નિણર્ય
16 ડિસેમ્બરે IPL ઓક્શન પહેલા ઇંગ્લિશ ટુર્નામેન્ટ ધ હંડ્રેડ અંગે મોટા સમાચાર સામે આવ્યા છે. આગામી સિઝન પહેલા માર્ચમાં ઓક્શનનું આયોજન કરવામાં આવ્યું છે, જે ટુર્નામેન્ટના ઇતિહાસમાં પહેલીવાર થશે. IPLના ઉદાહરણને અનુસરીને, તમામ આઠ ટીમોને ઓક્શન પહેલા તેમના ખેલાડીઓને રિટેન કરવાની તક આપવામાં આવી છે, અને હેરી બ્રુકને તેની ફ્રેન્ચાઇઝ દ્વારા રિટેન કરવામાં આવ્યો છે.
₹ 5.62 કરોડમાં હેરી બ્રુકને રિટેન કર્યો
જમણા હાથના વિસ્ફોટક બેટ્સમેન હેરી બ્રુકે છેલ્લી બે સિઝનમાં નોર્ધન સુપરચાર્જર્સનું નેતૃત્વ કર્યું હતું અને આગામી સિઝનમાં પણ તે ફ્રેન્ચાઇઝી સાથે રહેશે. ફરક માત્ર એટલો છે કે, IPLમાં સનરાઇઝર્સ હૈદરાબાદની જેમ, ધ હંડ્રેડમાં નોર્ધન સુપરચાર્જર્સ હવે કાવ્યા મારનના સન ગ્રુપની માલિકીની છે, અને ફ્રેન્ચાઇઝનું નામ બદલીને સનરાઇઝર્સ લીડ્સ રાખવામાં આવ્યું છે. સનરાઇઝર્સ લીડ્સે બ્રુકને £470,000 એટલે ₹ 5.62 કરોડમાં જાળવી રાખ્યો છે. આ રીટેન્શન સાથે, હેરી બ્રુક ધ હંડ્રેડમાં સૌથી વધુ કમાણી કરનાર ખેલાડી બની શકે છે. જોકે, ઓક્શનમાં પરિસ્થિતિ બદલાઈ શકે છે.
બ્રુક પર IPL માં 2 વર્ષનો પ્રતિબંધ
હેરી બ્રુક આ વખતે IPL ઓક્શનમાં ભાગ લઈ રહ્યો નથી કારણ કે BCCI ના નવા નિયમને કારણે તે બે વર્ષના પ્રતિબંધનો સામનો કરી રહ્યો છે. ગયા વર્ષે, BCCI એ એક નિયમ લાગુ કર્યો હતો કે કોઈપણ વિદેશી ખેલાડી જે કોઈપણ અપ્રમાણિત કારણોસર વેચાયા પછી હરાજીમાંથી ખસી જાય છે તેને આગામી બે વર્ષ માટે IPLમાં રમવા પર પ્રતિબંધ મૂકવામાં આવશે. ગયા વર્ષે દિલ્હી કેપિટલ્સ દ્વારા બ્રુકને ખરીદવામાં આવ્યો હતો, પરંતુ તે ટુર્નામેન્ટ શરૂ થાય તે પહેલા જ ખસી ગયો હતો. આનો અર્થ એ થયો કે તે 2027 સુધી IPLમાં ભાગ લઈ શકશે નહીં.
આ પણ વાંચો: Virat Kohli Ranking: રોહિત શર્મા માટે ખતરો બની ગયો વિરાટ કોહલી, ICC રેન્કિંગમાં આ નંબરે પહોંચ્યો
