IPL Cheerleaders: ચીયરલીડર્સ સાથે પ્રેક્ષકે કર્યુ ‘ખરાબ’ વર્તન, વિડીયો ઉતારી ખૂબ પરેશાન કરી! Video

IPL 2023 માં ઘણી બધી ચિજો કોરોના કાળ બાદ ફરીથી જોવા મળી રહી છે, જે કોરોના કાળ પહેલા હતી. કોરોના સંક્રમણને લઈ વર્ષ 2020ની સિઝનથી આકરા નિંયત્રણ વચ્ચે ટૂર્નામેન્ટનુ આયોજન થઈ રહ્યુ હતુ. પરંતુ હવે ટીમ પોતાના ઘર આંગણે મેચ રમી રહેલી જોવા મળતા ટીમના ચાહકોનો રોમાંચનો પારો ફરી એ જ રીતનો જોવા મળી રહ્યો છે. ચીયરલીડર્સ પણ માહોલને ફરીથી જબરદસ્ત બનાવી રહી છે. ત્રણ વર્ષ બાદ ચીયરલીડર્સ ફરીથી સ્ટેડિયમમાં નજર આવી રહી છે. એક વિડીયો સામે આવ્યો છે. જેમાં એક શખ્શ ચીયરલીડર્સની સાથે ગેરવર્તન કરતા વાત કરીને પરેશાન કરતો નજર આવી રહ્યો છે.

સોશિયલ મીડિયા પર જોવા મળી રહેલો આ વિડીયોને લઈ માનવામાં આવી રહ્યુ છે કે, આ વિડીયો ગુજરાત ટાઈટન્સ અને રાજસ્થાન રોયલ્સ વચ્ચેનો છે. જે વિડીયો સોશિયલ મીડિયા પર ખૂબ જ વાયરલ થઈ રહ્યો છે. જોકે સ્પષ્ટ રીતે આ વિડીયો અંગે વિગતો જાણી શકાતુ નથી, પરંતુ ચીયરલીડર્સના ડ્રેસિંગ પર થી અનુમાન લગાવવામાં આવી રહ્યુ છે કે, તે કઈ મેચ અને કયા સ્થળનો વિડીયો છે.

આ પણ વાંચોઃ Shubman Gill: અમદાવાદમાં સદી બાદ શુભમન ગિલે બતાવ્યા પોતાના ઈરાદા, એક વિડીયોએ કર્યા ઈશારા ઈશારામાં બતાવ્યુ સપનુ

ચીયરલીડર્સને કરી પરેશાન

વાયરલ થયેલા આ વિડીયોમાં પરેશાન કરનારા શખ્શનો ચહેરો દેખાતો નથી. જોકે શખ્શ દ્વારા વિડીયો બનાવવામાં આવ્યો હતો અને તે ચીયરલીડર્સને વિડીયો બનાવવા દરમિયાન હાય-હેલો કરી રહ્યો છે. શખ્શ વિડીયો બનાવવા દરમિયાન કહી રહ્યો છે કે, અમે તમને જ જોવા માટે આવ્યા હતા મેચ ચો અમે ઘરે બેસીને પણ જોઈ શકતા હતા. હદ તો આ યુવકે ત્યારે વટાવી કે જ્યારે તે વિડીયો દરમિયાન કહી રહ્યો છે કે, ચીયરલીડર્સ તેને લાઈન મારી રહી છે. તો વળી આગળ તે ચીયરલીડર્સને કહી રહ્યો છે કે, શુ કોઈ હેન્ડસમ યુવક નથી જોયો?

ચીયરલીડર્સને લઈ કેટલીક વાર વિવાદ અને ચર્ચાઓ બનતી હોય છે. જેમાં ઘટના સામે આવતા જ કાર્યવાહી પણ થતી હોય છે. અગાઉ મુંબઈ ઈન્ડિયન્સની ચીયરલીડર્સનો વિવાદ ખૂબ ચર્ચામાં રહ્યો હતો. જેમાં પાર્ટી દરમિયાન કેટલાક ક્રિકેટરોએ ચીયરલીડર્સને પરેશાન કરી હોવાની ચર્ચા હતી.

આ પણ વાંચોઃ Jofra Archer Injury: એશિઝ સિરીઝ સાથે ઈંગ્લીશ સમરથી બહાર થયો જોફ્રા આર્ચર, આ કારણથી થયો બહાર

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો