Breaking News : IPL 2026માં RCB vs CSK વચ્ચેની મેચમાં ટિમ ડેવિડની છપ્પરફાડ ઇનિંગે બેંગલુરુને અપાવી બીજી જીત, ચેન્નઈને હારની હેટ્રિક
RCB vs CSK IPL 2026 પરિણામ: આ મેચ સાથે, બેંગલુરુએ સતત ચોથી વખત ચેન્નઈ સુપર કિંગ્સને હરાવ્યું. આ પહેલી વાર છે જ્યારે RCB એ ચેન્નઈ સામે આ સફળતા મેળવી છે.
Royal Challengers Bengaluruએ IPL 2026 સીઝનમાં પોતાની પ્રભાવશાળી શરૂઆત યથાવત રાખી છે અને સતત બીજી જીત નોંધાવી છે. કેપ્ટન Rajat Patidarની આગેવાની હેઠળ ટીમે ફરી સાબિત કર્યું કે તેઓ ડિફેન્ડિંગ ચેમ્પિયન તરીકે કેમ મજબૂત દાવેદાર છે. Chennai Super Kings સામે રમાયેલી મેચમાં RCBએ 250 રનનો વિશાળ સ્કોર બનાવ્યો, જે આ સીઝનનો અત્યાર સુધીનો સૌથી મોટો સ્કોર છે.
આ વિસ્ફોટક ઇનિંગ્સમાં Tim David સહિત તમામ બેટ્સમેનોનો મહત્વપૂર્ણ ફાળો રહ્યો હતો. ત્યારબાદ બોલિંગમાં Jacob Duffy અને Bhuvneshwar Kumarએ શાનદાર પ્રદર્શન કર્યું અને ચેન્નઈને 207 રનમાં ઓલઆઉટ કરીને RCBને 43 રનની જીત અપાવી.
ગયા સીઝનમાં પોતાના હોમ ગ્રાઉન્ડ પર ત્રણેય મેચ હારનાર બેંગલુરુએ આ વખતે M Chinnaswamy Stadium ખાતે બંને મેચ જીતીને મજબૂત વાપસી કરી છે. Sunrisers Hyderabad સામે 200થી વધુ રનનો સફળ પીછો કરીને શરૂઆત કરનાર ટીમે હવે ચેન્નઈને પણ હરાવીને આત્મવિશ્વાસ વધાર્યો છે. મેચ દરમિયાન પ્રથમ ત્રણ ઓવરમાં એકપણ બાઉન્ડરી ન ફટકાર્યા છતાં RCBએ આખી ઇનિંગ્સમાં 19 છગ્ગા અને 14 ચોગ્ગા ફટકારીને મેચનો રૂખ બદલી નાખ્યો.
ધીમી શરૂઆત પછી Virat Kohli અને Phil Saltએ ચોથી ઓવરથી રનગતિ વધારી. કોહલી ટૂંકી પરંતુ ઝડપી ઇનિંગ્સ રમીને આઉટ થયો, જ્યારે સોલ્ટે જવાબદારી સંભાળી સ્કોરને આગળ વધાર્યો. ત્યારબાદ ઇન-ફોર્મ Devdutt Padikkalએ સતત બીજી અડધી સદી ફટકારી અને ટીમને મજબૂત સ્થિતિમાં પહોંચાડી.
મેચનો ખરેખર ટર્નિંગ પોઇન્ટ કેપ્ટન પાટીદાર અને ટિમ ડેવિડની ધમાકેદાર ભાગીદારી હતી. બંનેએ મળીને છેલ્લી પાંચ ઓવરમાં 97 રન ઉમેર્યા. ટિમ ડેવિડે માત્ર 25 બોલમાં 70 રનની તોફાની ઇનિંગ્સ રમી, જેમાં તેણે 8 છગ્ગા અને 3 ચોગ્ગા ફટકાર્યા. ખાસ કરીને 19મી ઓવરમાં તેણે એકલા 30 રન બનાવીને મેચ સંપૂર્ણપણે RCB તરફ ઝૂકાવી દીધી. બીજી તરફ, પાટીદારે પણ માત્ર 19 બોલમાં અણનમ 48 રન બનાવી ટીમને વિશાળ સ્કોર સુધી પહોંચાડી.
પાકિસ્તાનને મોટો ઝટકો, IPL ને પછાડવાનું સપના જોઈ રહ્યું હતું, હવે PSL છોડી રહ્યા છે ખેલાડી
