ઈન્ડિયન પ્રીમિયર લીગ (IPL 2022) ની 15મી સિઝનને તેનો પ્રથમ ફાઇનલિસ્ટ મળી ગયો છે. આ ટીમ ગુજરાત ટાઇટન્સ છે. મંગળવારે કોલકાતાના ઈડન ગાર્ડન્સ સ્ટેડિયમમાં રમાયેલી પ્રથમ ક્વોલિફાયરમાં ગુજરાતનો સામનો રાજસ્થાન રોયલ્સ (GT vs RR) સાથે થયો હતો. આ રોમાંચક મેચમાં ગુજરાત ટાઇટન્સ (Gujarat Titans) ટીમે તેની પ્રથમ સિઝનમાં 7 વિકેટે જીત મેળવી હતી અને ફાઇનલમાં જગ્યા બનાવી હતી. અપેક્ષા મુજબ IPL 2022 પ્લેઓફની મેચ ઉતાર-ચઢાવથી ભરેલી હતી અને એવી ઘણી ક્ષણો હતી જ્યાં મેચ બદલાતી જોવા મળી હતી. રાજસ્થાનની (Rajasthan Royals) ઇનિંગ્સ પણ ઘણી રોમાંચક રહી હતી. રાજસ્થાનની ઇનિંગની છેલ્લી ઓવરમાં આવું કંઇક બન્યું જે સામાન્ય રીતે જોવા મળતું નથી. આ ઓવરના છેલ્લા બોલ પર ઘણો ડ્રામા થયો હતો. છેલ્લા બોલ પર 2 વિકેટ પણ પડી અને રન પણ બન્યા.
અંતિમ ઓવરના અંતિમ બોલ પર આ ટીમના 2 ખેલાડીઓ મૂંઝવણમાં પડ્યા અને આ ભૂલમાં વિકેટ ગુમાવી દીધી હતી. અમે વાત કરી રહ્યા છીએ રવિચંદ્રન અશ્વિન અને રિયાન પરાગની. એક એવો ખેલાડી જેની પાસે આંતરરાષ્ટ્રીય ક્રિકેટનો પુષ્કળ અનુભવ છે અને એક યુવા ખેલાડી કે જેણે હજી પોતાની ખાસ છાપ છોડી નથી. બંને બેટ્સમેનોને છેલ્લી ઓવરમાં રનની જરૂર હતી. કારણ કે તે ટીમના ખાતામાં ઉમેરશે અને ટીમને મોટો સ્કોર મળશે. આ પ્રયાસમાં આ બંને વચ્ચે મૂંઝવણ સર્જાઈ અને રાજસ્થાને વિકેટ ગુમાવી દીધી.
રાજસ્થાનની ઇનિંગ્સની છેલ્લી ઓવરના છેલ્લા બોલનો આ મામલો છે. જોસ બટલરે આ બોલ રમ્યો. કારણ કે તે વધુ 2 રન લેવા માંગતો હતો. પરંતુ બીજો રન લેતા તે રન આઉટ થયો હતો. બાદમાં જાણવા મળ્યું કે આ બોલ નો બોલ હતો. તો રાજસ્થાનને ફ્રી હિટ મળી હતી. તેની જગ્યાએ અશ્વિન આવ્યો. યશ દયાલ બોલિંગ કરી રહ્યો હતો. યશે બોલને ઓફ-સ્ટમ્પની બહાર ફેંક્યો અને તેથી જ અશ્વિન તેના પર શોટ ચૂકી ગયો. આ બોલ વાઈડ હતો. પરંતુ પરાગ આ બોલ પર રન લેવા માંગતો હતો અને તે નોન-સ્ટ્રાઈકર છેડેથી નીકળી ગયો હતો. પરંતુ અશ્વિન બહાર આવ્યો ન હતો. જ્યારે પરાગ બહાર આવ્યો ત્યારે અશ્વિને પણ તેને ના પાડી પરંતુ તે ભાગીને સ્ટ્રાઈકરના છેડે ઊભો રહ્યો.
Riyan Parag gets runout pic.twitter.com/k8rzf0SjZI
— StumpMic Cricket (@stumpmic_) May 24, 2022
જેમાં ગુજરાતના વિકેટકીપર રિદ્ધિમાન સાહાએ પરાગને રન આઉટ કરતા યશને બોલ આપ્યો હતો. અશ્વિને છેલ્લા બોલે 2 રન લીધા હતા. હવે જો જોવામાં આવે તો આ છેલ્લા બોલ પર કુલ 5 રન આવ્યા હતા. પ્રથમ બોલ પર 1 રન અને નો-બોલ પર એક રન. ત્યાર બાદ વાઈડ બોલ 1 રન અને ત્યાર બાદ અંતિમ બોલ પર 2 રન લીધા હતા.
આનાથી પરાગ ખૂબ જ પરેશાન થઈ ગયો અને તેણે આશ્ચર્યજનક નજરે અશ્વિન સામે જોયું. જ્યારે તે પેવેલિયનમાં પાછો જઈ રહ્યો હતો ત્યારે પણ તે ખૂબ જ ગુસ્સામાં દેખાઈ રહ્યો હતો. પરાગે આ મેચમાં 3 બોલમાં 4 રનની ઇનિંગ રમી હતી. જો અશ્વિન ઇચ્છતો હોત તો અહીં રન બનાવી શક્યો હોત. પરંતુ તેનો પ્રયાસ સ્ટ્રાઇકને પોતાની સાથે રાખવાનો હતો. રાજસ્થાને આ મેચમાં બટલરના 89 રનની મદદથી 188 રન બનાવ્યા હતા. ગુજરાતે ડેવિડ મિલરના અણનમ 68 અને સુકાની હાર્દિક પંડ્યાના અણનમ 40 રનની મદદથી 3 વિકેટ ગુમાવી લક્ષ્યાંકનો પીછો કર્યો હતો.