IPL 2022 થી BCCI ની તિજોરી છલકાઇ જશે, 14 વર્ષમાં ક્યારેય નથી મળી શકી આવડી મોટી રકમ

આ વખતે IPL ની ટાઈટલ સ્પોન્સરશીપમાં ફેરફાર સિવાય કેટલાક નવા સ્પોન્સર્સ પણ લીગ સાથે જોડાયેલા છે, જેનાથી બોર્ડની તિજોરી ભરવામાં મદદ મળી છે.

IPL 2022 થકી 800 કરોડ રુપિયાની સ્પોન્સરશીપની આવક બોર્ડને થશે

TV9 Gujarati | Edited By: Avnish Goswami | Updated on: Mar 10, 2022 | 5:16 PM

વિશ્વના સૌથી ધનાઢ્ય ક્રિકેટ બોર્ડ બીસીસીઆઇ (BCCI) એટલે કે બોર્ડ ઓફ કંટ્રોલ ફોર ક્રિકેટ ઇન ઇન્ડિયા પાસે હજુ પણ મોટી રકમ તિજોરીમાં હશે. છેલ્લા 14 વર્ષની જેમ ફરી એકવાર ભારતીય બોર્ડ સૌથી પ્રખ્યાત અને સૌથી મોટી T20 લીગ ઈન્ડિયન પ્રીમિયર લીગ (IPL 2022) દ્વારા મોટી કમાણી કરવા જઈ રહ્યું છે. 26 માર્ચથી શરૂ થનારી 15મી સિઝનમાં બોર્ડને કેટલી કમાણી થશે તે તો ટૂર્નામેન્ટ પૂર્ણ થયા બાદ જ ખબર પડશે, પરંતુ હાલ તો પ્રાથમિક માહિતી એવી છે કે BCCIને સ્પોન્સરશિપ ડીલ દ્વારા જ 800 કરોડ રૂપિયા મળશે. જબરદસ્ત કમાણી છે, જે ટૂર્નામેન્ટના ઇતિહાસમાં એક સિઝનમાં સૌથી વધુ છે.

બીસીસીઆઈએ આ વર્ષે આઈપીએલના ટાઈટલ સ્પોન્સર બદલ્યા છે, જ્યારે કેટલાક નવા સ્પોન્સર પણ લીગ સાથે જોડાયેલા છે અને તેના કારણે બીસીસીઆઈનું બેંક એકાઉન્ટ પહેલા કરતા વધુ ભરાઈ રહ્યું છે. એક રિપોર્ટ અનુસાર, ટાટાના ટાઈટલ સ્પોન્સર બનવા ઉપરાંત, આ વખતે સ્પોન્સરશિપ હેઠળ લીગ માટે 9 મોટી બ્રાન્ડ્સ સંકળાયેલી છે, જે આ સિઝનમાં BCCIને 800 કરોડ રૂપિયા આપશે.

IPL ઈતિહાસમાં સૌથી વધુ કમાણી

મીડિયા રિપોર્ટ અનુસાર, ભારત સરકારની ઓનલાઈન પેમેન્ટ સર્વિસ સિસ્ટમ RuPay અને ફૂડ ડિલિવરી એપ Swiggy Instamart એ બોર્ડ સાથે મોટા એગ્રીમેન્ટ પર હસ્તાક્ષર કર્યા છે. આ અંતર્ગત રૂપેના 42 કરોડ અને સ્વિગીના 44 કરોડ BCCIને મળનારા છે.

Web Stories View more

ગરમીની ઋતુમાં મધ ખાવું જોઈએ કે નહીં? જાણો શું છે સત્ય

બ્લેક આઉટફિટમાં ભાભી 2 નો બોલ્ડ લુક વાયરલ, જુઓ તસવીર

અક્ષય તૃતીયા પર જો સોના-ચાંદીનું બજેટ ન હોય તો શુભ સમયે ખરીદો આ 5 સસ્તી વસ્તુઓ

કથાકાર જયા કિશોરીએ જણાવ્યું પરિવારનું 'ટોપ સિક્રેટ'

મેટ ગાલામાં આલિયા ભટ્ટનો જલવો, સબ્યસાચીની સાડીમાં લાગી હુશ્નની પરી, જુઓ-Photo

એક, બે, ત્રણ... ઉમેદવાર કેટલી બેઠકો પર ચૂંટણી લડી શકે?

બીસીસીઆઈના સચિવ જય શાહના નિવેદનને ટાંકીને એક મીડિયા અહેવાલમાં જણાવાયું છે કે, તે બ્રાન્ડ તરીકે આઈપીએલનું મૂલ્ય દર્શાવે છે. અમે આ નવી સ્પોન્સરશિપના આગમનને લઈને ખૂબ જ ઉત્સાહિત છીએ. હું આંકડાઓ પર ટિપ્પણી કરીશ નહીં, પરંતુ IPL 2022 માં અમે અત્યાર સુધીની સૌથી વધુ કમાણી કરનારા છીએ.

Tata, Rupay અને Swiggy ઉપરાંત, નવી સિઝનમાં અન્ય મુખ્ય પ્રાયોજકો એ જ કંપનીઓ છે જે છેલ્લા કેટલાક વર્ષોથી બોર્ડમાં રહી છે, જેમાં Dream XI, Paytm, CEAT, Unacademy જેવી મોટી કંપનીઓનો સમાવેશ થાય છે.

10 ટીમો, 74 મેચો

આ વખતે આઈપીએલ 10 ટીમો સાથે રમાઈ રહી છે. આ લીગમાં લખનૌ સુપર જાયન્ટ્સ અને ગુજરાત ટાઇટન્સના રૂપમાં બે નવી ટીમો જોડાઈ છે. આ કારણે ફોર્મેટમાં પણ ફેરફાર કરવામાં આવ્યો છે અને 10 ટીમોને 5-5 ના બે ગ્રુપમાં વહેંચવામાં આવી છે. આ વખતે ટૂર્નામેન્ટમાં ફાઈનલ સહિત કુલ 74 મેચો રમાશે. લીગ તબક્કાની 70 મેચો મુંબઈના ત્રણ સ્ટેડિયમ અને એક પુણેમાં રમાશે, જેની શરૂઆત 26 માર્ચે ડિફેન્ડિંગ ચેમ્પિયન ચેન્નાઈ સુપર કિંગ્સ અને ગત સિઝનની ફાઇનલિસ્ટ કોલકાતા નાઈટ રાઈડર્સ વચ્ચે ટક્કરથી થશે.