પંજાબ સુપર કિંગ્સ (Punjab Kings) અને રાજસ્થાન રોયલ્સ (Rajasthan Royals) વચ્ચે IPL 2021 ની 32 મી મેચ રમાઇ રહી છે. દુબઇ આંતરરાષ્ટ્રીય સ્ટેડિયમ પર રમાઇ રહેલી મેચમાં પંજાબના કેપ્ટન કેએલ રાહુલે (KL Rahul) ટોસ જીતીને પ્રથમ ફિલ્ડીંગ પસંદ કરી હતી. પંજાબની ટીમના ઓપનરોએ ટીમને સારી શરુઆત કરાવી હતી. બંને એ અર્ધશતકીય ભાગીદારી રમત રમી હતી. 20 ઓવરના અંતે રાજસ્થાનની ટીમ 185 રને ઓલઆઉટ થઇ હતી. અર્શદિપ સિંહે (Arshdeep Singh) શાનદાર 5 વિકેટ ઝડપી હતી.
સંજૂ સેમસન (Sanju Samson) ની આગેવાની ધરાવતી રાજસ્થાનની ટીમે સારી શરુઆત કરી હતી. તેના ઓપનરોએ પંજાબના બોલરોને પરેશાન કરી મુક્યા હતા. એવિન લેવિસ અને યશસ્વી જયસ્વાલે (Yashasvi Jaiswal) શાનદાર રમત સાથે ટીમની ઇનીંગને સારી શરુઆત અપાવી હતી. બંને વચ્ચે 54 રનની ભાગીદારી રમત રમાઇ હતી. છઠ્ઠી ઓવરમાં લેવિસ 21 બોલમાં 36 રન કરીને વિકેટ ગુમાવી બેઠો હતો. તેણે 7 ચોગ્ગા અને 1 છગ્ગો લગાવ્યો હતો. યશસ્વી જયસ્વાલ 1 રન માટે અર્ધશતક ચૂક્યો હતો. તેણે 2 સિક્સર અને 6 ચોગ્ગા સાથે 49 રનની ઇનીંગ 36 બોલનો સામનો કરીને રમી હતી.
કેપ્ટન સંજૂ સેમસન રમતમાં આવતા જ ઝડપ થી પેવેલિયન પરત ફર્યો હતો. તે 5 બોલમાં 4 રન બનાવીને આઉટ થયો હતો. લિયામ લિવિંગસ્ટોન ઇનફોર્મ બેટ્સમેન હોઇ તેની પાસે ટીમને અપેક્ષા હતી. તેણે જોકે 1 છગ્ગો અને 2 ચોગ્ગા સાથે 17 બોલમાં 25 રન કર્યા હતા.
રિયાન પરાગે 5 બોલમાં ચાર રન કર્યા હતા. મહિપાલ લોમરોર એ 17 બોલમાં 43 રનની ઝડપી ઇનીંગ રમી હતી. તેણે 4 છગ્ગા લગાવ્યા હતા. રાહુલ તેવટીયા 2 અને ક્રિસ મોરિસ 5 રન કરીને આઉટ થયા હતા. ચેતન સાકરિયાએ એક ચોગ્ગા સાથે 7 રન બનાવીને વિકેટ ગુમાવી હતી.
અર્શદિપ સિંહે રાજસ્થાન રોયલ્સની શરુઆતની એક્સ્પ્રેસ ગતીને આગળ વધતી અટકાવી દીધી હતી. તેણે તેની પ્રથમ 2 ઓવર દરમ્યાન જ 3 વિકેટ ઝડપી હતી. અર્શદિપ સિહે 5 વિકેટ ઝડપી હતી. ઝડપી અને અનુભવી બોલર મોહંમ્મદ શામીએ 3 વિકેટ મેળવી હતી. તેણે ખૂબ જ કસીને બોલીંગ કરી હતી. ઇશાન પોરેલ એક વિકેટ ઝડપી હતી. જ્યારે હરપ્રિત બ્રાર પણ એક વિકેટ ઝડપવામાં સફળ રહ્યો હતો. દિપક હુડ્ડા ખૂબ જ ખર્ચાળ રહ્યો હતો. તે વિકેટ મેળવી શક્યો નહોતો અને 18.50 ની ઇકોનોમી થી 2 ઓવરમાં 37 રન ગુમાવ્યા હતા.