IPL 2021 ના બાયોબબલમાં કોરોના સંક્રમણને લઇને ટૂર્નામેન્ટને સ્થગીત કરી દેવી પડી હતી. હવે ટૂર્નામેન્ટ BCCI ના નિર્ણયનુસાર ભારત બહાર એટલે કે, UAE માં રમાનાર છે. આગામી સપ્ટેમ્બર-ઓક્ટોબર માસ દરમ્યાન બાકીની મેચોને રમાડવાનુ આયોજન થઇ રહ્યુ છે. પરંતુ સૌથી મોટુ સંકટ વિદેશી ખેલાડીઓની ઉપસ્થીતીને લઇને છે.
પેટ કમિન્સ (Pat Cummins) પણ હવે IPL 2021 ની બાકીની સિઝનમાં જોવા મળે તેવી શક્યતા નથી. કલકત્તા નાઇટ રાઇડર્સ (Kolkata Knight Riders) ના મહત્વના ઝડપી બોલર કમિન્સને લઇ નિરાશા જનક સમાચાર છે. મીડિયા રિપોર્ટસે દાવો કર્યો છે કે, કમિન્સે પાછા નહી ફરવા માટે સ્પષ્ટ કરી દીધુ છે.
આઇપીએલ 2021 ની 29 મેચ રમાઇ હતી, ત્યાર બાદ ટૂર્નામેન્ટને સ્થગીત કરી દેવામાં આવી હતી. બાયોબબલમાં કોરોના વાયરસ પ્રવેશ કરવાને લઇને BCCI એ તુરત જ ટૂર્નામેન્ટ અટકાવી દીધી હતી. ટૂર્નામેન્ટમાં 31 મેચો હજુ રમવાની બાકી છે. ટુર્નામેન્ટમાં તમામ વિદેશી ખેલાડીઓ રમી રહ્યા હતા. પરંતુ હવે આંતરરાષ્ટ્રીય ક્રિકેટ ના વ્યસ્ત શિડ્યુઅલને લઇને વિદેશી ખેલાડીઓના રમવા પર મુશ્કેલી સર્જાઇ છે.
ઓસ્ટ્રીલીયન મીડિયા એ દાવો કર્યો છે કે, કલકત્તા નાઇટ રાઇડર્સ ના સ્ટાર બોલર IPL ના આગળના તબક્કામાં સામેલ નહી થઇ શકે. રિપોર્ટ મુજબ કેટલાક ખેલાડીઓને બાયોબબલના થાકને લઇને આરામ આપવામાં આવી શકે છે. જેમાં ડેવિડ વોર્નર અને પેટ કમિન્સ મુખ્ય મનાય છે. તેમને પારિવારીક કારણોને લઇ વેસ્ટઇન્ડીઝ પ્રવાસ થી આરામ આપી શકાય છે.
ઓસ્ટ્રેલીયાની ટીમ વેસ્ટઇન્ડીઝ અને બાંગ્લાદેશ નો પ્રવાસ ખેડશે. જ્યારે વર્ષના અંતમાં T20 વિશ્વકપ અને બાદમાં એશિઝ સિરીઝ પણ રમનાર છે. આમ ક્રિકેટ ઓસ્ટ્રે્લીયા પણ પોતાનો નિર્ણય જાહેર કરી શકે છે. ઉપરાંત ખેલાડીઓ પણ પોતાના રમવા અંગે નિર્ણય જાહેર કરી શકે છે. દરમ્યાન કમિન્સે પણ સ્પષ્ટતા કરી દીધી છે કે, તે IPL ની બાકીની મેચોમાં પરત નહી ફરે,
કલકત્તા નાઇટ રાઇડર્સ વતી IPL 2021 માં રમતા પેટ કમિન્સે (Pat Cummins) સિઝનમાં 9 વિકેટ ઝડપી હતી. કમિન્સની KKR વતી બીજી સિઝન છે. કલકત્તા એ કમિન્સને 2019ના ઓક્શન દરમ્યાન 15 કરોડના ખર્ચે ખરીદ કર્યો હતો. જે સમયે વિદેશી ખેલાડી તરીકે સૌથી મોંઘી રકમ હતી. આમ તે મોંઘા પ્લેયર તરીકે ચર્ચામાં રહ્યો હતો.
Published On - 6:25 pm, Sun, 30 May 21