India vs England Day 4 Match Report: બેયરિસ્ટો અને રુટની ઈનીંગે ઈંગ્લેન્ડની સ્થિતી મજબૂત કરી, એજબેસ્ટનની ટક્કર હાઈવોલ્ટેજ બની
IND Vs ENG 5th Test Match Report Today: એલેક્સ લીગ બાદ જો રૂટે પણ ચોથી ઇનિંગમાં અડધી સદી ફટકારી હતી. આ બંને વચ્ચે દોઢસો રનની ભાગીદારી રમત થઈ હતી.
ભારત અને ઈંગ્લેન્ડ (India vs England) વચ્ચે એજબેસ્ટન ખાતે રમાઈ રહેલી શ્રેણીની 5મી અને છેલ્લી ટેસ્ટ મેચ રોમાંચક મોડ પર પહોંચી ગઈ છે. ચોથા દિવસના ત્રીજા સેશનમાં ઈંગ્લેન્ડે જોરદાર જવાબ આપ્યો અને હવે મેચ હાઈ વોલ્ટેજ બની ગઈ છે. શ્રેણીમાં 2-1થી આગળ ચાલી રહેલી ટીમ ઈન્ડિયાને ઈતિહાસ રચવા માટે છેલ્લા દિવસે પૂરો જોર લગાવવો પડશે. ટીમ ઈન્ડિયાએ ચોથા દિવસે ઈંગ્લેન્ડને જીતવા માટે 378 રનનો ટાર્ગેટ આપ્યો હતો, જેના જવાબમાં દિવસની રમત પૂરી થઈ ત્યાં સુધીમાં ઈંગ્લેન્ડે 3 વિકેટના નુકસાન પર 259 રન બનાવી લીધા છે. એલેક્સ લીઝ, જેક ક્રોલીએ પહેલા ઈંગ્લેન્ડને મજબૂત શરૂઆત અપાવી હતી. ત્યારબાદ જો રૂટ (Joe Root) અને જોની બેરસ્ટો (Jonny Bairstow) ક્રિઝ પર સ્થિર થયા. જે જોડીને ભારતીય બોલરો દિવસના અંત સુધી તોડી શક્યા ન હતા.
ઇંગ્લિશ બેટ્સમેનોએ ચોથી ઇનિંગમાં મોટી ભાગીદારી કરી હતી
ચોથા દિવસે રૂટ 76 રન અને બેયરસ્ટો 72 રન બનાવીને અણનમ રહ્યા હતા. ઇંગ્લેન્ડને હવે અંતિમ દિવસે જીતવા માટે માત્ર 119 રનની જરૂર છે, જ્યારે ભારતે આપેલા 7 વિકેટે પીછો કરવા ઉતરેલી ઇંગ્લિશ ટીમે શાનદાર શરૂઆત કરી હતી. એલેક્સ લીસ અને જેક ક્રાઉલીએ 107 રનની ભાગીદારી કરી હતી. જસપ્રીત બુમરાહે આ ભાગીદારી તોડી અને ક્રાઉલીનો દાવ 46 રનમાં સમેટાઈ ગયો.
ચાના વિરામ બાદ ભારતીય બોલરોએ ઓલી પોપ અને લીગેને આઉટ કરીને ઈંગ્લેન્ડને 109 રનમાં 3 ઝટકા આપ્યા હતા. ટીમ પુનરાગમન કરી રહી હોય તેવું લાગતું હતું, પરંતુ પછી રૂટ અને બેયરસ્ટોએ હંગામો મચાવ્યો હતો. બંનેએ અડધી સદી ફટકારી છે. સ્ટમ્પ સુધી બંને બેટ્સમેનોએ સાથે મળીને ઈંગ્લેન્ડનો સ્કોર 109 થી 259 સુધી પહોંચાડ્યો હતો. ત્રીજા સેશનમાં ભારતીય બોલરો અસરકારક રહ્યા નહોતા. માત્ર બુમરાહને જ 2 સફળતા મળી છે. શમી, રવિન્દ્ર જાડેજા, મોહમ્મદ સિરાજ અને શાર્દુલ ઠાકુર ખાલી હાથ રહ્યા.
પૂજારા અને પંત સિવાય કોઈ બેટ્સમેન ના ચાલ્યો
ભારતે પહેલા બેટિંગ કરતા 416 રન બનાવ્યા હતા, જેના જવાબમાં ઈંગ્લેન્ડની ટીમ માત્ર 284 રન જ બનાવી શકી હતી અને ભારતને પ્રથમ દાવમાં મજબૂત લીડ મળી હતી, પરંતુ ટીમ ઈન્ડિયા બીજા દાવમાં 245 રન જ બનાવી શકી હતી અને ઈંગ્લેન્ડને 378 રનનો ટાર્ગેટ આપ્યો હતો. ચેતેશ્વર પૂજારાએ સૌથી વધુ 66 રન બનાવ્યા જ્યારે ઋષભ પંતે 57 રન બનાવ્યા.
પુજારા અને પંતે ચોથા દિવસે ભારતના સ્કોરને 125/3 સુધી પહોંચાડ્યો હતો. પુજારાએ ચોથા દિવસે 168 બોલમાં 66 રન બનાવ્યા હતા. બીજી તરફ પંતે ચોથા દિવસે પોતાની અડધી સદી પૂરી કરી હતી. આ બે સિવાય બીજા કોઈ બેટ્સમેન બીજા દાવમાં રન કરી શક્યા ન હતા. રવિન્દ્ર જાડેજા પણ માત્ર 23 રન જ બનાવી શક્યો હતો, જેણે પ્રથમ દાવમાં સદી ફટકારી હતી.
