IND vs SL: શ્રીલંકાના 25 વર્ષના ખેલાડીએ જે કર્યું, તે ક્રિકેટના ઈતિહાસમાં આજ સુધી કોઈ કરી શક્યું નથી
શ્રીલંકાના યુવા બેટ્સમેનના શાનદાર પ્રદર્શને કોલંબો ટેસ્ટને યાદગાર બનાવી દીધી હતી. ભારત સામેની આ મેચમાં તેણે બંને ઇનિંગમાં સદી ફટકારીને એક નહીં પરંતુ અનેક અનોખા રેકોર્ડ પોતાના નામે કર્યા હતા. તેની બેટિંગે શ્રીલંકાને મુશ્કેલીમાંથી બહાર કાઢી અને ટેસ્ટ ક્રિકેટના ઇતિહાસમાં એક એવું પાનું ઉમેર્યું, જે અગાઉ કોઈ ખેલાડી લખી શક્યો નહોતો.
શ્રીલંકાના બેટ્સમેન સોનલ દિનુષાએ ભારત સામે ઇતિહાસ રચ્યો. ડાબા હાથના બેટ્સમેનએ કોલંબો ટેસ્ટની બંને ઇનિંગ્સમાં સદી ફટકારી. સોનલ દિનુષાની સદીએ ન માત્ર શ્રીલંકાને હારતા અટકાવ્યું, પરંતુ તેણે એવું કંઈક હાંસલ કર્યું જે અન્ય કોઈ ક્રિકેટરે ક્યારેય હાંસલ કર્યું નથી. ચાલો તમને જણાવીએ કે સોનલ દિનુષાએ ભારત સામે કયો રેકોર્ડ બનાવ્યો છે.
સોનલ દિનુષાએ રચ્યો ઇતિહાસ
સોનલ દિનુષા ભારત સામે બંને ઇનિંગમાં સદી ફટકારનાર વિશ્વનો 12મો અને શ્રીલંકાનો ત્રીજો ખેલાડી બન્યો છે. પરંતુ વધુ મહત્ત્વની વાત એ છે કે, સોનલ વિશ્વનો પ્રથમ ખેલાડી બન્યો છે જેણે ભારત સામે છઠ્ઠા નંબર પર કે તેનાથી નીચેના ક્રમે બેટિંગ કરતી વખતે બંને ઇનિંગમાં સદી ફટકારી છે.
AN ABSOLUTE MASTERCLASS BY SONAL DINUSHA
What a legendary Test series performance against India! Sonal Dinusha put up mind-boggling numbers with absolute grit and perfection
• Innings: 4 • Runs: 420 • Balls Faced: 722 • Highest Score: 133* • 100s/50s: 3/1
420… pic.twitter.com/Tzi59vuz6M
— CricInformer (@CricInformer) August 27, 2026
ફોલો-ઓન ટેસ્ટની બંને ઇનિંગ્સમાં સદીઓ
સોનલ દિનુશા ફોલો-ઓન થયેલી ટેસ્ટ મેચની બંને ઇનિંગમાં સદી ફટકારનાર પ્રથમ શ્રીલંકન ક્રિકેટર બન્યો છે. 25 વર્ષમાં આ પહેલી વાર છે જ્યારે કોઈ બેટ્સમેને આ સિદ્ધિ મેળવી છે. એન્ડી ફ્લાવરે 2001 માં અને વિજય હજારેએ 1948 માં આ સિદ્ધિ મેળવી હતી.
Three Tons. Two Tests. One Rising Star.
Sonal Dinusha joins an elite group of Sri Lankan batters after smashing three centuries in a two-match Test series!
A special achievement from a star on the rise! #SonalDinusha #SriLankaCricket #TestCricket #SLvIND pic.twitter.com/KjRLr7GUh7
— SportsTiger (@The_SportsTiger) August 27, 2026
નીચેના ક્રમે બેટિંગ કરતા ચાર ઇનિંગમાં ત્રણ સદી
સોનલ દિનુશા વિશ્વનો પહેલો ખેલાડી છે જેણે છઠ્ઠા કે તેથી નીચેના ક્રમે બેટિંગ કરતી વખતે ટેસ્ટ શ્રેણીમાં માત્ર ચાર ઇનિંગમાં ત્રણ સદી ફટકારી છે. ઇયાન બેલે પણ 2006 માં આ સિદ્ધિ મેળવી હતી, પરંતુ તેણે સાત ઇનિંગ્સમાં ત્રણ સદી ફટકારી હતી.
ચાર ઇનિંગમાં પચાસથી વધુનો સ્કોર
આ ટેસ્ટ શ્રેણીમાં સોનલ દિનુષાએ અસાધારણ રીતે સારું પ્રદર્શન કર્યું. તેણે ગેલ ટેસ્ટની પહેલી ઇનિંગમાં 100 રન બનાવ્યા. તે જ મેચની બીજી ઇનિંગમાં સોનલે 84 રન બનાવ્યા. કોલંબો ટેસ્ટમાં, સોનલે પહેલી ઇનિંગમાં 103 રન બનાવ્યા અને બીજી ઇનિંગમાં સદી પણ ફટકારી હતી.
IND vs SL: કોલંબો ટેસ્ટ ડ્રો થતાં ટીમ ઈન્ડિયાને મોટું નુકસાન, હવે WTC ફાઇનલમાં પહોંચવા શું કરવું પડશે?
