શ્રીલંકાના સોનલ દિનુષાએ શ્રેણીમાં સૌથી વધુ રન બનાવ્યા, સૌથી વધુ સદી ફટકારી, અનેક રેકોર્ડ તોડ્યા અને પોતાની ટીમને હારથી બચાવી, છતાં તેને પ્લેયર ઓફ ધ સિરીઝનો એવોર્ડ ના મળ્યો. આ એવોર્ડ ભારતીય બેટ્સમેન દેવદત્ત પડિકલને આપવામાં આવ્યો હતો, જેણે ટેસ્ટ શ્રેણીમાં શાનદાર બેટિંગ કરી હતી, પરંતુ સદીઓ અને રનની બાબતમાં સોનલ દિનુષાથી પાછળ રહી હતો છતાં તેને એવોર્ડ મળ્યો. હવે પ્રશ્ન એ છે કે દિનુષાને આ એવોર્ડ કેમ ન મળ્યો?

સોનલ દિનુષા-પડિકલ વચ્ચે મોટો તફાવત

સોનલ દિનુષાએ બંને ટેસ્ટ મેચમાં અસાધારણ રીતે સારું પ્રદર્શન કર્યું હતું. દેવદત્ત પડિકલે પણ દમદાર બેટિંગ કરી હતી. જોકે, બેટિંગ પ્રદર્શનની દ્રષ્ટિએ દિનુષા પડિકલે કરતા ઘણો આગળ થયો હતો. સોનલ દિનુષાએ બે મેચમાં 140 ની સરેરાશથી 420 રન બનાવ્યા હતા. ગેલ ટેસ્ટની પહેલી ઇનિંગમાં તેણે 100 રન બનાવ્યા હતા. તે જ મેચની બીજી ઇનિંગમાં દિનુષાએ 84 રન બનાવ્યા હતા. કોલંબો ટેસ્ટમાં સોનલ દિનુષાએ પહેલી ઇનિંગમાં 103 રન બનાવ્યા અને બીજી ઇનિંગમાં સદી પણ ફટકારી હતી. એટલું જ નહીં, દિનુષાએ શ્રેણીમાં સૌથી વધુ 8 સિક્સર પણ ફટકારી, અને શ્રેણીમાં શ્રેષ્ઠ સરેરાશ પણ તેની જ હતી.

પ્લેયર ઓફ ધ સિરીઝ જીતવાનો હકદાર હતો

બીજી તરફ, દેવદત્ત પડિકલે બે મેચમાં 328 રન બનાવ્યા હતા. તેણે ગાલે અને કોલંબોમાં સદી ફટકારી હતી. જોકે તેને ફક્ત ત્રણ ઇનિંગ રમવાની તક મળી, પરંતુ સોનલ દિનુષાએ તેના કરતા સારું પ્રદર્શન કર્યું હતું. મહત્વની વાત એ છે કે સોનલ દિનુષાએ આ રન ત્યારે બનાવ્યા જ્યારે તેની ટીમ પહેલાથી જ એક ટેસ્ટ હારી ગઈ હતી. વધુમાં બીજી ટેસ્ટમાં તેની ટીમને ફોલોઓન થવાની ફરજ પડી હતી અને તેને સદી ફટકારી હતી. તે પ્લેયર ઓફ ધ સિરીઝ એવોર્ડ જીતવાનો હકદાર હતો.

સોનલ દિનુષાના રેકોર્ડ્સ

કોલંબો ટેસ્ટની બંને ઇનિંગમાં સદી ફટકારીને સોનલ દિનુષાએ અનેક રેકોર્ડ બનાવ્યા હતા. સોનલ દિનુશા વિશ્વનો પહેલો ખેલાડી છે જેણે ટેસ્ટ શ્રેણીમાં નંબર 6 અથવા તેનાથી નીચેના ક્રમે બેટિંગ કરતા ચાર ઇનિંગમાં ત્રણ સદી ફટકારી છે. સોનલ દિનુશા શ્રીલંકાનો પહેલો ક્રિકેટર છે જેણે ફોલો-ઓન ટેસ્ટ મેચમાં બંને ઇનિંગમાં સદી ફટકારી છે. સોનલ વિશ્વનો પહેલો ખેલાડી છે જેણે ભારત સામે નંબર 6 અથવા તેનાથી નીચેના ક્રમે બેટિંગ કરતી વખતે બંને ઇનિંગમાં સદી ફટકારી છે.

IND vs SL: શ્રીલંકાના 25 વર્ષના ખેલાડીએ જે કર્યું, તે ક્રિકેટના ઈતિહાસમાં આજ સુધી કોઈ કરી શક્યું નથી