ભારતે (Team India) ચોથી T20 મેચમાં મુલાકાતી ટીમ દક્ષિણ આફ્રિકા (Cricket South Africa) ને 82 રને હરાવીને પાંચ મેચોની શ્રેણી 2-2 થી બરાબર કરી લીધી છે. ટોસ હાર્યા બાદ પ્રથમ બેટિંગ કરતા ભારતે મુલાકાતી ટીમને 170 રનનો ટાર્ગેટ આપ્યો હતો. જેના જવાબમાં દક્ષિણ આફ્રિકાની ટીમ 16.5 ઓવરમાં 87 રનમાં સમેટાઈ ગઈ હતી. બોલર અવેશ ખાન (Avesh Khan) એ 18 રનમાં 4 વિકેટ લઈને મુલાકાતી ટીમની કમર તોડી નાખી હતી. અવેશે માત્ર વિકેટો જ નથી લીધી પરંતુ તેના ભયાનક બોલથી દક્ષિણ આફ્રિકાના બેટ્સમેનોને ડરાવ્યા પણ છે. તેણે એક ઓવરમાં તેના બોલથી માર્કો જોન્સનને ડરાવ્યો અને પછીના બોલ પર તેનો શિકાર કર્યો.
બીજા દાવની લગભગ 14મી ઓવર હતી. અવેશ ખાન (Avesh Khan) ના બોલ પર બેટ્સમેન જોન્સનના માથામાં ગંભીર ઝટકો લાગ્યો હતો. અવેશે બાઉન્સર ફેંક્યો. જેને જોહ્ન્સન બોલને પુલ કરવાનો પ્રયાસ કરી રહ્યો હતો પરંતુ તે ચૂકી ગયો. અવેશે આ ઓવરમાં 3 વિકેટ ઝડપી હતી. જોન્સનના હેલ્મેટ પર બોલ જોરથી અથડાયો હતો. જેના કારણે તે હચમચી ગયો હતો. દક્ષિણ આફ્રિકાના ફિઝિયોને ફરી એકવાર મેદાનમાં આવવું પડ્યું. અગાઉ ફિઝિયો કેપ્ટન ટેમ્બા બાવુમા (Temba Bavuma) ની તપાસ કરવા મેદાનમાં આવ્યા હતા.
A fine catch by @Ruutu1331 as @Avesh_6 picks his third wicket. 👌 👌
Marco Jansen departs as South Africa lose their sixth wicket.
Follow the match ▶️ https://t.co/9Mx4DQmACq #TeamIndia | #INDvSA | @Paytm pic.twitter.com/CiQEOLqLYl
— BCCI (@BCCI) June 17, 2022
ઈજાના કારણે સુકાની ટેમ્બા બાવુમાને નિવૃત્તિ લેવાની ફરજ પડી હતી. જોન્સનને જોવા માટે ભારતીય ખેલાડીઓ પણ આસપાસ આવ્યા હતા. અવેશ ખાનના બાઉન્સર બાદ જોન્સનની તપાસ બાદ તે ફરીથી બેટિંગ કરવા માટે ઉભો થયો હતો. પરંતુ ત્યાર બાદ તે મેદાન પર ટકી શક્યો ન હતો અને બાઉન્ડ્રી પર મોટો શોટ રમવાનો પ્રયાસ કરતા બીજા જ બોલ પર આઉટ થઈ ગયો. ઋતુરાજ ગાયકવાડે તેનો કેચ મિડ-વિકેટ પર લીધો હતો. જોન્સને 17 બોલમાં 12 રન બનાવ્યા હતા. અવેશે 14મી ઓવરમાં રાસી વાન ડેર ડુસેન, માર્કો જેન્સેન અને કેશવ મહારાજને પોતાનો શિકાર બનાવ્યો હતો. આ પહેલા ભારતીય બોલરે છઠ્ઠી ઓવરમાં ડ્વેન પ્રિટોરિયસને પેવેલિયન મોકલી દીધો હતો.