IND vs ENG : કેટલું ખરાબ નસીબ ! શુભમન ગિલ પણ ફસાયો, ભારતીય કેપ્ટન સાથે સતત 14 વાર આવું બન્યું
ભારતીય ટીમના કેપ્ટન શુભમન ગિલ માન્ચેસ્ટરના ઓલ્ડ ટ્રેફોર્ડ સ્ટેડિયમ ખાતે ચોથી ટેસ્ટ મેચનો ટોસ હારી ગયો. આ શ્રેણીમાં અત્યાર સુધીમાં ચાર ટેસ્ટ મેચ રમાઈ છે અને શુભમન ગિલ ચારેયમાં ટોસ હર્યો છે. આ સાથે, ટીમ ઈન્ડિયા મેન્સ ઈન્ટરનેશનલ ક્રિકેટમાં સતત 14 ટોસ હાર્યું છે.
માન્ચેસ્ટરમાં ભારત સામે ઈંગ્લેન્ડે ટોસ જીતીને બોલિંગ કરવાનો નિર્ણય લીધો હતો. આ મેચમાં ટોસ જીતવો બંને ટીમો માટે મહત્વપૂર્ણ હતો કારણ કે રમતના તમામ 5 દિવસ વરસાદની સંભાવના છે. આ મેચમાં ભારતીય કેપ્ટન શુભમન ગિલ ફરી ટોસ જીતી શક્યો નહીં. ટીમ ઈન્ડિયા આ ટેસ્ટ શ્રેણીમાં અત્યાર સુધી એક પણ ટોસ જીતી શકી નથી. શુભમન ગિલનો ટોસનો કોલ ચારેય ટેસ્ટમાં ખોટો સાબિત થયો છે. એટલું જ નહીં, ભારતે છેલ્લે જાન્યુઆરી 2025માં ઈંગ્લેન્ડ સામે T20 મેચમાં આંતરરાષ્ટ્રીય ક્રિકેટમાં ટોસ જીત્યો હતો.
ભારત સતત 14 ટોસ હારી હાર્યું
ટીમ ઈન્ડિયા પુરુષોની આંતરરાષ્ટ્રીય મેચોમાં સતત 14 વખત ટોસ હારી ગઈ છે. તેઓએ છેલ્લે જાન્યુઆરી 2025માં ઈંગ્લેન્ડ સામેની T20 મેચમાં ટોસ જીત્યો હતો. ઈંગ્લેન્ડે જાન્યુઆરી-ફેબ્રુઆરીમાં ત્રણ મેચની વનડે અને પાંચ મેચની T20 શ્રેણી માટે ભારતનો પ્રવાસ કર્યો હતો. ટીમ ઈન્ડિયાએ આ T20 શ્રેણીની ત્રીજી મેચમાં ટોસ જીત્યો હતો. આ પછી, ઈંગ્લેન્ડે બાકીની બે T20 અને ત્રણ વનડે મેચમાં ટોસ જીત્યો હતો.
ગિલ ચાર ટેસ્ટમાં ટોસ હાર્યો
આ પછી, ટીમ ઈન્ડિયા ચેમ્પિયન્સ ટ્રોફી 2025ની બધી મેચોમાં ટોસ હાર્યું હતું. એટલું જ નહીં, ટીમ ઈન્ડિયાએ અત્યાર સુધી ઈંગ્લેન્ડ સામે ચાર ટેસ્ટ મેચમાં એકમાં પણ ટોસ જીત્યો નથી. ટોસ અંગે ટીમ ઈન્ડિયાનું નસીબ ખૂબ જ ખરાબ છે. ઈંગ્લેન્ડ ટેસ્ટ શ્રેણીમાં ટોસ ન જીતવું ટીમ ઈન્ડિયા માટે મોંઘુ સાબિત થયું છે.
ઈંગ્લેન્ડ ટેસ્ટ શ્રેણીમાં 2-1થી આગળ
હકીકતમાં, આ બંને ટીમો વચ્ચે રમાયેલી પહેલી ટેસ્ટ મેચ ઈંગ્લેન્ડે જીતી હતી જ્યારે બીજી ટેસ્ટ મેચ ભારતે જીતી હતી. લોર્ડ્સમાં રમાયેલી ત્રીજી ટેસ્ટ મેચમાં પણ ઈંગ્લેન્ડે ભારતને હરાવ્યું હતું. આ ટેસ્ટ શ્રેણીમાં ટકી રહેવા માટે ટીમ ઈન્ડિયાને માન્ચેસ્ટર ટેસ્ટ જીતવી જ પડશે. હાલમાં, ઈંગ્લેન્ડ 5 મેચની ટેસ્ટ શ્રેણીમાં 2-1થી આગળ છે.
આ પણ વાંચો: ICC rule book EP 3 : ICC રૂલબુક અનુસાર ક્રિકેટનો ત્રીજો નિયમ શું છે?
