IND vs ENG: એજબેસ્ટન ટેસ્ટ દરમિયાન મેદાનમાં ઘુસી આવ્યો અજાણ્યો શખ્શ, થોડીક વાર મેચ રોકી દેવી પડી હતી, જુઓ VIDEO

ભારત અને ઈંગ્લેન્ડ (India vs England) વચ્ચે પટૌડી સિરીઝ (Pataudi Series) ની 5મી ટેસ્ટ મેચ એજબેસ્ટન ખાતે રમાઈ રહી છે. આ ટેસ્ટ મેચ દરમિયાન મેદાનમાં અજાણ્યા વ્યક્તિની ઘૂસણખોરીથી ખળભળાટ મચી ગયો હતો. આવું ક્યારે થયું તે જણાવતા પહેલા તમને જણાવી દઈએ કે ભારતીય ટીમ અત્યારે એજબેસ્ટન ટેસ્ટ (Edgbaston Test) માં ફ્રન્ટ ફૂટ પર છે. તે યજમાન ઈંગ્લેન્ડ સામે મજબૂત સ્થિતિમાં છે. પરંતુ, ભારતના મેચ પર ગાળીયો કસવા કરતા પહેલા, એક ઘુસણખોરની એન્ટ્રી થઈ, જેના કારણે રમતને થોડા સમય માટે રોકવી પડી. સ્ટેડિયમમાં હાજર સુરક્ષાકર્મીઓએ ઘૂસણખોરને મેદાનની બહાર ફેંકી દીધો ત્યાર બાદ રમત ફરી શરૂ થઈ હતી.

હવે તમે વિચારતા જ હશો કે આવું ક્યારે બન્યું. તો તમને જણાવી દઈએ કે આ ઘટના ટેસ્ટ મેચના પહેલા દિવસની રમતમાં બની હતી. એટલે કે જ્યારે ભારતની ટીમ બેટિંગ કરી રહી હતી અને ઈંગ્લેન્ડ બોલિંગ કરી રહ્યું હતું. તે જ સમયે, પ્રથમ દિવસની રમતમાં બીજું સત્ર ચાલી રહ્યું હતું.

પ્રથમ દિવસની રમતમાં જ મેદાનમાં ‘ઘૂસણખોરી’

શ્રેયસ અય્યરની વિકેટ પડ્યા બાદ તે અજાણ્યો વ્યક્તિ અચાનક મેદાનમાં આવ્યો હતો. તે પીચની નજીક પહોંચી ગયો હતો, ત્યારબાદ રમત થોડીવાર માટે રોકી દેવામાં આવી હતી. મેચ ત્યારે શરૂ થઈ જ્યારે સુરક્ષાકર્મીઓએ ઘુસણખોરને પકડીને મેદાનની બહાર ફેંકી દીધો. આ ઘટનાના ફોટા સોશિયલ મીડિયા પર વાયરલ થયા હતા, જેણે લોકોને ફરી એકવાર જાર્વોની યાદ અપાવી હતી.

ગયા વર્ષે જાર્વો નામના ઘુસણખોરે ચર્ચા બનાવી હતી.

તમને જણાવી દઈએ કે ગયા વર્ષે જ્યારે ભારતીય ટીમ ઈંગ્લેન્ડના પ્રવાસે ગઈ હતી, ત્યારે લીડ્ઝમાં રમાયેલી ટેસ્ટ મેચ દરમિયાન જાર્વો નામના એક ઘુસણખોરે ઘણી ચર્ચા બનાવી હતી. આ ઘટના ત્રીજા દિવસની રમત સાથે સંબંધિત હતી, જેના પછી તે વ્યક્તિને મેદાનની બહાર કરી દેવામાં આવ્યો હતો. તે ઘુસણખોર સાથે સંબંધિત આ બીજો મામલો હતો, કારણ કે આ પહેલા તે લોર્ડ્સમાં રમાયેલી બીજી ટેસ્ટમાં મેદાનમાં ઘૂસણખોરી કરી ચૂક્યો હતો.

જો કે, લીડ્ઝની ઘટના બાદ પોલીસ દ્વારા જાર્વોની ધરપકડ કરવામાં આવી હોવાનું જાણવા મળ્યું હતું. આ સિવાય યોર્કશાયર કાઉન્ટીએ તેના પર આજીવન પ્રતિબંધ મૂક્યો હતો. તે જ સમયે, ECB દ્વારા તેના પર કોઈ મોટી કાર્યવાહી કરવામાં આવી ન હતી. ત્યારે ઘણા ક્રિકેટ દિગ્ગજોએ તેને સુરક્ષામાં ભંગ ગણાવીને પ્રશ્નો ઉઠાવ્યા હતા.