IND vs BAN: રિષભ પંત જેની ટૂંકી હાઈટની ઉડાવી રહ્યો હતો મજાક, તે ખેલાડીએ ફટકારી લડાયક સદી
કાનપુરમાં ભારત અને બાંગ્લાદેશ વચ્ચે ચાલી રહેલી બીજી ટેસ્ટ મેચમાં મોમિનુલ હકે સદી ફટકારી હતી. ટેસ્ટ ક્રિકેટમાં મોમિનુલ હકની આ 13મી સદી છે. આ સદી પહેલા ભારતીય વિકેટકીપર રિષભ પંતે મોમિનુલ હકની હાઈટની મજાક ઉડાવી હતી, છતાં તેણે પોતાનું ધ્યાન બેટિંગ પર જ કેન્દ્રિત કર્યું અને અંતે સદી પણ પૂરી કરી.
કાનપુર ટેસ્ટમાં બાંગ્લાદેશના ડાબોડી બેટ્સમેન મોમિનુલ હકે પોતાની બેટિંગથી બાંગ્લાદેશી ચાહકોના દિલ જીતી લીધા હતા. આ ડાબા હાથના બેટ્સમેને કાનપુર ટેસ્ટની પ્રથમ ઈનિંગમાં શાનદાર સદી ફટકારી હતી. મોમિનુલે ભારતની મજબૂત બોલિંગનો સામનો કર્યો અને સદી ફટકારી. મોમિનુલે તેની ટેસ્ટ કારકિર્દીમાં 13મી વખત સદી ફટકારવાની સિદ્ધિ હાંસલ કરી હતી. તમને જણાવી દઈએ કે કાનપુર ટેસ્ટમાં રિષભ પંત આ ખેલાડીની ઊંચાઈની મજાક ઉડાવી રહ્યો હતો પરંતુ આ ખેલાડીએ પોતાની દમદાર બેટિંગથી બધાના દિલ જીતી લીધા હતા.
પંતે મોમિનુલની ઊંચાઈની મજાક ઉડાવી
મોમિનુલ હકની ઊંચાઈ માત્ર 5 ફૂટ 2 ઈંચ છે. કાનપુર ટેસ્ટના પહેલા દિવસે અશ્વિનના બોલને સ્વીપ કરતી વખતે બોલ મોમિનુલના હેલ્મેટ સાથે અથડાયો હતો. આ પછી પંતે વિકેટની પાછળથી કહ્યું કે હેલ્મેટ પર બોલ મારવાથી પણ LBW લેવામાં આવી શકે છે. જો કે પંતે મોમિનુલનું ધ્યાન ભટકાવવા માટે આવું કહ્યું હતું, પરંતુ આ ડાબોડી બેટ્સમેન વિકેટ પરત ટકી રહ્યો અને આ ખેલાડીએ ભારત સામે પ્રથમ વખત ટેસ્ટ સદી ફટકારી.
A masterclass performance
Mominul Haque smashes a brilliant century in Kanpur, bringing up his 13th century in Test cricket#BCB #Cricket #INDvBAN #WTC25 pic.twitter.com/DqsWq25br9— Bangladesh Cricket (@BCBtigers) September 30, 2024
મોમિનુલ હકે સદી ફટકારી
બાંગ્લાદેશે 26ના સ્કોર પર ઓપનર ઝાકિર હસનને ગુમાવ્યો ત્યારે મોમિનુલ હક ક્રિઝ પર આવ્યો હતો. આ પછી, મોમિનુલે 3 નંબર પર બેટિંગ કરતી વખતે અદ્ભુત ધીરજ બતાવી. તેણે ખાસ કરીને અશ્વિનનો શાનદાર સ્ટાઈલમાં સામનો કર્યો. મોમિનુલ ચેન્નાઈ ટેસ્ટમાં અશ્વિનને લઈને ઘણી મુશ્કેલીનો સામનો કરી રહ્યો હતો, પરંતુ કાનપુરમાં સ્થિતિ અલગ જ દેખાઈ રહી હતી. મોમિનુલે તેની અડધી સદી માટે 110 બોલ લીધા અને આગામી 62 બોલમાં તેની સદી પૂરી કરી. મોમિનુલે પોતાની ઈનિંગમાં એક સિક્સર અને 16 ફોર ફટકારી હતી. લંચ સુધી મોમિનુલ 102 રન બનાવીને અણનમ રહ્યો હતો.
Rishabh Pant when Mominul was batting:
“Helmet se ek LBW le sakta hain bhai tu (you can take LBW from his helmet)”. pic.twitter.com/ghPBaJIbiw
— Mufaddal Vohra (@mufaddal_vohra) September 30, 2024
મોમિનુલ નસીબદાર રહ્યો
મોમિનુલ હકે સદી ફટકારી હતી પરંતુ આ દરમિયાન નસીબે પણ તેનો સાથ આપ્યો હતો. મોમિનુલ હક 93ના સ્કોર પર રમી રહ્યો હતો ત્યારે અશ્વિનના બોલ પર રિષભ પંતે તેનો કેચ છોડ્યો હતો. આ પછી જ્યારે મોમિનુલ 95 રન પર હતો ત્યારે સિરાજના બોલ પર વિરાટ કોહલીએ તેનો કેચ છોડ્યો હતો. જોકે, સ્લિપમાં આ કેચ ઘણો મુશ્કેલ હતો.
હકની આ સદી ખાસ છે
મોમિનુલ હકની આ સદી એટલા માટે પણ ખાસ છે કારણ કે છેલ્લા 20 વર્ષમાં પહેલીવાર કોઈ વિદેશી બેટ્સમેને કાનપુરમાં સદી ફટકારી છે. આ પહેલા વર્ષ 2004માં એન્ડ્રુ હોલે કાનપુરમાં ટેસ્ટ સદી ફટકારી હતી. અને છેલ્લા 40 વર્ષમાં કાનપુરમાં માત્ર બે બેટ્સમેનોએ ટેસ્ટ સદી ફટકારી છે, જેમાં મોમિનુલ હકનું નામ પણ સામેલ છે.
આ પણ વાંચો: IND vs BAN: આ બોલરે વિરાટના બેટથી ફટકારી 2 શાનદાર સિક્સર, કોહલી-રોહિત-ગંભીર ચોંકી ગયા, જુઓ Video
Published On - 8:27 pm, Mon, 30 September 24
