IND v AUS: ભારત-ઓસ્ટ્રેલિયા સિરીઝ પહેલા મોટો આંચકો, સ્ટાર ખેલાડી થયો ઈજાગ્રસ્ત
ભારત અને ઓસ્ટ્રેલિયાની ટીમો વચ્ચે રમાનારી બોર્ડર ગાવસ્કર ટ્રોફી પહેલા એક સ્ટાર ખેલાડી ઈજાગ્રસ્ત થયો છે. આ ખેલાડી બિનસત્તાવાર ટેસ્ટ દરમિયાન ઈજાગ્રસ્ત થયો હતો. આ ઈજાને કારણે આ ખેલાડી ભારત A અને ઓસ્ટ્રેલિયા A વચ્ચે રમાઈ રહેલી મેચમાં વધુ ભાગ લઈ શકશે નહીં.
ભારત અને ઓસ્ટ્રેલિયા વચ્ચે 5 મેચની ટેસ્ટ શ્રેણી 22 નવેમ્બરથી શરૂ થશે. આ પહેલા ભારત A અને ઓસ્ટ્રેલિયા A ની ટીમો વચ્ચે બે ચાર દિવસીય મેચ રમાઈ રહી છે. બંને ટીમો વચ્ચે બીજી ચાર દિવસીય મેચ 7 નવેમ્બરથી મેલબોર્નમાં શરૂ થઈ રહી છે. આ મેચનો પ્રથમ દિવસ ઓસ્ટ્રેલિયન ટીમના નામે રહ્યો હતો. પ્રથમ બેટિંગ કરતા ભારત A ટીમ 57.1 ઓવરમાં 161 રન બનાવી આઉટ થઈ ગઈ હતી. સ્ટમ્પના સમયે ઓસ્ટ્રેલિયા A એ જવાબમાં બે વિકેટે 53 રન બનાવી લીધા હતા. આ બધા વચ્ચે એક ખરાબ સમાચાર સામે આવ્યા છે. સ્ટાર ખેલાડી ઈજાના કારણે આ મેચમાંથી બહાર થયો છે.
ઓસ્ટ્રેલિયાને મોટો ફટકો
આ મેચની વચ્ચે ઓસ્ટ્રેલિયાની ટેસ્ટ બોલિંગને મોટો ફટકો પડ્યો છે, ફાસ્ટ બોલર માઈકલ નેસર હેમસ્ટ્રિંગની ઈજાને કારણે MCG ખાતે ઓસ્ટ્રેલિયા A સાથે રમાઈ રહેલી મેચમાંથી બહાર થઈ ગયો છે. માઈકલ નેસર આ મેચની પ્રથમ ઈનિંગમાં ઓસ્ટ્રેલિયાનો સૌથી સફળ બોલર રહ્યો હતો. પરંતુ હવે તે મેચમાં વધુ બોલિંગ કરી શકશે નહીં. પ્રથમ દાવમાં તેણે શાનદાર સ્વિંગ અને સીમ બોલિંગ વડે 27 રનમાં 4 વિકેટ ઝડપી હતી. આ સમય દરમિયાન, નેસર તેની 13મી ઓવર ફેંકી રહ્યો હતો, જ્યારે ઓવરના બીજા બોલ પર તેની તબિયત અચાનક બગડી ગઈ. જે બાદ તે તરત જ લંગડાતા મેદાનની બહાર નીકળી ગયો હતો.
નેસરને ડાબા હાથની હેમસ્ટ્રિંગમાં ઈજા
થોડા સમય બાદ ક્રિકેટ ઓસ્ટ્રેલિયાના પ્રવક્તાએ પુષ્ટિ કરી હતી કે નેસરને ડાબા હાથની હેમસ્ટ્રિંગમાં ઈજા થઈ છે અને તે મેચમાં ફરીથી બોલિંગ કરી શકશે નહીં. ઈજાની ગંભીરતાનું મૂલ્યાંકન કરવા માટે તે સ્કેન માટે જશે. એવું માનવામાં આવે છે કે 23 ઓક્ટોબરે રમાયેલી છેલ્લી શેફિલ્ડ શીલ્ડની રમત બાદ નેસરને એ જ ડાબા હાથની હેમસ્ટ્રિંગમાં થોડો દુખાવો થયો હતો, જ્યારે તેણે દક્ષિણ ઓસ્ટ્રેલિયા સામે ક્વીન્સલેન્ડ માટે 48.5 ઓવર ફેંકી હતી. જે બાદ તેને વન-ડે કપ મેચમાંથી પણ બહાર થવું પડ્યું હતું.
Michael Neser, who dismissed India A’s top-order with a four-for at the MCG, has been ruled out of the remainder of the game due to a hamstring injuryhttps://t.co/rfQJ2cAmdE #AUSvIND #AUSAvINDA pic.twitter.com/YWeeapYOen
— ESPNcricinfo (@ESPNcricinfo) November 7, 2024
ઓસ્ટ્રેલિયન ટીમનું ટેન્શન વધી ગયું
પર્થમાં ભારત સામેની પ્રથમ ટેસ્ટ માટે ઓસ્ટ્રેલિયાની ટેસ્ટ ટીમમાં તેનો સમાવેશ કરવામાં આવે તેવી શક્યતા ઓછી હતી, કારણ કે 13 સભ્યોની ટીમમાં સ્કોટ બોલેન્ડ એકમાત્ર બેકઅપ ખેલાડી હોઈ શકે છે. પરંતુ એવી અપેક્ષા રાખવામાં આવી રહી હતી કે શ્રેણી દરમિયાન નેસરની જરૂર પડી શકે છે, આવી સ્થિતિમાં માઈકલ નેસરની ઈજા ઓસ્ટ્રેલિયન ટીમ માટે મોટો ઝટકો છે. 34 વર્ષીય માઈકલ નેસરે ઓસ્ટ્રેલિયા માટે અત્યાર સુધી 4 વનડેમાં 3 વિકેટ અને 2 ટેસ્ટ મેચમાં 7 વિકેટ ઝડપી છે.
આ પણ વાંચો: IND v AUS: ઓસ્ટ્રેલિયામાં આ ખેલાડીએ બચાવ્યું ટીમ ઈન્ડિયાનું સન્માન, વિરાટ કોહલીની સાથે થઈ સરખામણી
