સચિન-ગાંગુલી સામે પિતાએ સદી ફટકારી, હવે પુત્રને ટીમમાં મળ્યું સ્થાન, ટૂંક સમયમાં ડેબ્યૂ કરશે

બાંગ્લાદેશ સામેની પાંચ મેચની T20 શ્રેણી માટે ઝિમ્બાબ્વેની ટીમની જાહેરાત કરવામાં આવી છે અને આ ટીમમાં એક ખૂબ જ ખાસ ખેલાડીને સ્થાન મળ્યું છે. આ ખેલાડી છે જોનાથન કેમ્પબેલ, જે ઝિમ્બાબ્વેના પૂર્વ ક્રિકેટર એલિસ્ટર કેમ્પબેલનો પુત્ર છે. તમને જણાવી દઈએ કે બાંગ્લાદેશ અને ઝિમ્બાબ્વે વચ્ચે 3 મેથી ટેસ્ટ શ્રેણી શરૂ થશે અને શક્ય છે કે એલિસ્ટર કેમ્પબેલના પુત્રને આ શ્રેણીમાં ડેબ્યૂ કરવાની તક મળી શકે છે. આની શક્યતા ઘણી વધારે છે કારણ કે તે એક ઉત્તમ ઓલરાઉન્ડર માનવામાં આવે છે.

જોનાથન કેમ્પબેલ કોણ છે?

જોનાથન કેમ્પબેલ લેગ સ્પિન બોલિંગ ઓલરાઉન્ડર છે જેણે તાજેતરમાં 13મી આફ્રિકન ગેમ્સમાં શાનદાર પ્રદર્શન કર્યું હતું. એલિસ્ટર કેમ્પબેલના પુત્ર જ્હોનની ટીમે આમાં ગોલ્ડ મેડલ જીત્યો હતો અને આ ખેલાડીએ 4 ઈનિંગ્સમાં 115 રન બનાવ્યા હતા. જોનાથન કેમ્પબેલનો સ્ટ્રાઈક રેટ પણ 126થી વધુ હતો. જોકે, જોનાથન કેમ્પબેલને આ સ્પર્ધામાં વધુ બોલિંગ કરવાની તક મળી ન હતી.

એલિસ્ટર કેમ્પબેલનો રેકોર્ડ

જોનાથન પર ચોક્કસપણે તેના પિતા એલિસ્ટર કેમ્પબેલની જેમ આંતરરાષ્ટ્રીય ક્રિકેટમાં પોતાનું નામ બનાવવાનું દબાણ હશે. તમને જણાવી દઈએ કે એલિસ્ટર કેમ્પબેલે ઝિમ્બાબ્વે માટે 60 ટેસ્ટ મેચ અને 188 ODI મેચ રમી છે. એલિસ્ટર કેમ્પબેલે ટેસ્ટમાં 2858 રન અને વનડેમાં 5185 રન બનાવ્યા હતા. તેણે ટેસ્ટમાં 2 સદી ફટકારી હતી જેમાંથી એક ટીમ ઈન્ડિયા સામે હતી. 2000માં નાગપુરમાં રમાયેલી ટેસ્ટ મેચમાં એલિસ્ટર કેમ્પબેલે બીજી ઈનિંગમાં સદી ફટકારીને મેચ ડ્રો કરી હતી. આટલું જ નહીં, એલિસ્ટર કેમ્પબેલે ODIમાં પણ ટીમ ઈન્ડિયા વિરુદ્ધ સદી ફટકારી છે, હવે તેનો પુત્ર ઝિમ્બાબ્વે ટીમમાં પસંદ કરવામાં આવ્યો છે, એવી આશા છે કે તે પણ તેના પિતાની જેમ નામ કમાય.

આ પણ વાંચો : Sachin Tendulkar Birthday : સચિન તેંડુલકરે આ રીતે ઉજવ્યો જન્મદિવસ, જોઈને તમારી આંખોમાં આંસુ આવી જશે