ENG vs PAK: પાકિસ્તાન પહોંચીને ઈંગ્લેન્ડ ટીમે પૂરગ્રસ્તોને માટે કર્યુ મોટુ એલાન, ક્રિકેટ ટીમે દિલ જીતી લીધું

17 વર્ષની રાહ પૂરી થઈ. 2005 પછી પહેલીવાર ઈંગ્લેન્ડની ક્રિકેટ ટીમે પાકિસ્તાન (Pakistan) ની ધરતી પર પગ મૂક્યો છે. T20 વર્લ્ડ કપ પહેલા પોતાને તૈયાર કરવા માટે, ઇંગ્લેન્ડની ક્રિકેટ ટીમ (England Cricket Team) 7 T20 મેચોની શ્રેણી માટે 15 સપ્ટેમ્બર, ગુરુવારે કરાચી પહોંચી હતી. ઈંગ્લેન્ડના આ પ્રવાસની સૌ કોઈ આતુરતાથી રાહ જોઈ રહ્યા હતા અને હવે તે સાચું પડ્યું છે. પાકિસ્તાન પહોંચીને ઈંગ્લિશ કેપ્ટન જોસ બટલરે (Jos Buttler) જે કહ્યું, તેણે પાકિસ્તાની ચાહકો સહિત સમગ્ર પાકિસ્તાનના દિલ જીતી લીધા.

જોસ બટલરની જાહેરાતે દિલ જીતી લીધું

કરાચી પહોંચતા જ ઈંગ્લેન્ડ ક્રિકેટ ટીમના કેપ્ટન જોસ બટલરે એક પ્રેસ કોન્ફરન્સને સંબોધી હતી, જેમાં તેણે આ સીરીઝને લઈને પોતાની ઉત્સુકતા વ્યક્ત કરી હતી. આ સાથે તેણે શ્રેણી માટે પોતાની ટીમના દાવા પર પણ જવાબ આપ્યો. એટલું જ નહીં, તેણે ખરાબ રીતે ફસાયેલા પાકિસ્તાન માટે મદદની જાહેરાત પણ કરી હતી.

બટલરની પ્રેસ કોન્ફરન્સની મહત્વની બાબતો

1. લાંબા સમય બાદ ઈંગ્લેન્ડની ટીમના પાકિસ્તાન પ્રવાસ વિશે બોલતા બટલરે કહ્યું, “અમે બધા અહીં આવીને ખૂબ જ ઉત્સાહિત છીએ. આટલા લાંબા સમય પછી ઈંગ્લેન્ડ ક્રિકેટ ટીમ તરીકે અહીં આવવું ખૂબ જ સારું છે.
2. પાકિસ્તાનમાં પૂર પીડિતોને મદદની જાહેરાત કરતા બટલરે કહ્યું કે, પાકિસ્તાનના લોકો પૂરનો સામનો કરી રહ્યા છે તે મુશ્કેલ સમય છે. એક ટીમ તરીકે, અમે અમુક રકમ દાન કરી રહ્યા છીએ. બોર્ડ (ઈંગ્લેન્ડ અને વેલ્સ ક્રિકેટ બોર્ડ) પણ એટલી જ રકમ આપશે. જરૂરિયાતમંદ લોકોને મદદ કરવાનો આ એક નાનકડો પ્રયાસ છે.
3. સાત મેચની શ્રેણીમાં કઈ ટીમ વધુ મજબૂત છે? આ સવાલના જવાબમાં બટલરે કહ્યું કે આ સિરીઝમાં પાકિસ્તાન સામે તેની ટીમ બહુ મજબૂત નથી અને યજમાન ટીમ ઘણી મજબૂત છે. બટલરે કહ્યું કે બંને ટીમો પાસે ઘણા મેચ વિનર છે.
4. પાકિસ્તાનના ઘાતક ફાસ્ટ બોલિંગ આક્રમણ પર બટલરે કહ્યું- હું પાકિસ્તાનના ફાસ્ટ બોલરોને ખૂબ જ ઉંચો રેટ કરું છું. પાકિસ્તાન એક એવો દેશ છે જેણે તેના સમગ્ર ઇતિહાસમાં સતત ઉત્તમ ફાસ્ટ બોલર પેદા કર્યા છે.
5. બટલરે એમ પણ કહ્યું કે પાકિસ્તાનમાં ઈંગ્લેન્ડની ક્રિકેટ ટીમના ઘણા ખેલાડીઓ ભૂતકાળમાં પાકિસ્તાન સુપર લીગમાં રમી ચૂક્યા છે અને તેઓએ સકારાત્મક પ્રતિસાદ આપ્યો છે અને તેમના અનુભવોથી જણાવ્યું છે કે પાકિસ્તાનના લોકો રમતને ખૂબ પ્રેમ કરે છે.